Maatiyee 6:16 - New Testament

¹⁶ Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ.

Maatiyee 6:16 ပူးပေါင်းရင်းမြစ်များ

Maatiyee 6:1

Yesu tasɩ-wɛ heyuu se: «Ɩkpa mɩ-tɩ! Ɩtaala mbʋ́ pʋpɔzʋʋ se pala Ɛsɔ nʋmɔʋ taa yɔ ɛyáa samaɣ taa se pana-mɩ. Pɩtɛkɛ ḿbʋ́, ɩɩmʋʋ kɩhɛyʋʋ nakʋyʋ mɩ-Caa weyi ɛwɛ ɛsɔdaa yɔ ɛ-cɔlɔ.

Maatiyee 6:2

«Pʋ-yɔɔ lɛ, yee mɩ-taa nɔɔyʋ ɛlakɩ kʋñɔndɩnaa kʋjɔʋ yɔ, ɛtaayele se ɛyáa tɩŋa ɩna. Ḿbʋ́ tɛɛ nɛ pʋ-yɔɔ ñɩma lakɩ Ɛsɔ ɖɩsɛyɛ taa nɛ habɛɛ yɔɔ se pasam-wɛ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ!

Maatiyee 6:5

Yesu tasɩ-wɛ heyuu se: «Yee ɩsɛɣ Ɛsɔ lɛ, ɩtaala ɛzɩ tɛɛ nɛ pʋ-yɔɔ ñɩma lakʋʋ yɔ. Pɔsɔɔlɩ sɩŋʋʋ Ɛsɔ ɖɩsɛyɛ taa nɛ habɛɛ nɔsɩ alɩwaatʋ ndʋ́ pɛsɛɣ Ɛsɔ yɔ se ɛyáa ɛna-wɛ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ!

Maarkɩ 2:18

Kɩyakʋ nakʋyʋ Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa nɛ Farɩsɩ ñɩma pɔhɔkaɣ nɔɔ. Peeɖe ɛyáa woba nɛ pɔpɔzɩ Yesu se: «Pɩlabɩ ɛzɩma Farɩsɩ ñɩma tɔmkpɛlɩkɩyaa nɛ Yohanɛɛsɩ ñɩma pɔhɔkʋʋ nɔɔ nɛ ña-ñɩma ñaahɔkʋʋ?»

Luka 18:12

Kpɩtaʋ taa lɛ, kɩyakɩŋ naalɛ mɔhɔkʋʋ nɔɔ. Mbʋ́ pɩtɩŋa mehikiɣ yɔ, mantayɩɣ-pʋ tam hiu nɛ mahaɣ-ŋ hɔɔlʋʋ kʋɖʋmʋʋ.›

Luka 2:37

Peeɖe ɛcaɣ lelitu nɛ ɛkɔɔ ɛtalɩ pɩnzɩ nɩɩnʋwa nɛ niidozo nɛ naanza. Ɛɛwɛɛ Ɛsɔ ɖɩɣa taa alɩwaatʋ kpeekpe nɛ ɛsaŋ-ɩ wɩsɩ nɛ ɖoó nɛ ɛhɔkʋʋ nɔɔ nɛ ɛsɛɣ-ɩ.

Tʋma Labʋ 10:30

Ɛlɛ́, Kɔɔrnɛɛyɩ cosi-i se: «Pɩlabɩ kɩyakɩŋ naanza yɔ, maawɛ mɛn-tɛ nɛ mɛnsɛɣ Ɛsɔ, pɩɩmaɣ ɛzɩ ɖanaɣ wɩsɩ wɛlʋʋ yɔ. Pɩkɛdaa lɛ, abalʋ nɔɔyʋ tɩlɩʋ mɛ-ɛsɩndaa yem. Esu wondu nɛ tɩñɩlɩzɩɣ

Tʋma Labʋ 14:23

Paa Krɩstʋ ŋgbɛyɛ nɖɩ́ ɖɩ-taa lɛ, Pɔɔlɩ nɛ Barnaabaasɩ palɩzaɣ nabɛyɛ se pɛkɛnɩ sɔsaa. Palɩzɩɣ-wɛ ḿbʋ́ lɛ, pa nɛ wɛ pɔhɔkɩ nɔɔ nɛ pɛsɛɛ Kɩpaɣlʋ Ɛsɔ. Pʋwayɩ lɛ, paɖʋzɩ-wɛ e-nesi taa, mbʋ́ pʋyɔɔ yɔ, ɛ-yɔɔ pɛwɛnɩ lidaʋ.

1 Kɔrɛntɩ 7:5

Halʋ nɛ ɛ-walʋ pataapɛ pa-tɩ ɖama. Yee panɩnɩ ɖama se papɩzɩ pehiɣ alɩwaatʋ nɛ pɛsɛɛ Ɛsɔ yɔ, kalɩ pi-ɖeke. Paa ḿbʋ́ yɔ, pataacaɣ nɛ puwolo poliŋ. Pɩtɛkɛ ḿbʋ́, paapɩzɩɣ pɔ́ɖɔ́kɩ pa-tɩ alɩwaatʋ ndʋ́ Satanɩ takɩɣ-wɛ yɔ.

2 Kɔrɛntɩ 11:27

Malabɩ tʋma wena awɛ kaɖɛ yɔ nɛ pɩnɩ-m siŋŋ. Nabʋyʋ taa lɛ, mancaɣnɩ mɛ-ɛsɛ nɛ ñɔɔsɩ nɛ lɔkɔtʋ pakʋ-m. Nabʋyʋ taa lɛ, mɛwɛɛ nɔɔ hɔkʋʋ yɔɔ. Mantaawɛnɩ wondu se monsuu nɛ niŋkaɣ kʋ-m.

2 Kɔrɛntɩ 6:5

Pamabɩ-ɖʋ nɛ paɖʋ-ɖʋ salaka nɛ palɩzɩ ɖɔ-yɔɔ ñaɖʋʋ. Đɩlabɩ tʋma sɩm yɔɔ sɩm yɔɔ: nabʋyʋ taa, ɖitoɖoo, ɖɩtɔtɔɔ pʋyʋ ɖɔɖɔ.