Maatiyee 6:20 - New Testament

²⁰ Ɛlɛ́, ikpeɣli-pʋ ɛsɔdaa ɖenɖe ŋgbam nɛ kálɩkɔ́daɣ paapɩzɩɣ pamʋʋ yaa mɩ́láa ɛɛpɩzɩɣ pɔyɔkɩ nɛ pamɩlɩ yɔ.

Maatiyee 6:20 ပူးပေါင်းရင်းမြစ်များ

Maatiyee 19:21

Ɛlɛ́, Yesu heyi-i se: «Yee ŋcaɣ se ŋtɛzɩ labʋ mbʋ́ Ɛsɔ liu wɛɛ yɔ yɔ, wolo ŋpɛdɩ mbʋ́ pɩtɩŋa payɩ ŋwɛna yɔ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Maatiyee 6:19

Yesu tasɩ-wɛ heyuu se: «Ɩtaañɩnɩ ñɩm nɛ ikpeɣli-pʋ kedeŋa yɔɔ. Mbʋ́ pʋyɔɔ yɔ, ŋgbam nɛ kálɩkɔ́daɣ pamʋʋ-pʋ yaa mɩ́láa yɔkʋʋ nɛ pamɩlɩ-pʋ.

Maarkɩ 10:21

Yesu cɔnɩ-ɩ pɩŋŋ lɛ, ɛ-tɔm kɛdɩnɩ-ɩ nɛ eheyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 12:33

Ɩpɛdɩ mɩ-ñɩm nɛ ɩtayɩ kʋñɔndɩnaa pi-liidiye. Ɩwɛnɩ liidiye huyiŋ weyi ɩɩtʋlʋʋ wiɖiyi kaʋ yɔ nɛ ñɩm mbʋ́ pɩɩtɛŋ yɔ ɛsɔdaa ɖenɖe mɩ́láa ɛɛmɩlɩɣ nɛ pʋyʋ ɛɛpɩzɩɣ pɩwɛɛkɩ-pʋ kaʋ yɔ.

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

1 Timootee 6:19

Yee palakɩ ḿbʋ́ yɔ, pasɩɣ pa-tɩ ñɩm mbʋ́ pɩɩwɛɛkɩɣ yɔ cee wayɩ yɔɔ. Peeɖe pehikiɣ wezuu maatɛŋ.

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.

Ebree 11:26

Toovenim lɛ, ɛmaɣzaɣ se yee peniɣzi-i ɛzɩ Krɩstʋ yɔ yɔ, pʋwɛɣ wazaɣ nɛ pɩkɩlɩ ñɩm mbʋ́ pʋwɛ Ejiptɩ yɔ. Mbʋ́ pʋyɔɔ yɔ, ɛcɔŋaɣnɩ kɩhɛyʋʋ ŋgʋ́ kʋwɛnɩ ɛsɩndaa yɔ ki-ɖeɖe.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

1 Pɩyɛ 1:4

Đɔɖɔ lɛ, ɛhaɣ-ɖʋ ɛ-ñɩm mbʋ́ pɩɩɖazɩɣ yaa piipiyiɣ yaa pɩɩwɛɛkɩɣ kaʋ nɛ ɛsɩɩ-pʋ ɛsɔdaa nɛ ɛɖaŋnɩ ɛ-ñɩma yɔ.

1 Pɩyɛ 5:4

Yee ɩlabɩ ḿbʋ́ yɔ, Điyiyaa Ñʋʋdʋ lakɩ-mɩ koboyaɣ kʋjɔʋ ŋgʋ́ kɩwɛɣ tam yɔ, alɩwaatʋ ndʋ́ ɛlɩzɩɣ ɛ-tɩ nɛ ɛwɩlɩ-mɩ yɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!