Maatiyee 6:19 - New Testament

¹⁹ Yesu tasɩ-wɛ heyuu se: «Ɩtaañɩnɩ ñɩm nɛ ikpeɣli-pʋ kedeŋa yɔɔ. Mbʋ́ pʋyɔɔ yɔ, ŋgbam nɛ kálɩkɔ́daɣ pamʋʋ-pʋ yaa mɩ́láa yɔkʋʋ nɛ pamɩlɩ-pʋ.

Maatiyee 6:19 ပူးပေါင်းရင်းမြစ်များ

Maatiyee 19:21

Ɛlɛ́, Yesu heyi-i se: «Yee ŋcaɣ se ŋtɛzɩ labʋ mbʋ́ Ɛsɔ liu wɛɛ yɔ yɔ, wolo ŋpɛdɩ mbʋ́ pɩtɩŋa payɩ ŋwɛna yɔ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Maatiyee 6:20

Ɛlɛ́, ikpeɣli-pʋ ɛsɔdaa ɖenɖe ŋgbam nɛ kálɩkɔ́daɣ paapɩzɩɣ pamʋʋ yaa mɩ́láa ɛɛpɩzɩɣ pɔyɔkɩ nɛ pamɩlɩ yɔ.

Luka 12:21

Peeɖe Yesu tasɩ yɔɔdʋʋ se: «Ḿbʋ́ ɖɔɖɔ pʋwɛnɩ weyi ɛcazɩɣ kedeŋa yɔɔ cɩnɛ ñɩm nɛ ɛsɩɣ ɛ-tɩ yɔ. Ɛtɛkɛ ñɩm tʋ Ɛsɔ ɛsɩndaa.»

Luka 12:33

Ɩpɛdɩ mɩ-ñɩm nɛ ɩtayɩ kʋñɔndɩnaa pi-liidiye. Ɩwɛnɩ liidiye huyiŋ weyi ɩɩtʋlʋʋ wiɖiyi kaʋ yɔ nɛ ñɩm mbʋ́ pɩɩtɛŋ yɔ ɛsɔdaa ɖenɖe mɩ́láa ɛɛmɩlɩɣ nɛ pʋyʋ ɛɛpɩzɩɣ pɩwɛɛkɩ-pʋ kaʋ yɔ.

Luka 12:39

Ɩtɩlɩ ɖɔɖɔ se yee ɖɩɣa tʋ nɔɔyʋ ɛɛsɩm alɩwaatʋ ndʋ́ tɩ-yɔɔ mɩ́lʋ́ kɔŋ yɔ yɔ, ɛtaayebi-i se ɛsʋʋ ɛ-ɖɩɣa taa.

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 18:24

Yesu nawa se ɛ-laŋɩyɛ wɛɛkaa lɛ, ɛtɔ se: «Pʋwɛ kaɖɛ pɩtɩɩfɛyɩ se ñɩm tɩnaa ɛsʋʋ Ɛsɔ Kewiyaɣ taa!

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

Ebree 13:5

Ɩtaawɛnɩ liidiye laɣzaɣ mi-wezuu caɣʋ taa. Mɩ-laŋa ɛhʋlʋmɩnɩ ñɩm mbʋ́ ɩwɛnɩ lɛɛlɛɛyɔ yɔ, mbʋ́ pʋyɔɔ yɔ, Ɛsɔ maɣmaɣ yɔɔdaa se: «Maakaɣ-ŋ lɔʋ, maahaɣ-ŋ siɣ́ye kaʋ.»