Maatiyee 7:13 - New Testament

¹³ Yesu tasɩ-wɛ heyuu se: «Ɩtɩŋnɩ ɖɛɛmɛnɖɛɛ taa nɛ ihiɣ wezuu. Nɔnɔɔ kɩwalaɣ nɛ nʋmɔʋ kɩwalʋʋ patɩŋnaʋ fɛyɩ kaɖɛ. Yee ɩtɩŋnɩ-wɛ yɔ, ileki. Ɛlɛ́, ɛyáa mbá patɩŋɩɣnɩ-wɛ yɔ pɔɖɔ sakɩyɛ.

Maatiyee 7:13 ပူးပေါင်းရင်းမြစ်များ

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Maatiyee 25:46

Powokini-wɛ ɖenɖe kʋñɔŋ maatɛŋ wɛɛ yɔ nɛ piyele mbá patʋʋzaa yɔ, paba ñowolo ɖenɖe wezuu maatɛŋ wɛɛ yɔ.»

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 3:8

Ɩla lakasɩ nzɩ́ sɩwɩlɩɣ se ɩlɛɣzɩ wɛtʋ yɔ.

Maatiyee 7:14

Đɛɛmɛnɖɛɛ nɛ nʋmɔsɔka patɩŋnaʋ wɛ kaɖɛ, ɛlɛ́, yee ɩtɩŋnɩ-wɛ yɔ, ihikiɣ wezuu. Ɛlɛ́, mbá panaɣ-wɛ yɔ, pɔtɔɖɔɔ.»

Luka 14:33

Peeɖe Yesu heyi-wɛ se: «Ḿbʋ́ ɖɔɖɔ mɩ-taa nɔɔyʋ ɛɛpɩzɩɣ ɛkɛ mɔn-tɔmkpɛlɩkɩyʋ nɛ eteyele mbʋ́ pɩtɩŋa payɩ ɛwɛna yɔ.»

Luka 9:33

Pɩkɛdaa lɛ, abalaa ḿbá pakʋyɩ Yesu cɔlɔ se pɛɖɛɣ. Peeɖe Pɩyɛ heyi Yesu se: «Wɩlɩyʋ! Đɩwɛʋ cɩnɛ yɔ, pʋwɛ ɖeu pɩŋŋ. Pʋmʋnaa se ɖisiɣ kɩɖanɖɩŋ naadozo: ña lɛɛkʋ, Mooyiizi lɛɛkʋ nɛ Elii lɛɛkʋ.» Ɛtaamaɣzɩ nɛ pʋcɔ ɛyɔɔdɩ ḿbʋ́.

Yohanɛɛsɩ 10:9

Ma lɛ nɔnɔɔ. Weyi ɛtɩŋɩɣnɩ mɔ-yɔɔ nɛ ɛsʋʋ yɔ, pɩyakɩ ɛ-ñʋʋ. Ɛpɩzɩɣ ɛsʋʋ nɛ ɛlɩɩ nɛ ehiɣ tɔɔnaɣ.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.

Room 9:22

Ḿbʋ́ ɖɔɖɔ pʋwɛnɩ Ɛsɔ, ɛcaɣaɣ se ɛwɩlɩ ɛzɩma mbʋ́ ɛ-pana kpawa yɔ. Ɛcaɣaɣ ɖɔɖɔ se patɩlɩ e-ɖoŋ. Ɛlɛ́, ɛɖɔkɩ ɛ-hɔyɛ siŋŋ nɛ ɛ́ɖɔ́kɩ mbá pɩɩwɛɛ se ɛ-pana ɛkpanɩ-wɛ nɛ pasʋʋ asayʋʋ taa yɔ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

2 Kɔrɛntɩ 6:17

Pamawa ɖɔɖɔ se: Kɩpaɣlʋ tɔŋ se: «ɩlɩɩ azaɣ́a ḿbá pa-taa nɛ iyebi-wɛ. Ɩtaatukuni azuluma pʋyʋ nɛ piyele mamʋ-mɩ.»

Galaatɩ 5:24

Mbá pɛkɛ Krɩstʋ Yesu ñɩma yɔ, pɛtɛm kpaɣʋ pa-lakasɩ kɩdɛkɛdɩsɩ nzɩ́ paasɔɔlɩ labʋ kpem yɔ sɩtɩŋa payɩ nɛ paka kaamaŋkaɣ yɔɔ.

Filiipu 3:19

Ɛyáa ḿbá, pɛtɛŋnɩ lebu, mbʋ́ pʋyɔɔ yɔ, po-lotu lɛ pɛ-Ɛsɔ. Mbʋ́ pɩɩwɛɛ se pɩkpa-wɛ fɛyɛ yɔ, papɩsaa pakʋndʋʋnɩ-pʋ nɛ pamaɣzɩɣ mbʋ́ pʋwɛ kedeŋa yɔɔ yɔ, pʋ-yɔɔ ɖeke.

1 Yohanɛɛsɩ 5:19

Đɩnawa se ɖɩkɛ Ɛsɔ ñɩma nɛ piyele kedeŋa ñɩma tɩŋa payɩ ñɛwɛɛ Satanɩ nesi taa.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 20:15

Weyi patana ɛ-hɩɖɛ wezuu takayaɣ taa yɔ, pɛpɛɖɩ-ɩ miŋ sɔsɔŋ taa.

Wɩlʋʋ 20:3

Ɛhɔkɩ-ɩ lɛ, ɛpɛɖɩ-ɩ asayʋʋ pɔʋ taa nɛ ɛɖɩɣ ɛ-yɔɔ nɛ ɛtaaɖɩ nɛ ɛñɩɣ nesi ɛ-yɔɔ se ɛtaatasɩ lɩʋ nɛ epeɣzi ajɛya taa ñɩma. Ɛwɛɣ peeɖe nɛ pʋkɔɔ pɩsɩɩnɩ alɩwaatʋ ndʋ́ pɩnzɩ kutoku ɖɛwa yɔ. Pʋwayɩ lɛ, pʋwɛɛ se patʋlɩ-ɩ nɛ pɛyɛɖɩ-ɩ alɩwaatʋ pazɩ.