Maatiyee 5:22 - New Testament

²² Ɛlɛ́, ma meheyiɣ-mɩ se weyi ɛ-pana kpaɣnɩ lɛlʋ yɔ, pahʋʋnɩ-ɩ. Weyi ɛtʋʋ lɛlʋ se: ‹Kɩmɛlɛŋ ña!› Yɔ, powokini-i tɔm hʋyaa sɔsaa cɔlɔ. Weyi ɛ́lɛ́ tʋʋ lɛlʋ se: ‹Kpanzɩyʋ ña!› Yɔ, pɔkɔŋ-ɩ ɖʋʋ ɖenɖe kʋñɔŋ maatɛŋ wɛɛ yɔ.

Maatiyee 5:22 ပူးပေါင်းရင်းမြစ်များ

Maatiyee 10:17

Ɩkpa mɩ-tɩ nɛ ɛyáa, mbʋ́ pʋyɔɔ yɔ, pɔkɔŋ-mɩ wonaʋ tɔm ɖɩhʋyɛ nɛ polu-mɩ agbazɛɛ pɛ-Ɛsɔ ɖɩsɛyɛ ndɩ ndɩ taa.

Maatiyee 10:28

Ɩtaasɔɔndɩ mbá pakʋʋ tomnaɣ nɛ paapɩzɩɣ pakʋ kalɩzaɣ yɔ. Ɛlɛ́, ɩsɔɔndɩ Ɛsɔ, mbʋ́ pʋyɔɔ yɔ, ɛpɩzɩɣ ɛkʋ ɛyʋ nɛ ɛtɛ ɛɖʋ e-tomnaɣ nɛ ɛ-kalɩzaɣ ɖenɖe kʋñɔŋ maatɛŋ wɛɛ yɔ.

Maatiyee 12:24

Farɩsɩ ñɩma nɩ ḿbʋ́ lɛ, pɔyɔɔdɩ se: «Abalʋ ɛnɛ, aleewaa caa Belzeebuuli hanɩ-ɩ ɖoŋ nɛ ɛɖɔɔnʋʋnɩ aleewaa.»

Maatiyee 17:5

Ɛyɔɔdaɣ ḿbʋ́ lɛ, ɛsɔmɩnʋʋ kɩñɩlɩsʋʋ nakʋyʋ kɔɔ kuhuuzi pɔ-yɔɔ nɛ panɩɣ pʋyɔɔdʋʋnɩ-wɛ nɛ kɩ-tɛɛ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ. Ɩnɩɩnɩ-ɩ!»

Maatiyee 18:21

Pʋwayɩ lɛ, Pɩyɛ wolo Yesu cɔlɔ nɛ ɛpɔzɩ-ɩ se: «Kɩpaɣlʋ! Tam ɛzɩma pʋwɛɛ se menkpeɣ man-taabalʋ alɩwaatʋ ndʋ́ ɛwɛɛ ɛyʋsʋʋnɩ-m yɔ? Pɩsɩɩnɩ tam lʋbɛ yaa we?»

Maatiyee 18:35

Yesu tasɩ-wɛ heyuu se: «Ḿbʋ́ ɖɔɖɔ pʋwɛɛ. Yee mɩ-taa nɔɔyʋ etekpeɣ ɛ-taabalʋ nɛ ɛ-laŋɩyɛ tɩŋa yɔ, ḿbʋ́ man-Caa weyi ɛwɛ ɛsɔdaa yɔ, ɛkɔŋ-ɩ labʋ.»

Maatiyee 23:15

«Paɣtʋ wɩlɩyaa nɛ Farɩsɩ ñɩma mbá mɩ ɩkɛ tɛɛ pʋ-yɔɔ ñɩma yɔ, pʋtɔɔ-mɩ! Mbʋ́ pʋyɔɔ yɔ, ɩwɛɛ ɩcɔʋ kedeŋa tɩŋa payɩ se ɩñɩnɩ nɔɔyʋ nɛ ɩpɩsɩ-ɩ mɩ-tɔmkpɛlɩkɩyʋ. Ihikiɣ-i lɛ, ɩlabɩ-ɩ nɛ ɛpɩsɩ weyi pʋwɛɛ se paɖʋ-ɩ kʋñɔŋ tam naalɛ nɛ pɩkɩlɩ-mɩ, ɖenɖe kʋñɔŋ maatɛŋ wɛɛ yɔ.

