Maatiyee 5:16 - New Testament

¹⁶ Ḿbʋ́ pʋmʋnaa se mɩ-ñalɩmɩyɛ ɛñalɩ ɛyáa ɛsɩndaa nɛ pana mɩ-camɩyɛ lakasɩ nɛ pasa mɩ-Caa weyi ɛwɛ ɛsɔdaa yɔ.»

Maatiyee 5:16 ပူးပေါင်းရင်းမြစ်များ

Maatiyee 23:5

Palakɩ pɩtɩŋa payɩ se ɛyáa ɛna-wɛ. Pʋ-yɔɔ pamaɣ Ɛsɔtɔm tɔnzɩ nzɩ́ sɩkɩlɩ walʋʋ yɔ sɩ-yɔɔ nɛ pataŋ pe-nesi nɛ pe-kila pa-taa. Pataŋ ɖɔɖɔ po-tokonaa nesi taa toma nɛ akɩlɩɣ lɛlaa tɛ.

Maatiyee 23:9

Ɩtaayaa nɔɔyʋ kedeŋa yɔɔ cɩnɛ se: ‹Caa.› Mbʋ́ pʋyɔɔ yɔ, Caa kʋɖʋm koŋ ɩwɛna, ɛnʋ wɛnɩ ɛsɔdaa.

Maatiyee 5:45

nɛ ɩpɩsɩ mɩ-Caa Ɛsɔ weyi ɛwɛ ɛsɔdaa yɔ e-piya. Mbʋ́ pʋyɔɔ yɔ, eyeki nɛ wɩsɩ lɩɣ ɛyáa kɩbama nɛ azaɣ́a pɔ-yɔɔ. Eyeki ɖɔɖɔ nɛ tɛʋ nɩɣ kɩbama nɛ kɩdɛkɛdaa pɔ-yɔɔ.

Maatiyee 6:16

Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ.

Maatiyee 6:9

Mɩ lɛ, ɩsɛɛ Ɛsɔ se: ‹Đa-Caa weyi ña ŋwɛ ɛsɔdaa yɔ, ña-hɩɖɛ ɛsɛɛ paa le.

Maatiyee 9:8

Ɛyáa sakɩyɛ mbá paawɛɛ yɔ pana ḿbʋ́ lɛ, sɔɔndʋ kpa-wɛ nɛ pasa Ɛsɔ ɛzɩma mbʋ́ ɛha ɛyáa ɖoŋ ɛnʋ yɔ pʋ-yɔɔ.

Luka 11:2

Peeɖe Yesu heyi-wɛ se: «Yee ɩsɛɣ Ɛsɔ lɛ, ɩsɛɛ se: Caa! Ña-hɩɖɛ ɛsɛɛ paa le. La nɛ paa weyi ɛsɩm-ɖɩ! Ñe-kewiyaɣ ɛkɔɔ.

Yohanɛɛsɩ 15:8

Alɩwaatʋ ndʋ́ ɩwɛɣ wazaɣ siŋŋ nɛ ɩwɩlɩɣ se ɩkɛ mɔn-tɔmkpɛlɩkɩyaa yɔ, man-Caa hɩɖɛ sɛɣ.

Tʋma Labʋ 9:36

Halʋ nɔɔyʋ kɛwɛ Yopee tɛtʋ taa, payaɣ-ɩ se Tabɩɩta. Pɛɖɛzɩɣ hɩɖɛ ńɖɩ́ nɛ Grɛɛkɩ ñɩma kʋnʋŋ taa se: «Dɔɔrkaasɩ.» Pʋ-tɔbʋʋ se nɛnzɛm. Ɛɛkɛ Krɩstʋ wayɩ tɩŋɩyʋ nɛ ɛlakɩ camɩyɛ pɩtɩɩfɛyɩ nɛ ɛsɩŋnɩ kʋñɔndɩnaa.

1 Kɔrɛntɩ 14:25

Peeɖe pukuluu ɛ-lɩmaɣza wena awɛ mɛsaɣ tɛɛ yɔ a-yɔɔ nɛ ɛpa ɛ-ɛsɛ nɛ tɛtʋ nɛ ɛsa Ɛsɔ nɛ ɛkaɖɩ kpayɩ se: «Toovenim, Ɛsɔ wɛ mɩ-hɛkʋ taa.»

2 Kɔrɛntɩ 9:13

Sɩnaʋ mbʋ́ ɩsɩŋnɩ-wɛ yɔ, pɩwɩlɩɣ mbʋ́ ɩkɛnaa yɔ. Peeɖe ɛyáa sakɩyɛ saŋ Ɛsɔ ɛzɩma mbʋ́ ɩɖɔŋ Krɩstʋ Laŋhɛzɩyɛ Tɔm yɔɔ yɔ pʋ-yɔɔ. Pasaŋ-ɩ ɖɔɖɔ ɛzɩma mbʋ́ mɩ nɛ wɛ nɛ lɛlaa tɩŋa payɩ ɩtayɩɣ mɩ-ñɩm nɛ laŋhʋlʋmɩyɛ yɔ pʋ-yɔɔ.

