Maatiyee 6:28 - New Testament

²⁸ Nɛ pɩla ɛzɩma ɩyɔkʋʋ mɩ-ñʋŋ wondu yɔɔ yɔ? Ɩcɔnɩ tɛyɛ ñɩtʋ lɩzɩɣ hɛtʋ ndʋ́ yɔ nɛ ɩna. Ñɩtʋ ńdʋ́ tɩɩlakɩ tʋmɩyɛ, tɩɩlʋʋ wondu.

Maatiyee 6:28 ပူးပေါင်းရင်းမြစ်များ

Maatiyee 10:10

Ɩtaakpaɣ huyuu yaa toko nakʋyʋ nɛ pɩtasɩnɩ mbá pɛwɛ mɩ-yɔɔ yɔ yaa naataŋgbala, ɩtaaɖɔkɩ ɖaʋ. Toovenim lɛ, pʋwɛɛ se pɛcɛlɩ tʋmlaɖʋ mbʋ́ ɛcakɩnɩ wezuu yɔ.

Maatiyee 6:25

Yesu tasɩ-wɛ heyuu se: «Ɩtaanɩɣzɩ mbʋ́ ɩɩtɔɔ nɛ ɩñɔɔ nɛ wondu ndʋ́ iisuu mi-wezuu caɣʋ taa yɔ pʋ-yɔɔ. Mbʋ́ pʋyɔɔ yɔ, wezuu kɩlɩ tɔɔnaɣ wazaɣ nɛ tomnaɣ ñakɩlɩ wondu wazaɣ.

Maatiyee 6:27

Mɩ-taa weyi ɛyɔkʋʋ ɛ-ñʋʋ nɛ ɛpɩzɩ etuzi ɛ-sɩm kɩyakʋ?

Maatiyee 6:31

Pʋ-yɔɔ lɛ, ɩtaayɔkɩ mɩ-ñʋŋ mbʋ́ ɩɩtɔɔ nɛ ɩñɔɔ nɛ isuu yɔ pʋ-yɔɔ.

Luka 10:41

Peeɖe Kɩpaɣlʋ cosi-i se: «Maarta! Maarta! Ŋkɩlɩɣ ña-tɩ kʋʋ wondu sakɩyɛ yɔɔ nɛ pɩcɛyɩɣ-ŋ.

Luka 12:11

Yee paya-mɩ se pahʋʋnɩ-mɩ Ɛsɔ ɖɩsɛyɛ taa yaa ñʋndɩnaa cɔlɔ yɔ, ɩtaanɩɣzɩ tɔm ndʋ́ ɩɩhʋʋ nɛ ɩlɩɩ yɔ tɩ-yɔɔ.

Luka 12:22

Pʋwayɩ lɛ, Yesu heyi ɛ-tɔmkpɛlɩkɩyaa se: «Pʋ-yɔɔ meheyiɣ-mɩ se ɩtaanɩɣzɩ tɔɔnaɣ ŋgá ɩɩtɔɔ yaa wondu ndʋ́ iisuu mi-wezuu caɣʋ taa yɔ pʋ-yɔɔ.

Luka 12:27

Ɩcɔnɩ tɛyɛ ñɩtʋ lɩzɩɣ hɛtʋ ndʋ́ yɔ nɛ ɩna. Ñɩtʋ ńdʋ́, tɩɩlakɩ tʋmɩyɛ, tɩɩlʋʋ wondu. Ɛlɛ́, meheyiɣ-mɩ se halɩ wiyaʋ sɔsɔ Salomɔɔ nɛ ɛ-ñɩm tɩŋa yɔ, ɛtaawɛnɩ wonuu nakʋyʋ nɛ kɩtalɩ hɛtʋ ńdʋ́ tɩ-taa nakʋyʋ ɖeu.

Luka 3:11

Ecosi-wɛ se: «Nɔɔyʋ ɛwɛnɩ tokonaa naalɛ yɔ, ɛpasɩ lɛɛkʋ nɛ ɛha weyi ɛfɛyɩna yɔ. Yee nɔɔyʋ ɛwɛnɩ tɔɔnaɣ yɔ, ɛha ɖɔɖɔ weyi ɛfɛyɩna yɔ.»

Filiipu 4:6

Ɩtaanɩɣzɩ kaʋ. Ɛlɛ́, paa mbʋ́ pɩ-taa lɛ, ɩtɩŋnɩ Ɛsɔ sɛʋ nɛ e-tenduu pɔ-yɔɔ nɛ ɛpɔzɩ-ɩ nɛ ɛsɩmɩyɛ mbʋ́ pɩtɩŋa pɩtɛɖɩɣ-mɩ yɔ.

1 Pɩyɛ 5:7

Ɩkpaɣ lɩmaɣza wena atɩŋa payɩ akʋʋ-mɩ yɔ nɛ ɩɖʋzɩ e-nesi taa, mbʋ́ pʋyɔɔ yɔ, ɛnʋ cɔŋnɩnɩ mɩ-yɔɔ.