Maatiyee 23:33

Đʋmaa mɩ! Ɛzɩma ɩlakɩ nɛ Ɛsɔ ɛtaakʋ mɩ-tɔm nɛ ɛɖʋ-mɩ kʋñɔŋ maatɛŋ taa?

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Maatiyee 26:59

Peeɖe cɔjɔnaa sɔsaa nɛ tɔm hʋyaa lɛlaa tɩŋa pañɩnaɣ aseɣɖe tɩnaa se powolo pɛcɛtɩnɩ Yesu taa nɛ pehiɣ-i pakʋ-ɩ.

Maatiyee 3:17

nɛ pʋyɔɔdʋʋnɩ ɛsɔdaa se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ.»

Maatiyee 5:34

Ɛlɛ́, ma meheyiɣ-mɩ se: ɩtaaɖuuni Ɛsɔ kpem: ɩtaaɖuuni ɛsɔdaa, mbʋ́ pʋyɔɔ yɔ, ŋ́gʋ́ lɛ Ɛsɔ kewiyaɣ kpelaɣ.

Maatiyee 5:44

Ɛlɛ́, ma meheyiɣ-mɩ se: ɩsɔɔlɩ mi-koyindinaa nɛ ɩsɛɛ Ɛsɔ mbá pɛwɛ mɩ-wayɩ kaŋ kaŋ yɔ pɔ-yɔɔ

Maarkɩ 14:55

Peeɖe cɔjɔnaa sɔsaa nɛ tɔm hʋyaa lɛlaa tɩŋa pañɩnaɣ aseɣɖe tɩnaa se pɔkɔɔ pɛcɛtɩnɩ Yesu taa nɛ pehiɣ-i pakʋ-ɩ. Ɛlɛ́, petehiɣ nɔɔyʋ.

Maarkɩ 15:1

Pakpa Yesu nɛ kife tanaŋ cu lɛ, tɔm hʋyaa tɩŋa payɩ kpeɣli ɖama se pala lɩmaɣza. Ḿbá yɔ: Yuda ñɩma cɔjɔnaa sɔsaa nɛ pɛ-ŋgbɛyɛ taa sɔsaa nɛ pa-paɣtʋ wɩlɩyaa. Pɛtɛma lɛ, pɔhɔkɩ Yesu nɛ powoni pɛcɛlɩ Room wiyaʋ Pilaatɩ.

Luka 12:5

Mawɩlɩɣ-mɩ weyi pʋmʋnaa se ɩsɔɔndɩ yɔ: ɩsɔɔndɩ Ɛsɔ, mbʋ́ pʋyɔɔ yɔ, e-ɖeke ɛpɩzɩɣna ɛkʋ ɛyʋ nɛ ɛtɛ ɛɖʋ-ɩ ɖenɖe kʋñɔŋ maatɛŋ wɛɛ yɔ. Meheyiɣ-mɩ se ɛnʋ pʋmʋnaa se ɩsɔɔndɩ.

Luka 22:66

Tɛʋ fema lɛ, Yuda ñɩma sɔsaa nɛ pa-paɣtʋ wɩlɩyaa nɛ cɔjɔnaa sɔsaa pekpeɣli ɖama se powoni Yesu pɔ-tɔm hʋyaa cɔlɔ.

Yohanɛɛsɩ 11:47

Ḿbʋ́ yebina nɛ paba nɛ Yuda ñɩma cɔjɔnaa sɔsaa pekpeɣli tɔm hʋyaa sɔsaa nɛ pɔpɔzɩ-wɛ se: «Ɛbɛ pʋwɛɛ se ɖɩla? Abalʋ ɛnɛ, ɛlakɩ hama lakasɩ sakɩyɛ!

Yohanɛɛsɩ 15:25

Pɩlakɩ ḿbʋ́ se tɔm ndʋ́ pama pa-paɣtʋ takayaɣ taa yɔ, tɩla. Ńdʋ́ lɛ se: ‹Papaɖɩ-m ɖulum yem.›

Yohanɛɛsɩ 7:20

Peeɖe ɛyáa samaɣ cosi-i se: «Eleeu nɔɔyʋ wɛ ña-wayɩ. Añɩnɩɣ se ɛkʋ-ŋ?»