Galaatɩ 1:24

Panɩ mɔn-tɔm ńdʋ́ ḿbʋ́ lɛ, pɛwɛɛ pasaŋ Ɛsɔ mɔ-yɔɔ.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 5:8

Toovenim lɛ, ɖooo lɛ ɩɩkɛ cɩkpɛndʋʋ tɛɛ ñɩma. Ɛlɛ́, lɛɛlɛɛyɔ ɩkɛ ñalɩmɩyɛ taa ñɩma mɩ nɛ Kɩpaɣlʋ mɩ-kpɛndʋʋ yɔɔ. Pʋ-yɔɔ lɛ, ɩɖɔ ɛzɩ ñalɩmɩyɛ taa ñɩma yɔ.

1 Tesalooniki 2:12

Điiyeba pɩlabɩ-mɩ hʋnʋm nɛ ɖɩhɛzɩ mɩ-laŋa nɛ ɖɩka mɩ-ñʋŋ taa se ɩɖɔ ɛzɩ pʋmʋnaʋ Ɛsɔ ɛsɩndaa yɔ. Ɛnʋ yaɣnɩ-mɩ se ɩkɛ e-Kewiyaɣ nɛ e-koboyaɣ pa-taa ñɩma.

1 Timootee 2:10

Ɛlɛ́, pala tʋma kɩbana ɛzɩ pʋmʋnaʋ se halaa mbá pɔtɔŋ pa-tɩ se pañaŋ Ɛsɔ yɔ pala yɔ.

1 Timootee 5:10

Pʋwɛɛ ɖɔɖɔ se ɛyáa ɛlɩzɩ ɛ-aseɣɖe se ɛcɔnɩ e-piya yɔɔ ɖeu nɛ ɛmʋ mbá powokaɣ ɛ-tɛ yɔ camɩyɛ nɛ ɛkɔ Ɛsɔ ñɩma naŋgbanzɩ lɩm nɛ ɛsɩnɩ kʋñɔndɩnaa nɛ ɛ-ɛsɩyɛ sɛɛnɩ mbʋ́ mbʋ́ pʋwɛ ɖeu yɔ pɩtɩŋa payɩ.

1 Timootee 5:25

Ḿbʋ́ ɖɔɖɔ pʋwɛɛ, panaɣ ɖɔɖɔ tʋma kɩbana kaŋŋ. Paa patana naayɛ kpaagbaa yɔ, aawɛɣ mɛsaɣ tɛɛ tam ḿbʋ́.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

Tiiti 3:14

Pʋwɛɛ ɖɔɖɔ se ɖa-taa ñɩma ɛkpɛlɩkɩ ɛzɩma mbʋ́ paaka pa-ñʋŋ nɛ pala tʋma kɩbana ɛzɩ pʋpɔzʋʋ yɔ nɛ papɩzɩ pala ɛyáa mbʋ́ pʋpɔzʋʋ-wɛ yɔ. Ḿbʋ́ yekina nɛ paakɛɣ mbá pɛfɛyɩ wazaɣ yɔ.

Tiiti 3:4

Ɛlɛ́, alɩwaatʋ ndʋ́ ɖa-ñʋʋ yaɖʋ Ɛsɔ yeba nɛ ɛyáa na se ɛwɛ ɖeu nɛ ɛsɔɔlɩ-wɛ yɔ

Ebree 10:24

Đɩmaɣzɩ ɖama yɔɔ nɛ pɩlabɩ-ɖʋ hʋnʋm nɛ ɖɩtɛzɩ ɖama sɔɔlʋʋ nɛ ɖɩla tʋma kɩbana.

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

1 Pɩyɛ 3:1

Mɩ halaa lɛ, pʋwɛɛ se paa mɩ-taa weyi ɛña ɛ-walʋ. Yee ɩlakɩ ḿbʋ́ yɔ, mɩ-taa mbá pa-walaa kiziɣ Ɛsɔtɔm yɔ, panaɣ mɩ-ɖɔnɛ kɩbanɖɛ ḿbʋ́ lɛ, pɛwɛnɩ lidaʋ Ɛsɔ yɔɔ, paa iteheyi-wɛ-tʋ.

1 Pɩyɛ 3:16

icosi-wɛ nɛ nɔɔ kɩbaŋga nɛ ñamtʋ. Mɩ-taa ɛwɛɛ ɖeu nɛ fɛyɛ kpa mbá pakʋyʋʋ mɩ-yɔɔ nɛ pɛwɛɛkɩɣ mɩ-hɩla se mɩ nɛ Krɩstʋ ɩkpɛndaa yɔ.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!

1 Pɩyɛ 4:14

Yee patʋʋ-mɩ Krɩstʋ yɔɔ yɔ, ihiɣ mɩ-tɩ! Mbʋ́ pʋyɔɔ yɔ, Fezuu Kiɖeɖeu koboyaɣ ñɩŋgʋ wɛ mɩ-cɔlɔ.