31 Pʋ-yɔɔ lɛ, ɩtaayɔkɩ mɩ-ñʋŋ mbʋ́ ɩɩtɔɔ nɛ ɩñɔɔ nɛ isuu yɔ pʋ-yɔɔ.
Peeɖe ɛ-tɔmkpɛlɩkɩyaa pɔzɩ-ɩ se: «Le ɖɩlɩɣ tɔɔnaɣ yɔɔ ñɩtʋ taa cɩnɛ nɛ ɖɩcalɩ ɛyáa samaɣ kanɛ katɩŋa?»
Yesu cosi-i se: «Pama Ɛsɔtɔm Takayaɣ taa se: ‹Pɩtɛkɛ tɔɔnaɣ ɖeke ɛyʋ cakɩnɩ wezuu. Ɛlɛ́, pʋwɛɛ se ɛcaɣ-kʋ ɖɔɖɔ nɛ tɔm ndʋ́ tɩtɩŋa payɩ tɩlɩɣnɩ Ɛsɔ nɔɔ taa yɔ.› »
Yesu tasɩ-wɛ heyuu se: «Ɩtaanɩɣzɩ mbʋ́ ɩɩtɔɔ nɛ ɩñɔɔ nɛ wondu ndʋ́ iisuu mi-wezuu caɣʋ taa yɔ pʋ-yɔɔ. Mbʋ́ pʋyɔɔ yɔ, wezuu kɩlɩ tɔɔnaɣ wazaɣ nɛ tomnaɣ ñakɩlɩ wondu wazaɣ.
Mɩ-taa weyi ɛyɔkʋʋ ɛ-ñʋʋ nɛ ɛpɩzɩ etuzi ɛ-sɩm kɩyakʋ?
Peeɖe Kɩpaɣlʋ cosi-i se: «Maarta! Maarta! Ŋkɩlɩɣ ña-tɩ kʋʋ wondu sakɩyɛ yɔɔ nɛ pɩcɛyɩɣ-ŋ.
Yee paya-mɩ se pahʋʋnɩ-mɩ Ɛsɔ ɖɩsɛyɛ taa yaa ñʋndɩnaa cɔlɔ yɔ, ɩtaanɩɣzɩ tɔm ndʋ́ ɩɩhʋʋ nɛ ɩlɩɩ yɔ tɩ-yɔɔ.
Pʋwayɩ lɛ, Yesu heyi ɛ-tɔmkpɛlɩkɩyaa se: «Pʋ-yɔɔ meheyiɣ-mɩ se ɩtaanɩɣzɩ tɔɔnaɣ ŋgá ɩɩtɔɔ yaa wondu ndʋ́ iisuu mi-wezuu caɣʋ taa yɔ pʋ-yɔɔ.
Mɩ-ɛsɛ ɛtaasɛɛnɩ mbʋ́ ɩɩtɔɔ nɛ ɩñɔɔ yɔ pɩ-ñɩnʋʋ nɛ lɩmaɣza kʋ-mɩ.
Ɩtaanɩɣzɩ kaʋ. Ɛlɛ́, paa mbʋ́ pɩ-taa lɛ, ɩtɩŋnɩ Ɛsɔ sɛʋ nɛ e-tenduu pɔ-yɔɔ nɛ ɛpɔzɩ-ɩ nɛ ɛsɩmɩyɛ mbʋ́ pɩtɩŋa pɩtɛɖɩɣ-mɩ yɔ.
Ɩkpaɣ lɩmaɣza wena atɩŋa payɩ akʋʋ-mɩ yɔ nɛ ɩɖʋzɩ e-nesi taa, mbʋ́ pʋyɔɔ yɔ, ɛnʋ cɔŋnɩnɩ mɩ-yɔɔ.