Yohanɛɛsɩ 8:48

Yesu yɔɔdɩ ḿbʋ́ lɛ, Yuda ñɩma pɔzɩ-ɩ se: «Đɩfɛyɩnɩ toovenim se ɖɩyɔɔdɩ se ŋkɛ Samaarɩɩ tʋ nɛ ŋtɛ ŋke aleewaa naa we?»

Tʋma Labʋ 17:18

Peeɖe lɔŋsɩnɖaa mbá pɛkɛ Epikuri nɛ Sitoyiisi pa-aŋgba taa ñɩma yɔ, powobi Pɔɔlɩ cɔlɔ nɛ pa nɛ ɩ pɔyɔɔdʋʋ nɛ pa-taa lɛlaa tɔŋ se: «Abalʋ kɔkɔɖɛ yaɖʋ ɛnɛ, se we ɛyɔɔdʋʋ yee?» Lɛlaa ñanɩ ɛyɔɔdaɣ Yesu sɩm nɛ e-fem pɔ-tɔm ḿbʋ́ lɛ, paba ñɔtɔŋ se: «Paa pɩɩla ɛzɩma, agɔlɩma kɩfana tɔm ɛyɔɔdʋʋ.»

Tʋma Labʋ 22:30

Tɛʋ fema lɛ, sɔɔjanaa ñʋʋdʋ sɔsɔ ɛnʋ ɛñɩnɩɣ se ɛna mbʋ́ Pɔɔlɩ labɩ kpem nɛ Yuda ñɩma kʋyʋʋ ɛ-yɔɔ yɔ. Pʋ-yɔɔ ekpeɣli cɔjɔnaa sɔsaa nɛ tɔm hʋyaa sɔsaa tɩŋa payɩ nɛ ɛha nɔɔ nɛ palɩzɩ Pɔɔlɩ nɛ powoni-i pɛ-hɛkʋ taa.

Tʋma Labʋ 23:1

Peeɖe Pɔɔlɩ kʋsɩ ɛsɛ nɛ ɛcɔnɩ tɔm hʋyaa ḿbá pɩŋŋ nɛ ɛtɔ se: «Man-taabalaa mɩ! Me-wezuu caɣʋ taa lɛ, man-taa wɛ ɖeu Ɛsɔ ɛsɩndaa halɩ nɛ sɔnɔ.»

Tʋma Labʋ 24:20

Yaa mbá pɛwɛ cɩnɛ yɔ, pa-maɣmaɣ pɔyɔɔdɩ nɛ ɖɩnɩɩ se pahʋnɩ-m tɔm hʋyaa sɔsaa cɔlɔ lɛ, kɩwɛɛkɩm mbʋ́ pana mɔ-yɔɔ?

Tʋma Labʋ 4:15

Peeɖe pɔɖɔɔnɩ Pɩyɛ nɛ Yohanɛɛsɩ tɔm ɖɩhʋyɛ se palɩɩnɩ awayɩ. Piyebi pe-ɖeke lɛ, papazɩ ɖama yɔɔdɩnaʋ

Tʋma Labʋ 5:21

Eheyi-wɛ ḿbʋ́ lɛ, petisi nɛ pakʋyɩ tanaŋ wɩsɩ nɛ powolo Ɛsɔ ɖɩɣa taa nɛ papazɩ ɛyáa wɩlʋʋ. Ŋgʋ́, cɔjɔnaa ñʋʋdʋ nɛ ɛ-cɔlɔ ñɩma paakpeɣli ɖama nɛ payaa tɔm hʋyaa sɔsaa nɛ ɛjaɖɛ taa sɔsaa tɩŋa kediɣzaɣ. Peeɖe pakʋsɩ sɔɔjanaa se powolo palɩzɩ tiyiyaa ḿbá nɛ pɔkɔna.

Tʋma Labʋ 5:27

Patanɩ-wɛ tɔm hʋyaa sɔsaa cɔlɔ lɛ, cɔjɔnaa ñʋʋdʋ pazɩ-wɛ tɔm pɔzʋʋ

Tʋma Labʋ 6:12

Ɛlɛ́, pasazɩ ɛyáa samaɣ nɛ pɩkpɛndɩnɩ ɛjaɖɛ taa sɔsaa nɛ paɣtʋ wɩlɩyaa se pakʋyɩ ɛ-yɔɔ. Pʋwayɩ lɛ, pakpa-ɩ nɛ ɖoŋ nɛ powoni tɔm hʋyaa sɔsaa cɔlɔ.

