Maatiyee 6:1 - New Testament

¹ Yesu tasɩ-wɛ heyuu se: «Ɩkpa mɩ-tɩ! Ɩtaala mbʋ́ pʋpɔzʋʋ se pala Ɛsɔ nʋmɔʋ taa yɔ ɛyáa samaɣ taa se pana-mɩ. Pɩtɛkɛ ḿbʋ́, ɩɩmʋʋ kɩhɛyʋʋ nakʋyʋ mɩ-Caa weyi ɛwɛ ɛsɔdaa yɔ ɛ-cɔlɔ.

Maatiyee 6:1 ပူးပေါင်းရင်းမြစ်များ

Maatiyee 16:27

Ɛyʋ Pɩyalʋ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ nɛ ɛhɛyɩ paa weyi mbʋ́ ɛlaba yɔ pʋ-yɔɔ.

Maatiyee 16:6

Peeɖe ɛpaɣ-wɛ se: «Ɩɖɔkɩ mɩ-tɩ ɖeu nɛ Farɩsɩ ñɩma nɛ Saduki ñɩma pɔ-sɔsɔɔna.»

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

Maatiyee 23:5

Palakɩ pɩtɩŋa payɩ se ɛyáa ɛna-wɛ. Pʋ-yɔɔ pamaɣ Ɛsɔtɔm tɔnzɩ nzɩ́ sɩkɩlɩ walʋʋ yɔ sɩ-yɔɔ nɛ pataŋ pe-nesi nɛ pe-kila pa-taa. Pataŋ ɖɔɖɔ po-tokonaa nesi taa toma nɛ akɩlɩɣ lɛlaa tɛ.

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Maatiyee 5:16

Ḿbʋ́ pʋmʋnaa se mɩ-ñalɩmɩyɛ ɛñalɩ ɛyáa ɛsɩndaa nɛ pana mɩ-camɩyɛ lakasɩ nɛ pasa mɩ-Caa weyi ɛwɛ ɛsɔdaa yɔ.»

Maatiyee 5:46

Yee mbá pɔsɔɔlɩ-mɩ yɔ pe-ɖeke ɩsɔɔlʋʋ lɛ, kɩhɛyʋʋ ŋgʋ́ ɩɖaŋɩɣ Ɛsɔ cɔlɔ yɔ? Halɩ tikee mʋyaa maɣmaɣ ñɔsɔɔlʋʋ mbá pɔsɔɔlɩ-wɛ yɔ.

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Maatiyee 6:16

Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ.

Maatiyee 6:9

Mɩ lɛ, ɩsɛɛ Ɛsɔ se: ‹Đa-Caa weyi ña ŋwɛ ɛsɔdaa yɔ, ña-hɩɖɛ ɛsɛɛ paa le.

Maarkɩ 8:15

Peeɖe Yesu paɣ́-wɛ se: «Ɩɖɔkɩ mɩ-tɩ ɖeu nɛ Eroodi nɛ Farɩsɩ ñɩma pɔ-sɔsɔɔna.»

Luka 11:35

Pʋ-yɔɔ lɛ, ɖɔkɩ ña-tɩ camɩyɛ nɛ ñalɩmɩyɛ nɖɩ́ ŋwɛna yɔ, ɖɩtaapɩsɩ cɩkpɛndʋʋ.

Luka 12:1

Alɩwaatʋ ńdʋ́ tɩ-yɔɔ lɛ, ɛyáa kpeɣli sakɩyɛ nɛ pɛfɛyɩɣ ɖama naŋgbanzɩ yɔɔ. Ɛlɛ́, Yesu calɩnɩ paɣ́ʋ ɛ-tɔmkpɛlɩkɩyaa se: «Ɩɖɔkɩ mɩ-tɩ nɛ Farɩsɩ ñɩma sɔsɔɔna. Pɛ-tɛɛ nɛ pʋ-yɔɔ lakasɩ tɔm mɔyɔɔdʋʋ ḿbʋ́.

Luka 12:15

Pʋwayɩ lɛ, eheyi patɩŋa se: «Ɩɖɔkɩ mɩ-tɩ camɩyɛ nɛ ñɩm laɣzaɣ. Mbʋ́ pʋyɔɔ yɔ, paa ɛyʋ ɛwɛnɩ ñɩm ɛzɩma yɔ, e-wezuu caɣʋ ɛɛlɩɣnɩ pʋ-cɔlɔ.»

