Maatiyee 5:7 - New Testament

⁷ Mbá panaɣ lɛlaa pʋtɔdɩyɛ yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ naʋ pa-pʋtɔdɩyɛ.

Maatiyee 5:7 ပူးပေါင်းရင်းမြစ်များ

Maarkɩ 11:25

Alɩwaatʋ ndʋ́ ɩkʋyʋʋ se ɩsɛɣ Ɛsɔ yɔ, yee mɩ nɛ nɔɔyʋ ɩwɛ tɔm yɔ, ikpeɣ pʋdʋ. Peeɖe mɩ-Caa weyi ɛwɛ ɛsɔdaa yɔ, ekpeɣiɣ-mɩ mɩ-kɩwɛɛkɩm ɖɔɖɔ. [

Luka 6:35

Mɩ lɛ, pʋwɛɛ se ɩsɔɔlɩ mi-koyindinaa nɛ ɩla ɛyáa camɩyɛ. Ɩkɩndɩ-wɛ, ɛlɛ́, ɩtaaɖaŋ se paahɛyɩ-mɩ. Peeɖe ɩmʋʋ kɩhɛyʋʋ sɔsɔʋ nɛ pɩwɩlɩ se ɩkɛ Ɛsɔ Caabiyuu piya. Mbʋ́ pʋyɔɔ yɔ, ɛlakɩ mbá pɛfɛyɩnɩ ɛsɩmɩyɛ yɔ nɛ kañadɩnaa camɩyɛ lakasɩ.

Room 11:30

Toovenim lɛ, ɩtaña Ɛsɔ ɖooo lɔŋ. Ɛlɛ́, lɛɛlɛɛyɔ pɩtɩŋnɩ pa-kaañamtʋ yɔɔ nɛ Ɛsɔ na mɩ-pʋtɔdɩyɛ.

1 Kɔrɛntɩ 7:25

Aɖamɛɛ tɔm lɛ, Kɩpaɣlʋ taɖʋ-m se meheyi-mɩ natʋyʋ. Weyi ma ɛlabɩ lootiye nɛ pʋmʋna se ɛyʋ ɛta-m liu yɔ, ma-maɣmaɣ ma-lɩmaɣza meheyiɣ-mɩ.

2 Kɔrɛntɩ 4:1

Ɛsɔ labɩnɩ-ɖʋ ɖeu nɛ ɛɖʋ-ɖʋ nɔɔ haʋ kɩfam tʋmɩyɛ ńɖɩ́. Pʋ-yɔɔ piitisiɣ ɖo-toma taa.

Efɛɛzɩ 4:32

Ɛlɛ́, ɩla ɖama hɛɛɛ nɛ ɩna ɖama pʋtɔdɩyɛ. Ikpeɣ ɖama ɛzɩ Ɛsɔ kpeɣu-mɩ yɔ, mɩ nɛ Krɩstʋ mɩ-kpɛndʋʋ taa.

Koloosi 3:12

Đama pʋtɔdɩyɛ naʋ siŋŋ nɛ camɩyɛ lakasɩ nɛ tɩ luzuu nɛ leleŋ wɛʋ nɛ hɔyɛ ɖɔkʋʋ, pɛkɛnɩ-mɩ wondu nɛ isuu. Mbʋ́ pʋyɔɔ yɔ, Ɛsɔ sɔɔlɩ-mɩ nɛ ɛlɩzɩ-mɩ se ɩkɛ ɛ-ñɩma.

1 Timootee 1:13

Ŋgʋ́, maawɛɛkɩ ɛ-hɩɖɛ nɛ mɛwɛɛ ɛ-wayɩ kaŋ kaŋ nɛ mantʋʋ-ɩ ɖɔɖɔ. Ɛlɛ́, ɛna man-pʋtɔdɩyɛ, mbʋ́ pʋyɔɔ yɔ, mantaatɩlɩ mbʋ́ malakaɣ yɔ. Mbʋ́ pʋyɔɔ yɔ, mantaawɛnɩ lidaʋ ɛ-yɔɔ.

1 Timootee 1:16

Pʋ-yɔɔ ɛna man-pʋtɔdɩyɛ se ɛwɩlɩ-mɩ ɛzɩma mbʋ́ ɛɖɔkʋʋ ɛ-hɔyɛ kpem yɔ. Ɛlabɩ ḿbʋ́ se mbá patɩŋa payɩ pɔkɔŋ wɛnaʋ lidaʋ ɛ-yɔɔ nɛ pehiɣ wezuu maatɛŋ yɔ pana.

Ebree 4:16

Pʋ-yɔɔ lɛ, pʋwɛɛ se ɖɩñɔtɩnɩ Ɛsɔ kewiyaɣ kpelaɣ kaalɛyɩtʋ, kɔ-cɔlɔ lootiye wɛɛ. Đɩlabɩ ḿbʋ́ yɔ, ɛnaɣ ɖa-pʋtɔdɩyɛ nɛ ɛlabɩ-ɖʋ lootiye nɛ ɛsɩnɩ-ɖʋ alɩwaatʋ ndʋ́ pʋpɔzʋʋ yɔ.

Ebree 6:10

Ɛsɔ lɛ weyi ɛhʋʋ tɔm nɛ toovenim yɔ. Ɛɛsɔʋ mɩ-camɩyɛ lakasɩ yɔɔ. Ɛɛsɔʋ ɖɔɖɔ sɔɔlɩm mbʋ́ ɩsɔɔlɩ-ɩ nɛ ɩtɩŋɩɣnɩ pʋ-yɔɔ nɛ ɩsɩŋnɩ ɛ-ñɩma yɔ pʋyɔɔ. Ḿbʋ́ ɖɔɖɔ ɩwɛɛ ɩlakɩ lɛɛlɛɛyɔ.

Yakubu 2:13

Weyi ɛɛnaɣ lɛlaa pʋtɔdɩyɛ yɔ, Ɛsɔ ɛɛkɔŋ ɛ-ñɩnɖɛ naʋ ɖɔɖɔ alɩwaatʋ ndʋ́ ɛhʋʋnɩ-ɩ yɔ. Ɛlɛ́, weyi ɛ́lɛ́ naɣ lɛlaa pʋtɔdɩyɛ yɔ, piyeki nɛ ɛlɩɩ tɔm hʋʋ taa.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

1 Pɩyɛ 2:10

Đooo mbá mɩ ɩtaakɛ liɖe kʋɖʋmɖɩyɛ taa ñɩma yɔ, lɛɛlɛɛyɔ, ɩpɩsɩ ɛ-ñɩma. Đooo mbá mɩ Ɛsɔ taana mɩ-pʋtɔdɩyɛ yɔ, lɛɛlɛɛyɔ, ɛna mɩ-pʋtɔdɩyɛ.