Maatiyee 5:3 - New Testament

³ «Ɛyáa mbá pasɩm pa-tɩ se pɛtɛkɛ pʋyʋ Ɛsɔ ɛsɩndaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Maatiyee 5:3 ပူးပေါင်းရင်းမြစ်များ

Maatiyee 11:25

Alɩwaatʋ ńdʋ́ tɩ-taa Yesu tɔm se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋkuli tɔm ndʋ́ ŋmɛsɩ lɔŋsɩnɖaa nɛ lɛɣsɩnɖaa yɔ tɩ-yɔɔ nɛ piya ajamaa nɩɩ tɩ-tɔbʋʋ.

Maatiyee 11:6

Weyi eelesiɣ e-lidaʋ mɔ-yɔɔ yɔ, ehiɣ ɛ-tɩ!»

Maatiyee 13:16

Mɩ mɔn-tɔmkpɛlɩkɩyaa lɛ, ihiɣ mɩ-tɩ! Mbʋ́ pʋyɔɔ yɔ, ɩnaɣnɩ mɩ-ɛsɛ nɛ ɩnɩɣnɩ mɩ-nɩŋgbaaŋ Ɛsɔ Kewiyaɣ tɔm tɔbʋʋ.

Maatiyee 19:14

Ɛlɛ́, eheyi-wɛ se: «Iyele piya nɛ sɩkɔɔ mɔn-cɔlɔ, ɩtaaɖaŋ-sɩ. Mbʋ́ pʋyɔɔ yɔ, mbá pɛwɛ ɛzɩ piya ńzɩ́ yɔ, ḿbá lɛ Ɛsɔ Kewiyaɣ taa ñɩma.»

Maatiyee 24:46

Tʋmlaɖʋ weyi ɛ-caa pɩsɩɣ nɛ ɛmaɣnɩ ɛɖɔŋ ɛ-tʋmɩyɛ labʋ yɔ, ehiɣ ɛ-tɩ!

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 8:11

Mankaɖɩɣ-mɩ se ɛyáa sakɩyɛ kɔŋ lɩnaʋ wɩsɩ ɖɩlɩyɛ nɛ sɩ-ɖɩɖʋyɛ nɛ powolo pa nɛ ɖɔ-cɔzɔnaa Abraham nɛ Izaakɩ nɛ Yakɔɔbʋ pɛkpɛndɩ pacaɣ Ɛsɔ Kewiyaɣ taa nɛ pɔtɔkɩ kpɛdɛlɛɛ.

Maarkɩ 10:14

Yesu na ḿbʋ́ lɛ, pɩtɛkɛdɩnɩ-ɩ, ɛlɛ́ ɛkalɩ ɛ-tɔmkpɛlɩkɩyaa se: «Iyele piya nɛ sɩkɔɔ mɔn-cɔlɔ, ɩtaaɖaŋ-sɩ. Mbʋ́ pʋyɔɔ yɔ, mbá pɛwɛ ɛzɩ piya ńzɩ́ yɔ lɛ Ɛsɔ Kewiyaɣ taa ñɩma.

Luka 11:28

Peeɖe Yesu cosi-i se: «Mbá panɩɣ Ɛsɔtɔm nɛ pɔɖɔŋ tɩ-yɔɔ yɔ, ḿbá manaɣ se pehiɣ pa-tɩ.»

Luka 18:14

Meheyiɣ-mɩ se Ɛsɔ kpeɣ abalʋ ɛnɛ ɛ-kɩwɛɛkɩm nɛ pʋcɔ ɛpɩsɩ ɛ-tɛ. Ɛlɛ́, eteɖezi Farɩsɩ tʋ. Mbʋ́ pʋyɔɔ yɔ, weyi ɛkpazɩɣ ɛ-tɩ yɔ, petisiɣ-i. Weyi ɛ́lɛ́ ñetisiɣ ɛ-tɩ yɔ, pakpazɩɣ-ɩ.»

Luka 22:29

Pʋ-yɔɔ lɛ, mɛncɛlɩɣ-mɩ kewiyaɣ ɛzɩ man-Caa cɛlʋʋ-m-kɛ yɔ.

Luka 22:30

Ɩkɔŋ caɣʋ awiya kpelisi yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ. Đɔɖɔ lɛ, mɔnkɔŋ-mɩ yaʋ nɛ ma nɛ mɩ ɖɩcaɣ nɛ ɖɩtɔɔ nɛ ɖɩñɔɔ men-Kewiyaɣ taa.»

Luka 4:18

«Kɩpaɣlʋ lɩzɩ-m nɛ ɛha-m e-Fezuu Kiɖeɖeu. Toovenim, ɛlɩzɩ-m nɛ etiyi-m se monsusi kʋñɔndɩnaa Laŋhɛzɩyɛ Tɔm. Etiyi-m se meheyi salaka tɩnaa se pɛwɛ pa-tɩ yɔɔ! Meheyi ɖɔɖɔ yʋlʋmaa se pɔkɔŋ pɛ-ɛsɛ kuluu! Etiyi-m se moholi ajamaa mbá panazɩɣ-wɛ yɔ.

Yohanɛɛsɩ 20:29

Ɛlɛ́, Yesu pɔzɩ-ɩ se: «Ŋna-m yɔɔ ŋwɛnɩ lidaʋ mɔ-yɔɔ? Mbá patana-m nɛ pɛwɛnɩ lidaʋ mɔ-yɔɔ yɔ, pehiɣ pa-tɩ!»

Yakubu 1:10

Krɩstʋ tʋ weyi ɛkɛ ñɩm tʋ yɔ, ɛ́lɛ́ ɛkʋndɩ ɖɔɖɔ se Ɛsɔ tisi-i. Toovenim lɛ, ɛkɔŋ ɖɛʋ kɛlɛʋ ɛzɩ tɛyɛ ñɩtʋ hɛtʋ yɔ.

Yakubu 1:12

Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

Wɩlʋʋ 19:9

Ɛlɛ́, Ɛsɔ tiyiyu heyi-m se: «Ma se: mbá paya-wɛ Heɣa halɩkpaɣyɛ kazandʋ tɔɔnaɣ ɖeɖe yɔ, pehiɣ pa-tɩ!» Ɛtasɩ-m heyuu se: «Tɔm ńdʋ́, tɩkɛ Ɛsɔtɔm maɣmaɣ siŋŋ.»

Wɩlʋʋ 22:14

Mbá pɔcɔtʋʋ po-tokonaa se pɩha-wɛ waɖɛ nɛ pɔtɔɔ tɩʋ ŋgʋ́ kɩhaɣ wezuu yɔ ki-pee nɛ patɩŋnɩ nɔnɔsɩ nɛ pasʋʋ tɛtʋ taa yɔ, pehiɣ pa-tɩ!

Wɩlʋʋ 3:17

Pɔtɔŋ se pɛkɛ ñɩm tɩnaa, pehiɣ ñɩm nɛ nabʋyʋ ɛɛtɛɖɩɣ-wɛ. Ŋgʋ́, patatɩlɩ se pɛwɛ kɛtɛɖaɣ taa nɛ pɛwɛɛ pʋtɔdɩyɛ nɛ pɛkɛ kʋñɔndɩnaa nɛ payʋlʋmɩ nɛ pɛwɛɛ tombolo.