Maatiyee 5:11 - New Testament

¹¹ «Mbá mɩ patʋʋ-mɩ nɛ pɛwɛɛ mɩ-wayɩ kaŋ kaŋ nɛ pɛcɛtɩɣnɩ mɩ-taa tɔm ndɩ ndɩ mɔ-yɔɔ yɔ, ihiɣ mɩ-tɩ!

Maatiyee 5:11 ပူးပေါင်းရင်းမြစ်များ

Maatiyee 10:18

Pɔkɔŋ-mɩ yaʋ ajɛya ñʋndɩnaa nɛ awiya sɔsɔna pɛ-tɛ mɔ-yɔɔ se ɩkɛ aseɣɖe tɩnaa pa nɛ mbá pɛtɛkɛ Yuda ñɩma yɔ pɔ-cɔlɔ.

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 10:25

Ɛlɛ́, yee tɔmkpɛlɩkɩyʋ ɛñɩtaa ɛtalɩ ɛ-wɩlɩyʋ nɛ tʋmlaɖʋ ñatalɩ ɛ́lɛ́ caa yɔ, pɩmaɣaɣ. Petekizi weyi ma mɛnkɛ mɩ-caa yɔ yaʋ se Belzeebuuli nɛ pɩcandɩnɩ mbá mɩ ɩkɛ men-piya yɔ?»

Maatiyee 10:39

Weyi ɛñɩnɩɣ se ɛcaɣ wezuu tam yɔ, ɛtɛŋnɩ-kʋ lesuu. Weyi ɛ́lɛ́ sɩkɩ mɔ-yɔɔ yɔ, ɛcakɩ wezuu tam.»

Maatiyee 19:29

Mbá peyebi pa-ɖɩsɩ yaa pa-ɖalaa yaa pɔ-kɔɔnaa yaa pa-caanaa yaa po-ɖoonaa yaa pe-piya yaa pa-hayɩm mɔ-yɔɔ yɔ, pɔkɔŋ wɛnaʋ mbʋ́ mbʋ́ paawɛna yɔ tam mɩnʋʋ nɛ pɛtɛ pehiɣ wezuu maatɛŋ.

Maatiyee 24:9

«Alɩwaatʋ ńdʋ́ʋ́ paɖʋzʋʋ-mɩ mi-koyindinaa nesi taa nɛ paɖʋ-mɩ kʋñɔŋ nɛ pakʋ-mɩ. Ajɛya kpeekpe taa ɛyáa kɔŋ-mɩ paɖʋʋ mɔ-yɔɔ.

Maatiyee 27:39

Nʋmɔɖɔnaa mbá pɛɖɛɣaɣnɩ peeɖe yɔ, pekpiɣyaɣ ñʋŋ nɛ patʋʋ-ɩ

Maarkɩ 13:13

Mɔ-yɔɔ ɛyáa tɩŋa kɔŋ-mɩ paɖʋʋ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.»

Maarkɩ 13:9

«Mɩ lɛ, ɩkpa mɩ-tɩ camɩyɛ. Pɔkɔŋ-mɩ luu agbazɛɛ Ɛsɔ ɖɩsɛyɛ ndɩ ndɩ taa nɛ powoni-mɩ tɔm ɖɩhʋyɛ. Payaɣ-mɩ ajɛya ñʋndɩnaa nɛ awiya sɔsɔna pɔ-cɔlɔ mɔ-yɔɔ nɛ ɩkɛ ma-aseɣɖe tɩnaa pɔ-cɔlɔ.

Maarkɩ 4:17

Ɛlɛ́, paayeki se tɩlabɩ-wɛ tʋmɩyɛ camɩyɛ. Pɔɖɔkʋʋ-tʋ nɛ kʋñɔŋ nakʋyʋ talɩ-wɛ yaa pɛwɛɛ pa-wayɩ kaŋ kaŋ tɩ-yɔɔ lɛ, pɔtɔlɩ Ɛsɔ nʋmɔʋ taa.

