Maatiyee 6:13 - New Testament

¹³ Taayele nɛ pɩtakɩ-ɖʋ, ɛlɛ́, lɩzɩ-ɖʋ Satanɩ nesi taa. [ Mbʋ́ pʋyɔɔ yɔ, ñatɩnɩ kewiyaɣ nɛ ɖoŋ nɛ koboyaɣ patɩŋa payɩ tam. Pɩla ḿbʋ́!]›

Maatiyee 6:13 ပူးပေါင်းရင်းမြစ်များ

Maatiyee 26:41

Ɩcaɣnɩ mɩ-ɛsɛ nɛ ɩsɛɛ Ɛsɔ, pɩtɛkɛ ḿbʋ́, ɩkɔŋ ɩsʋʋ takʋʋ taa. Ɛyʋ liu wɛɛ se ɛla mbʋ́ pʋwɛ ɖeu yɔ, ɛlɛ́, ɛwɛnɩ kaapɩzɩtʋ.»

Maatiyee 28:20

Ɩkpɛlɩkɩ-wɛ nɛ pɔɖɔ mbʋ́ pɩtɩŋa payɩ maaɖʋ-mɩ yɔ pʋ-yɔɔ. Ɩtɩlɩ se mɛwɛɣ mɩ-cɔlɔ kɩyakɩŋ tɩŋa nɛ pʋkɔɔ pɩsɩɩnɩ kedeŋa tɛm wiye.»

Maatiyee 5:37

Yee nabʋyʋ ɛkɛ toovenim yɔ, ɩtɔ yem se: ‹Ɛɛɛ!› Yee pɩtɛkɛ toovenim yɔ, ɩtɔ yem se: ‹Aayɩ!› Yee ɩtasɩ natʋyʋ sɔzʋʋ yɔ, tʋtʋ kɛnɩ Satanɩ ñɩndʋ.»

Maatiyee 6:10

Ñe-kewiyaɣ ɛkɔɔ, yele pala ñe-liu ñɩm tataa cɩnɛ ɛzɩ palakʋʋ ɛsɔdaa yɔ.

Yohanɛɛsɩ 17:15

Maatendiɣ-ŋ se ŋkʋsɩ-wɛ kedeŋa yɔɔ, ɛlɛ́, mentendiɣ-ŋ se ŋcɔnɩ pɔ-yɔɔ nɛ Satanɩ ɛtaalabɩ-wɛ pʋyʋ.

1 Kɔrɛntɩ 10:13

Pɩtakɩɣ-mɩ takʋʋ mbʋ́ yɔ, pɩfɛyɩ ndɩ nɛ ɛyáa lɛlaa takʋʋ. Ɛsɔ tʋʋzaa. Ɛlakɩ mbʋ́ ɛɖʋwa yɔ. Eeyeki se pɩtakɩ-mɩ nɛ pɩɖɛɛ mi-ɖoŋ yɔɔ. Ɛlɛ́, alɩwaatʋ ndʋ́ pɩtakɩɣ-mɩ yɔ, ɛwɩlɩɣ-mɩ nʋmɔʋ ŋgʋ́ pʋwɛɛ se ɩtɩŋ nɛ ɩlɩɩ pɩ-taa yɔ.

1 Kɔrɛntɩ 14:16

Toovenim lɛ, yee ŋsaŋ Ɛsɔ nɛ ña-kalɩzaɣ ɖeke lɛ, ɛzɩma weyi ɛɛnɩɣ kʋnʋŋ ŋ́gʋ́ yɔ, ɛpɩzɩɣ etisi se: «pɩla ḿbʋ́» ñɛ-Ɛsɔ sam ḿbʋ́ pʋ-yɔɔ? Mbʋ́ pʋyɔɔ yɔ, ɛɛnɩɣ ndʋ́ ŋyɔɔdʋʋ yɔ.

2 Kɔrɛntɩ 1:20

Ɛnʋ wɩlɩɣnɩ-ɖʋ kaŋŋ se mbʋ́ pɩtɩŋa payɩ Ɛsɔ heyi-ɖʋ se ɛlakɩ-ɖʋ yɔ, ɛlakɩ pɩtɩŋa payɩ nɛ pɩtɩŋnɩ Krɩstʋ yɔɔ. Đɔɖɔ lɛ, ɛ-yɔɔ ɖɩtɩŋɩɣna nɛ ɖiheyi Ɛsɔ se: «Pɩla ḿbʋ́!» Nɛ pɩkɛnɩ Ɛsɔ ɛnʋ koboyaɣ.

Galaatɩ 1:4

Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

1 Tesalooniki 1:10

se ɩɖaŋ ɛ-Pɩyalʋ weyi ɛlɩɣnɩ ɛsɔdaa se ɛkɔɔ yɔ. Ɛnʋ lɛ Yesu weyi efezi-i nɛ sɩɖaa taa yɔ. Ɛnʋ lɩzɩɣnɩ-ɖʋ Ɛsɔ pana wena akɔŋ-ɖʋ kpanaʋ yɔ a-taa.

