Maatiyee 6:24 - New Testament

²⁴ Yesu tasɩ-wɛ heyuu se: «Nɔɔyʋ ɛɛpɩzɩɣ ɛla caanaa naalɛ tʋma. Yee ɛlakɩ ḿbʋ́ yɔ, ɛpaɖɩɣ lɛlʋ nɛ ɛsɔɔlɩ lɛlʋ. Yaa pʋtɔma, ɛnɩɣnɩ lɛlʋ nɛ eyele lɛlʋ. Ḿbʋ́ ɖɔɖɔ pʋwɛɛ: ɩɩpɩzɩɣ ɩsa Ɛsɔ nɛ ɩtɛ ɩwɛnɩ liidiye laɣzaɣ.»

Maatiyee 6:24 ပူးပေါင်းရင်းမြစ်များ

Maatiyee 4:10

Yesu heyi-i se: «Satanɩ ɖɛɛ mɔ-yɔɔ! Mbʋ́ pʋyɔɔ yɔ, pama Ɛsɔtɔm Takayaɣ taa se: ‹Ña-Kɩpaɣlʋ Ɛsɔ ɖeke koŋ tɛɛ pʋwɛɛ se ŋluŋ nɛ ŋla ɛ-tʋmɩyɛ.› »

Luka 16:11

Yee ɩtalabɩnɩ kedeŋa yɔɔ cɩnɛ ñɩm mbʋ́ pʋpɔzʋʋ yɔ lɛ, acɛlɩɣ-mɩ ñɩm maɣmaɣ siŋŋ yɔ?

Luka 16:13

Tʋmlaɖʋ nɔɔyʋ ɛɛpɩzɩɣ ɛla caanaa naalɛ tʋma. Yee ɛlakɩ ḿbʋ́ yɔ, ɛpaɖɩɣ lɛlʋ nɛ ɛsɔɔlɩ lɛlʋ. Yaa pʋtɔmaɣ yɔ, ɛnɩɣnɩ lɛlʋ nɛ eyele lɛlʋ. Ḿbʋ́ ɖɔɖɔ pʋwɛɛ: ɩɩpɩzɩɣ ɩsɔɔlɩ Ɛsɔ nɛ ɩtɛ ɩwɛɛ ñɩm laɣzaɣ.»

Luka 16:9

Ma meheyiɣ-mɩ se: ɩkpaɣ kedeŋa yɔɔ cɩnɛ ñɩm mbʋ́ ɩwɛna yɔ nɛ ɩñɩnɩnɩ ɛgbaɣdɩnaa nɛ yee pʋkɔma pɩtɛɖɩɣ-mɩ lɛ, Ɛsɔ kamʋ-mɩ ɛ-ɖɩɣa ŋgá kaayɔkʋʋ kaʋ yɔ ka-taa.

Galaatɩ 1:10

Ɩmaɣzɩɣ se mɔyɔɔdʋʋ ḿbʋ́ yɔ, mancaɣ se ɛyáa ɩyɩɣyɩ-m yaa Ɛsɔ ɛyɩɣyɩnɩ-m? Ɩmaɣzɩɣ se malakɩ se pɩwɛɛ pɩkɛdɩɣnɩ ɛyáa naa we? Yee me-liu ɛɛwɛ ḿbʋ́ yɔ, mantaakɛnɩ Krɩstʋ tʋmlaɖʋ.

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

2 Timootee 4:10

Mbʋ́ pʋyɔɔ yɔ, Demaasɩ kɩlɩ sɔɔlʋʋ mbʋ́ pʋwɛ kedeŋa yɔɔ cɩnɛ yɔ nɛ ese mɔn-cɔlɔ nɛ ɛɖɛɛ Tesalooniki. Krɛɛsaɣ ñowobi Galaasii nɛ piyele Tiiti ñowolo Dalmaasii.

Yakubu 4:4

Mɩ, ɩwɛ ɛzɩ acɛyɛ tɩnaa yɔ! Ɩtatɩlɩ se yee nɔɔyʋ ɛsɔɔlɩ kedeŋa ñɩm kpem yɔ, ɛpɩsɩɣ Ɛsɔ koyindu naa we? Pʋ-yɔɔ lɛ, weyi ɛsɔɔlʋʋ kedeŋa ñɩm yɔ, ɛpɩsɩɣ Ɛsɔ koyindu kpaagbaa.