Luka 16:15

Pʋ-yɔɔ Yesu heyi-wɛ se: «Ɩcaɣ se ɛyáa ɩna-mɩ se ɩkɛ kʋtʋʋzaa, ɛlɛ́, Ɛsɔ ñasɩm mɩ-lɩmaɣza tɩŋa. Mbʋ́ ɛyáa maɣzɩɣ se pɩkɩlɩ pɩtɩŋa payɩ yɔ, Ɛsɔ ɛɛcaɣ se ɛna-pʋ ɛ-ɛsɩndaa kpem.

Yohanɛɛsɩ 12:43

Paasɔɔlaa se ɛyáa ɛyɩɣyɩ-wɛ nɛ pɩkɩlɩ Ɛsɔ yɩɣyʋʋ-wɛ yɔ.

Yohanɛɛsɩ 5:44

Mbá mɩ ɩyɩɣyɩɣ ɖama nɛ ɩɩcaɣ se Ɛsɔ ɖeke koŋ ɛyɩɣyɩnɩ-mɩ yɔ, ɛzɩma ɩpɩzɩɣ ɩwɛnɩ lidaʋ mɔ-yɔɔ?

Tʋma Labʋ 3:12

Pɩyɛ na ḿbʋ́ lɛ, ɛpɔzɩ-kɛ se: «Izrɛɛlɩ ñɩma mɩ! Pɩlabɩ ɛzɩma pɩɖɩɣzɩɣ-mɩ nɛ abalʋ ɛnɛ ɛ-yɔɔ cɛbʋ tɔm ḿbʋ́? Ɛbɛ yɔɔ ɩcɔnɩ-ɖʋ ɛzɩ ɖa-maɣmaɣ ɖo-ɖoŋ ɖɩlabɩnaa, yaa ɖɩlakɩ mbʋ́ Ɛsɔ liu wɛɛ yɔ yɔɔ ɖɩlaba nɛ abalʋ ɛnɛ ɛkʋyɩ ɛɖɔŋ?

Galaatɩ 6:12

Mbá patɩŋa payɩ pe-liu wɛɛ se payaa-wɛ se kɩbama yɔ, ḿbá cɛyɩɣnɩ-mɩ se pʋwɛɛ se pɛpɛlɩ-mɩ. Palakɩ ḿbʋ́ kpem se ɛyáa ɛtaawɛɛ pa-wayɩ kaŋ kaŋ. Yee posusuu Krɩstʋ sɩbʋ kaamaŋkaɣ yɔɔ yɔ pʋ-tɔm yɔ, pʋbʋ, pɛwɛɣ pa-wayɩ kaŋ kaŋ.

Ebree 11:26

Toovenim lɛ, ɛmaɣzaɣ se yee peniɣzi-i ɛzɩ Krɩstʋ yɔ yɔ, pʋwɛɣ wazaɣ nɛ pɩkɩlɩ ñɩm mbʋ́ pʋwɛ Ejiptɩ yɔ. Mbʋ́ pʋyɔɔ yɔ, ɛcɔŋaɣnɩ kɩhɛyʋʋ ŋgʋ́ kʋwɛnɩ ɛsɩndaa yɔ ki-ɖeɖe.

Ebree 2:1

Pʋyɔɔ pʋwɛɛ se ɖɛ-ɛsɩyɛ ɛsɛɛnɩ tɔm ndʋ́ ɖɩnɩwa yɔ nɛ pɩkɩlɩ ɛzɩ pɩtɩɩ yɔ nɛ ɖɩtaakɔɔ ɖile nʋmɔʋ.

Ebree 6:10

Ɛsɔ lɛ weyi ɛhʋʋ tɔm nɛ toovenim yɔ. Ɛɛsɔʋ mɩ-camɩyɛ lakasɩ yɔɔ. Ɛɛsɔʋ ɖɔɖɔ sɔɔlɩm mbʋ́ ɩsɔɔlɩ-ɩ nɛ ɩtɩŋɩɣnɩ pʋ-yɔɔ nɛ ɩsɩŋnɩ ɛ-ñɩma yɔ pʋyɔɔ. Ḿbʋ́ ɖɔɖɔ ɩwɛɛ ɩlakɩ lɛɛlɛɛyɔ.

2 Yohanɛɛsɩ 1:8

Pʋ-yɔɔ lɛ, ɩɖaŋ mɩ-tɩ yɔɔ nɛ ɩkɔɔ ɩmʋ mɩ-kɩhɛyʋ tɩŋa payɩ. Pɩtɛkɛ ḿbʋ́, ilesiɣ tʋmɩyɛ nɖɩ́ ɖɩtɩŋa payɩ ɖɩlaba yɔ ɖɩ-kɛzɛɣa.