2 Tesalooniki 3:3

Ɛlɛ́, Kɩpaɣlʋ ñalakɩ mbʋ́ ɛɖʋwa yɔ. Eyeki nɛ ɩkpa ɖoŋ nɛ ehuuzi mɩ-yɔɔ se Satanɩ ɛtaapɩzɩ ɛlabɩ-mɩ pʋyʋ.

1 Timootee 1:17

Ɛyáa tɩŋa payɩ ɛsam-ɩ nɛ paɖʋ-ɩ hɩɖɛ tam. Mbʋ́ pʋyɔɔ yɔ, ɛnʋ lɛ Wiyaʋ sɔsɔ weyi e-kewiyaɣ tɔɔʋ fɛyɩ tɩnaɣ yɔ, ɛɛsɩkɩ, nɔɔyʋ ɛɛnaɣ-ɩ, e-ɖeke koŋ lɛ Ɛsɔ tam! Pɩla ḿbʋ́!

Ebree 11:36

Peniɣzi lɛlaa ɖɔɖɔ nɛ polu-wɛ agbazɛɛ. Pɔhɔkɩ lɛlaa yoŋgbasɩ nɛ paɖʋ-wɛ salaka.

1 Pɩyɛ 5:8

Ɩcaɣnɩ mɩ-ɛsɛ! Ɩwɛɛ kpekpeka! Mi-koyindu Satanɩ wɛɛ ɛcɔʋ. Ɛñɩnɩɣ se ɛkpa nɔɔyʋ ɛzɩ ñɔɔsɩ wɩɣʋ tɔɔyʋʋ nɛ kɩmakɩ kubusi nɛ kɩñɩnɩɣ pʋyʋ se kʋtɔɔ yɔ.

2 Pɩyɛ 2:9

Ḿbʋ́ wɩlɩɣnɩ-ɖʋ se Kɩpaɣlʋ sɩm nʋmɔʋ ŋgʋ́ ɛtɩŋɩɣna nɛ ɛlɩzɩ mbá pañaŋ-ɩ yɔ takʋʋ taa yɔ. Pɩwɩlɩɣ-ɖʋ ɖɔɖɔ se ɛsɩm ɛzɩma mbʋ́ ɛsɩɣ azaɣ́a nɛ ɛɖʋ-wɛ kʋñɔŋ tɔm hʋʋ kɩyakʋ wiye yɔ.

1 Yohanɛɛsɩ 3:8

Weyi ɛ́lɛ́ ñɛwɛɛ nɛ ɛlakɩ kɩwɛɛkɩm yɔ, ɛkɛ eleeu ñɩnʋ. Mbʋ́ pʋyɔɔ yɔ, ɛnʋ wɛna nɛ ɛlakɩ kɩwɛɛkɩm ɖooo ɛzɩ Ɛsɔ labʋ kedeŋa yɔ. Pʋ-yɔɔ Ɛsɔ Pɩyalʋ kɔm kedeŋa yɔɔ se ɛwɛɛkɩ mbʋ́ eleeu ɛnʋ ɛlaba yɔ.

Wɩlʋʋ 1:18

Ma lɛ weyi ɛwɛ wezuu yɔ. Maasɩba, ɛlɛ́, ma yɔ, mɛwɛɣnɩ mɛ-ɛsɛ tam. Mɔnɖɔkɩ sɩm nɛ ɖenɖe sɩɖaa wɛɛ yɔ pɔ-nɔnɔɔ ñɩma.

Wɩlʋʋ 19:1

Pʋwayɩ lɛ, manɩɩ puholuuni ɛsɔdaa ɛzɩ samaɣ sɔsɔɔ nakɛyɛ nɔɔ yɔ se: «Aleluuya! Đɛ-Ɛsɔ tɩnɩ ñʋʋ yabʋ nɛ koboyaɣ nɛ ɖoŋ!

Wɩlʋʋ 19:4

Peeɖe sɔsaa ḿbá pa-nɩɩlɛ nɛ naanza nɛ kpɩna ana a-naanza poluŋ Ɛsɔ weyi ɛcaɣ kewiyaɣ kpelaɣ yɔɔ yɔ ɛ-tɛɛ nɛ pasaŋ-ɩ se: «Aleluuya! Pɩla ḿbʋ́!»

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 21:4

Ɛhɛzɩɣ pɛ-ɛsɩtɛɣlɩm tɩŋa. Sɩm yaa leɣa caɣʋ yaa atɩma yaa wɩzasɩ pa-taa nabʋyʋ ɛɛtasɩɣ wɛʋ. Mbʋ́ pʋyɔɔ yɔ, kajalaɣ wondu mʋwaa.»

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 5:13

Manɩ ɖɔɖɔ mbʋ́ pʋwɛ ɛsɔdaa nɛ tataa nɛ tɛtɛɛ nɛ teŋgu taa nɛ mbʋ́ pɩtɩŋa payɩ pʋwɛ kedeŋa yɔɔ yɔ, pɔyɔɔdaɣ se: «Pasa weyi ɛcaɣ kewiyaɣ kpelaɣ yɔɔ yɔ nɛ Heɣa nɛ paɖʋ-wɛ hɩɖɛ, ḿbá tɩnɩ koboyaɣ nɛ ɖoŋ pɩnzɩ ɛgbaŋ ɛgbaŋ!»