Maatiyee 6:5 - New Testament

⁵ Yesu tasɩ-wɛ heyuu se: «Yee ɩsɛɣ Ɛsɔ lɛ, ɩtaala ɛzɩ tɛɛ nɛ pʋ-yɔɔ ñɩma lakʋʋ yɔ. Pɔsɔɔlɩ sɩŋʋʋ Ɛsɔ ɖɩsɛyɛ taa nɛ habɛɛ nɔsɩ alɩwaatʋ ndʋ́ pɛsɛɣ Ɛsɔ yɔ se ɛyáa ɛna-wɛ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ!

Maatiyee 6:5 ပူးပေါင်းရင်းမြစ်များ

Maatiyee 21:22

Yee ɩwɛnɩ lidaʋ Ɛsɔ yɔɔ yɔ, ɛhaɣ-mɩ mbʋ́ pɩtɩŋa payɩ ɩpɔzʋʋ-ɩ mɩ-Ɛsɔ sɛʋ taa yɔ.»

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

Maatiyee 23:5

Palakɩ pɩtɩŋa payɩ se ɛyáa ɛna-wɛ. Pʋ-yɔɔ pamaɣ Ɛsɔtɔm tɔnzɩ nzɩ́ sɩkɩlɩ walʋʋ yɔ sɩ-yɔɔ nɛ pataŋ pe-nesi nɛ pe-kila pa-taa. Pataŋ ɖɔɖɔ po-tokonaa nesi taa toma nɛ akɩlɩɣ lɛlaa tɛ.

Maatiyee 23:6

Pañɩnɩɣ ɖɩjaɣyɛ sɔsɔɖɛ kazandʋ ndɩ ndɩ nɛ Ɛsɔ ɖɩsɛyɛ pa-taa.

Maatiyee 6:1

Yesu tasɩ-wɛ heyuu se: «Ɩkpa mɩ-tɩ! Ɩtaala mbʋ́ pʋpɔzʋʋ se pala Ɛsɔ nʋmɔʋ taa yɔ ɛyáa samaɣ taa se pana-mɩ. Pɩtɛkɛ ḿbʋ́, ɩɩmʋʋ kɩhɛyʋʋ nakʋyʋ mɩ-Caa weyi ɛwɛ ɛsɔdaa yɔ ɛ-cɔlɔ.

Maatiyee 6:16

Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ.

Maatiyee 6:2

«Pʋ-yɔɔ lɛ, yee mɩ-taa nɔɔyʋ ɛlakɩ kʋñɔndɩnaa kʋjɔʋ yɔ, ɛtaayele se ɛyáa tɩŋa ɩna. Ḿbʋ́ tɛɛ nɛ pʋ-yɔɔ ñɩma lakɩ Ɛsɔ ɖɩsɛyɛ taa nɛ habɛɛ yɔɔ se pasam-wɛ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ!

Maatiyee 9:38

Pʋ-yɔɔ lɛ, itendi tɩ-tʋ nɛ ɛsɔzɩ kʋnɖaa sakɩyɛ nɛ pasɩnɩ-mɩ kʋm.»

Maarkɩ 11:25

Alɩwaatʋ ndʋ́ ɩkʋyʋʋ se ɩsɛɣ Ɛsɔ yɔ, yee mɩ nɛ nɔɔyʋ ɩwɛ tɔm yɔ, ikpeɣ pʋdʋ. Peeɖe mɩ-Caa weyi ɛwɛ ɛsɔdaa yɔ, ekpeɣiɣ-mɩ mɩ-kɩwɛɛkɩm ɖɔɖɔ. [

Maarkɩ 12:38

Eheyaɣ-wɛ se: «Ɩɖɔkɩ mɩ-tɩ nɛ paɣtʋ wɩlɩyaa. Mbʋ́ pʋyɔɔ yɔ, pɔsɔɔlɩ tokonaa sɔsaa suu nɛ pɔcɔʋ. Pɔsɔɔlaa ɖɔɖɔ se pɛsɛɣ-wɛ nɛ ñamtʋ ɛyáa ɖikpeɣliye taa.

Luka 11:43

Farɩsɩ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩkɩlɩ sɔɔlʋʋ lona sɔsɔna taa caɣʋ Ɛsɔ ɖɩsɛyɛ taa nɛ ɩsɔɔlɩ se pɛsɛɣ-mɩ ɛyáa ɖikpeɣliye taa nɛ poluŋuu mɩ-tɛɛ.

Luka 18:1

Yesu tasɩ ɛ-tɔmkpɛlɩkɩyaa tuuu eduuye se ɛwɩlɩ-wɛ se pʋwɛɛ se pɛwɛɛ Ɛsɔ sɛʋ yɔɔ tam. Pɩtaatii po-toma taa kaʋ.

Luka 18:13

Alɩwaatʋ ńdʋ́ lɛ, tikee mʋyʋ ñaasɩŋ poliŋ nɛ ɛsɔ ɛ-ñʋʋ nɛ tɛtʋ nɛ ekpiɖiɣ se: ‹Hayɩ Ɛsɔ! Na weyi ma mɛnkɛ kɩwɛɛkɩm laɖʋ yɔ man-pʋtɔdɩyɛ!›

Luka 20:47

Ḿbá ɖɔɖɔ hɔɔzʋʋnɩ lelaa nesi taa mbʋ́ pɩtɩŋa payɩ pɛwɛna yɔ. Pɛsɛɣ Ɛsɔ nɛ pɩɖaɣlɩɣ se pɩwɩlɩ se ḿbá lɛ ɛyáa kɩbama. Meheyiɣ-mɩ se kɩyakʋ ŋgʋ́ Ɛsɔ kɔŋ se ɛhʋʋnɩ ɛyáa yɔ, ɛɖʋʋ-wɛ kʋñɔŋ ŋgʋ́ kɩfɛyɩ ɖaɣʋ yɔ.»

Luka 6:24

Mbá mɩ ɩwɛnɩ ñɩm yɔ, pʋtɔɔ-mɩ, Mbʋ́ pʋyɔɔ yɔ, ɩtɛm mɩ-tɩ hiɣu!

Yohanɛɛsɩ 16:24

Halɩ nɛ sɔnɔ ɩtatɩɩsʋlʋmɩda nabʋyʋ nɛ mɔ-nɔɔ. Pʋ-yɔɔ lɛ, ɩsʋlʋmɩ-ɩ, ɛhaɣ-mɩ nɛ mɩ-laŋa tɛzɩ hʋlʋmʋʋ.»

Efɛɛzɩ 6:18

Đɔɖɔ lɛ, ɩtɩŋnɩ Fezuu Kiɖeɖeu yɔɔ nɛ ɩsɛɛ-ɩ nɛ itendi-i alɩwaatʋ tɩŋa pɩtɩŋa pɩ-taa. Ɩtaaɖoo pʋ-yɔɔ, ɩñaɣ pana nɛ itendi-i ɛ-ñɩma tɩŋa yɔɔ.

1 Tesalooniki 5:17

Ɩsɛɛ Ɛsɔ tam.

Yakubu 4:6

Ŋgʋ́, ɛnʋ lakɩnɩ-ɖʋ lootiye siŋŋ. Pʋwɛ ɛzɩ pamaʋ ka-taa ɖɔɖɔ yɔ. Pamawa se: «Ɛsɔ kʋyʋʋ mbá pakpazɩɣ pa-tɩ yɔ pɔ-yɔɔ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»