Maatiyee 5:9 - New Testament

⁹ Mbá pañɩnɩɣ laŋhɛzɩyɛ yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ-wɛ yaʋ se e-piya.

Maatiyee 5:9 ပူးပေါင်းရင်းမြစ်များ

Maatiyee 5:45

nɛ ɩpɩsɩ mɩ-Caa Ɛsɔ weyi ɛwɛ ɛsɔdaa yɔ e-piya. Mbʋ́ pʋyɔɔ yɔ, eyeki nɛ wɩsɩ lɩɣ ɛyáa kɩbama nɛ azaɣ́a pɔ-yɔɔ. Eyeki ɖɔɖɔ nɛ tɛʋ nɩɣ kɩbama nɛ kɩdɛkɛdaa pɔ-yɔɔ.

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Luka 20:36

Paatasɩɣ sɩbʋ ɖɔɖɔ, mbʋ́ pʋyɔɔ yɔ, pɛwɛɣ ɛzɩ Ɛsɔ tiyiyaa yɔ. Ɛsɔ kɔŋ-wɛ kpaɣʋ ɛzɩ e-piya yɔ, mbʋ́ pʋyɔɔ yɔ, pasɩba nɛ pefe.

Luka 6:35

Mɩ lɛ, pʋwɛɛ se ɩsɔɔlɩ mi-koyindinaa nɛ ɩla ɛyáa camɩyɛ. Ɩkɩndɩ-wɛ, ɛlɛ́, ɩtaaɖaŋ se paahɛyɩ-mɩ. Peeɖe ɩmʋʋ kɩhɛyʋʋ sɔsɔʋ nɛ pɩwɩlɩ se ɩkɛ Ɛsɔ Caabiyuu piya. Mbʋ́ pʋyɔɔ yɔ, ɛlakɩ mbá pɛfɛyɩnɩ ɛsɩmɩyɛ yɔ nɛ kañadɩnaa camɩyɛ lakasɩ.

Tʋma Labʋ 7:26

Kifema lɛ, Mooyiizi tasɩ katʋʋ Izrɛɛlɩ ñɩma naalɛ nabɛyɛ, poyowaɣ. Peeɖe ewobi se eloluu-wɛ, ɛlɛ́ ɛpɔzɩ-wɛ se: ‹Man-taabalaa! Ɩkɛ ɛyáa kʋɖʋmaa lɛ, ɛbɛ laba nɛ ɩmakɩ ɖama ḿbʋ́?›

Room 12:18

Ɩñaɣ pana ɛzɩma mbʋ́ ɩpɩzɩɣ yɔ nɛ mɩ nɛ ɛyáa tɩŋa payɩ pʋwɛɛ leleŋ.

Room 8:14

Mbá patɩŋa payɩ Fezuu Kiɖeɖeu wɩlɩɣ-wɛ nʋmɔʋ yɔ, pɛkɛ Ɛsɔ piya.

Room 8:16

Fezuu Kiɖeɖeu maɣmaɣ heyi-ɖʋ se ɖɩkɛ Ɛsɔ piya.

Room 8:19

Mbʋ́ pɩtɩŋa payɩ Ɛsɔ labɩ kedeŋa yɔɔ yɔ, pɩɖaŋ alɩwaatʋ ndʋ́ Ɛsɔ lɩzɩɣ e-piya nɛ pana-sɩ yɔ kpam.

1 Kɔrɛntɩ 6:6

Đenɖe ɛzɩ pɩɩla ḿbʋ́ lɛ, powokini pɔ-tɔm mbá pɛfɛyɩnɩ lidaʋ Krɩstʋ yɔɔ yɔ pɔ-cɔlɔ se pahʋʋ-wɛ-tʋ.

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

2 Kɔrɛntɩ 5:20

Pʋ-yɔɔ lɛ, ɖɩkɛ Krɩstʋ tiyiyaa. Ɛsɔ tɩŋɩɣnɩ ɖɔ-yɔɔ nɛ etendiɣ ɛyáa alɩwaatʋ ndʋ́ ɖiheyiɣ-wɛ se: «Đitendiɣ-mɩ, itisi nɛ mɩ nɛ Ɛsɔ iceɣ Krɩstʋ yɔɔ.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Filiipu 4:2

Meheyiɣ Evoodi nɛ Sɛntiici se pɛwɛnɩ lɩmaɣza kʋɖʋmɛɛ pa nɛ Kɩpaɣlʋ pɛ-kpɛndʋʋ taa.

Koloosi 3:13

Ɩɖɔkɩ ɖama camɩyɛ nɛ ikpeɣiɣ ɖama. Yee nɔɔyʋ ɛyʋsɩnɩ-ŋ yɔ, pʋwɛɛ se ŋkpeɣ-i ɛzɩ Kɩpaɣlʋ kpeɣu-mɩ ɖɔɖɔ yɔ.

Ebree 12:14

Ɩñaɣ pana nɛ mɩ nɛ paa weyi mɩ-laŋa hɛnɩ ɖama nɛ ɩcaɣ wezuu ɛzɩ Ɛsɔ liu wɛʋ yɔ. Pɩtɛkɛ ḿbʋ́, ɛyʋ ɛɛpɩzɩɣ ɛna Kɩpaɣlʋ.