Maatiyee 5:28 - New Testament

²⁸ Ɛlɛ́, ma meheyiɣ-mɩ se: yee abalʋ nɔɔyʋ ɛna lɛlʋ halʋ nɛ e-liu tɛɛ kɔtɩ yɔ, ɛtɛm labʋ acɛyɛ kpem ɛ-lɩmaɣza taa.

Maatiyee 5:28 ပူးပေါင်းရင်းမြစ်များ

Maatiyee 15:19

Mbʋ́ pʋyɔɔ yɔ, lɩmaɣza kɩdɛkɛdɛɛ wena awɛ ɛyʋ taa yɔ, ana yekina se ɛkʋ ɛyʋ yaa ɛla acɛyɛ yaa ɛla acɛyɛ yaa ɛmɩlɩ yaa ɛcɛtɩnɩ lɛlaa taa yaa ɛwɛɛkɩ pa-hɩla.

Maatiyee 5:22

Ɛlɛ́, ma meheyiɣ-mɩ se weyi ɛ-pana kpaɣnɩ lɛlʋ yɔ, pahʋʋnɩ-ɩ. Weyi ɛtʋʋ lɛlʋ se: ‹Kɩmɛlɛŋ ña!› Yɔ, powokini-i tɔm hʋyaa sɔsaa cɔlɔ. Weyi ɛ́lɛ́ tʋʋ lɛlʋ se: ‹Kpanzɩyʋ ña!› Yɔ, pɔkɔŋ-ɩ ɖʋʋ ɖenɖe kʋñɔŋ maatɛŋ wɛɛ yɔ.

Maatiyee 5:39

Ɛlɛ́, ma meheyiɣ-mɩ se: ɩtaakpa mi-koyindinaa kɩma. Yee nɔɔyʋ ɛcɛbɩ ñe-nesi kɩbanzɩ laɣzaɣ kadaŋa yɔ, kɛzɩ lɛɛka nɛ ɛtɛzɩ-kɛ cɛbʋ.

Room 7:14

Đɩna toovenim se Fezuu Kiɖeɖeu ɖʋnɩ paɣtʋ. Ɛlɛ́, ma mɛnkɛ ɛjam weyi kɩwɛɛkɩm yabɩ-ɩ nɛ ɛwɛɛ pi-nesi taa ɛzɩ yom yɔ.

2 Pɩyɛ 2:14

Halaa acɛyɛ tɩnaa yɔɔ ɖeke pa-lɩmaɣza wɛɛ. Paañɩɣzɩɣ kɩwɛɛkɩm labʋ kpem. Pepeɣziɣ mbá pɛfɛyɩ ɖoŋ Ɛsɔ nʋmɔʋ taa yɔ nɛ pasʋzʋʋ-wɛ kɩwɛɛkɩm taa. Liidiye cazʋʋ lɩmaɣza suni pa-taa. Ɛsɔ wɩlɩ-wɛ kpalʋʋ.

1 Yohanɛɛsɩ 2:16

Mbʋ́ pɩtɩŋa pʋwɛ kɔ-yɔɔ yɔ, ḿbʋ́ yɔ: kɩdɛkɛdɩm mbʋ́ ɛyáa sɔɔlɩ labʋ yɔ, ɛsɛ naɣnaɣ nɛ ñɩm yɔɔ tɩ kpazʋʋ. Pɩtɩŋa payɩ pɩlɩnɩ kedeŋa yɔɔ, pɩtɛkɛ Caa Ɛsɔ cɔlɔ pɩlɩnaa.