Tʋma Labʋ 6:15

Mbá patɩŋa paawɛ tɔm ɖɩhʋyɛ peeɖe yɔ, paakpɛzɩ ɛsɛ nɛ pɔcɔŋnɩ Etiyɛɛnɩ, nɛ pana ɛ-ɛsɩndaa. Ɛ-ɛsɩndaa kɛwɛ ɛzɩ Ɛsɔ tiyiyu nɔɔyʋ ɛsɩndaa yɔ.

Tʋma Labʋ 7:37

Ɛnʋ ɖɔɖɔ heyini Izrɛɛlɩ ñɩma se: ‹Ɛsɔ kɔŋ-mɩ tiyinaʋ náyʋ nɔɔyʋ ɛzɩ ma yɔ, ɛkɛɣ mɩ-ñɩma taa nɔɔyʋ.›

Room 12:10

Ɩsɔɔlɩ ɖama ɛzɩ pʋmʋnaʋ se Yesu ŋgbɛyɛ taa ñɩma ɛsɔɔlɩ ɖama yɔ. Pɩlabɩ-mɩ hʋnʋm nɛ ɩña ɖama.

1 Kɔrɛntɩ 6:10

yaa mɩ́láa yaa kujoŋjoŋ tɩnaa yaa sʋlʋm kpaŋɩyaa yaa mbá patʋʋ ɛyáa yɔ yaa mɔntɔkɩnɩ mon-ɖoŋwaa paakaɣ sʋʋ Ɛsɔ Kewiyaɣ taa.

1 Kɔrɛntɩ 6:6

Đenɖe ɛzɩ pɩɩla ḿbʋ́ lɛ, powokini pɔ-tɔm mbá pɛfɛyɩnɩ lidaʋ Krɩstʋ yɔɔ yɔ pɔ-cɔlɔ se pahʋʋ-wɛ-tʋ.

1 Tesalooniki 4:6

Nɔɔyʋ ɛtaamuli ɛ-taabalʋ pʋnɛ pɩ-taa, ɛtaacɛtɩ-ɩ. Đɩɩtɛm-mɩ-tʋ heyuu nɛ ɖɩka mɩ-ñʋŋ taa siŋŋ se Kɩpaɣlʋ kɔŋ hɔm mbá palakɩ ḿbʋ́ yɔ pa-nɩŋgbaaŋ.

Tiiti 3:2

Pataawɛɛkɩ nɔɔyʋ hɩɖɛ, pataacaa tɔm. Ɛlɛ́, pʋwɛɛ se pɔ́ɖɔ́kɩ pɔ-hɔ nɛ pa nɛ lɛlaa pʋwɛɛ leleŋ tam.

Ebree 12:25

Yee ḿbʋ́, ɩɖɔkɩ mɩ-tɩ! Ɩtaakizi se iiwelesiɣni Ɛsɔ weyi ɛyɔɔdʋʋnɩ-mɩ yɔ. Mbʋ́ pʋyɔɔ yɔ, Izrɛɛlɩ ñɩma kizaa se paawelesiɣni weyi eheyaɣ-wɛ kedeŋa yɔɔ cɩnɛ mbʋ́ ɛwɩlɩ-ɩ yɔ nɛ patatʋlɩ nɩŋgbaŋʋʋ hɔm taa. Pʋ-yɔɔ lɛ, yee ɖa ɖahaɣ siɣ́ye weyi ɛyɔɔdʋʋnɩ-ɖʋ nɛ ɛsɔdaa yɔ yɔ, ɖɩɩpɩzɩɣ ɖɩlɩɩ pɩ-taa ɖɔɖɔ.

Ebree 5:9

Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

Yakubu 2:20

Kɩmɛlɛŋ ña! Ɛyʋ ɛwɛnɩ lidaʋ Ɛsɔ yɔɔ nɛ ɛɛwɩlɩɣ-kʋ nɛ ɛ-lakasɩ kɩbanzɩ yɔ, pɩɩwazɩɣ pʋyʋ. Ŋcaɣ mawɩlɩ-ŋ nɛ ŋna yaa we?

Yakubu 3:6

Nzʋlʋmɩyɛ wɛ ɛzɩ miŋ ɛnʋ yɔ. Tomnaɣ hɔɔlɩŋ tɩŋa taa lɛ, ńɖɩ́ pisiɣni katɩŋa payɩ: ɖɩlakɩ mbʋ́ pɩtatʋʋzɩ yɔ. Mbʋ́ piyeba nɛ ɖɩwɛɛ ɛzɩ miŋ yɔ lɛ se: miŋ lɩnɩ ɖenɖe kʋñɔŋ maatɛŋ tɩtɩŋa wɛɛ yɔ nɛ ɛñɔtɩ-ɖɩ nɛ ɖɩwɛɛkɩ ɛyáa wezuu caɣʋ tɩŋa.

1 Pɩyɛ 2:23

Patʋwaɣ-ɩ, ɛlɛ́, ɛtatʋʋ nɔɔyʋ. Panazaɣ-ɩ, ɛlɛ́, etoholini nɔɔyʋ. Ɛsɔ weyi ɛhʋʋ tɔm nɛ toovenim yɔ, e-nesi taa ɛɖʋzɩ ɛ-tɩ.

1 Pɩyɛ 3:9

Ɩtaakpa ɖama kɩmɩyɛ. Nɔɔyʋ ɛtʋ-mɩ lɛ, ɩtaatʋʋ-ɩ. Ɛlɛ́, itendi Ɛsɔ se ɛ́wazɩ pʋdʋ yɔɔ. Mbʋ́ pʋyɔɔ yɔ, ɛya-mɩ se ɩla ḿbʋ́ nɛ ɛ́wazɩ mɩ-yɔɔ ɛzɩ ɛɖʋʋ yɔ.

1 Yohanɛɛsɩ 2:9

Yee nɔɔyʋ ɛtɔm se ɛwɛ ñalɩmɩyɛ taa nɛ ɛpaɖɩɣ ɛ-taabalaa yɔ, pɩwɩlɩɣ se ɛwɛ cɩkpɛndʋʋ taa tam.

1 Yohanɛɛsɩ 3:10

Ɩna mbʋ́ pɩwɩlɩɣ kaŋŋ se ɛyʋ kɛ Ɛsɔ pɩɣa yaa eleeu ñɩŋga yɔ: yee nɔɔyʋ ɛlabɩ mbʋ́ pɩtatʋʋzɩ yɔ yaa ɛtɔsɔɔlɩ lɛlaa yɔ, ɛtɛkɛ Ɛsɔ pɩɣa.

1 Yohanɛɛsɩ 5:16

Yee nɔɔyʋ ɛna ɛ-taabalʋ lakɩ kɩwɛɛkɩm mbʋ́ piiyeki se ɛ́lɛ́ ɛsɩ yɔ yɔ, pʋmʋnaa se ɛsɛɛ Ɛsɔ ɛ-yɔɔ nɛ ɛ́lɛ́ ha-ɩ wezuu. Mbá palakɩ kɩwɛɛkɩm mbʋ́ piiyeki se pasɩ yɔ, pe-ɖeke pɔ-yɔɔ mɔntɔŋ se pɛsɛɛ Ɛsɔ. Ɛlɛ́, kɩwɛɛkɩm nabʋyʋ wɛɛ, piyeki se ɛyáa ɛsɩ. Pɩtɛkɛ weyi ɛlakɩ-pʋ yɔ ɛ-yɔɔ mɔntɔŋ se ɩsɛɛ Ɛsɔ.

Yuudi 1:9

Ŋgʋ́, Ɛsɔ tiyiyu sɔsɔ Miicɛɛlɩ maɣmaɣ taatʋʋ Satanɩ alɩwaatʋ ndʋ́ Mooyiizi sɩba nɛ ɛ nɛ ɩ poyou yɔ. Pɔhɔŋaɣnɩ ɖama tɔm se pana weyi ɛkpakɩɣ-ɩ yɔ. Pɩtatɩɩlabɩ-ɩ se ɛhʋʋnɩ-ɩ nɛ ɛtʋʋ-ɩ. Ɛlɛ́, eheyi-i yem se: «Kɩpaɣlʋ ɛɖʋ-ŋ kʋñɔŋ!»

Wɩlʋʋ 20:14

Pɛpɛɖɩ sɩm nɛ ɖenɖe sɩɖaa wɛɛ yɔ miŋ sɔsɔŋ taa. Miŋ sɔsɔŋ ɛnʋ lɛ: sɩm naalɛ ñɩmbʋ.