Maarkɩ 8:35

Mbʋ́ pʋyɔɔ yɔ, weyi ɛñɩnɩɣ se ɛcaɣ wezuu tam yɔ, ɛtɛŋnɩ-kʋ lesuu. Weyi ɛ́lɛ́ sɩkɩ ma nɛ Laŋhɛzɩyɛ Tɔm ɖɔ-yɔɔ yɔ, ɛcakɩ wezuu tam.

Luka 21:12

Ɛlɛ́, pʋcɔ nɛ pɩtɩŋa payɩ pɩla ḿbʋ́ lɛ, pɔkɔŋ mɩ-wayɩ wɛʋ kaŋ kaŋ. Pakpaɣ-mɩ nɛ powoni-mɩ nɛ pahʋʋnɩ-mɩ tɔm Ɛsɔ ɖɩsɛyɛ ndɩ ndɩ taa nɛ awiya sɔsɔna nɛ tɛtʋ ñʋndɩnaa pɔ-cɔlɔ nɛ paɖʋ-mɩ salaka mɔ-yɔɔ.

Luka 21:17

Mbʋ́ pʋyɔɔ yɔ, ɛyáa tɩŋa kaɣ-mɩ paɖʋʋ mɔ-yɔɔ.

Luka 6:22

Yee ɛyáa ɛpaɖɩɣ-mɩ yaa, pekiziɣ-mɩ yaa, patʋʋ-mɩ yaa, pɛwɛɛkɩɣ mɩ-hɩla Ɛyʋ Pɩyalʋ yɔɔ yɔ, ihiɣ mɩ-tɩ!

Luka 9:24

Mbʋ́ pʋyɔɔ yɔ, weyi ɛñɩnɩɣ se ɛcaɣ wezuu tam yɔ, ɛtɛŋnɩ-kʋ lesuu. Weyi ɛ́lɛ́ sɩkɩ mɔ-yɔɔ yɔ, ɛcakɩ wezuu tam.

Yohanɛɛsɩ 15:21

Ɛlɛ́, mɔ-yɔɔ pɔkɔŋ-mɩ labʋ pɩtɩŋa payɩ ḿbʋ́. Mbʋ́ pʋyɔɔ yɔ, patasɩ weyi etiyi-m yɔ.

Yohanɛɛsɩ 9:28

Peeɖe patʋ-ɩ nɛ peheyi-i se: «Ñɛkɛnɩnɩ ɛ-tɔmkpɛlɩkɩyʋ! Mooyiizi tɔmkpɛlɩkɩyaa ɖa ɖɛkɛnaa.

Tʋma Labʋ 9:16

Ma-maɣmaɣ mɔnkɔŋ-ɩ wɩlʋʋ ɛzɩma mbʋ́ pʋwɛɛ se ɛtɔɔ kʋñɔŋ mɔ-yɔɔ yɔ.»

Room 8:36

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Ñɔ-yɔɔ lɛ, ɖɩwɛ sɩm nɔɔ taa wɩsɩ nɛ ɖoó nɛ palakɩ-ɖʋ ɛzɩ heŋ weyi powokini alikizaŋ tɛ se pakʋ yɔ.»

1 Kɔrɛntɩ 4:10

Ei! Đɛkɛ kɩmɛlɛmɩŋ Krɩstʋ yɔɔ nɛ mɩ mɩkɛ lɔŋsɩnɖaa mɩ nɛ ɩ mɩ-kpɛndʋʋ taa! Đɛkɛ ajamaa nɛ mɩkɛ ɖoŋ tɩnaa! Patakpaɣ-ɖa payaa pʋyʋ nɛ piyele pasaŋ-mɩ!

2 Kɔrɛntɩ 4:11

Yesu yɔɔ lɛ, ɖɩwɛ sɩm nɔɔ taa tam ɖe-wezuu caɣʋ taa se pɩwɩlɩ se paa ɖo-tomnaɣ ɛsɩkɩ yɔ, e-wezuu wɛ ka-taa tam.

Filiipu 1:29

Ɛsɔ ha-mɩ se ɩwɛnɩ lidaʋ Krɩstʋ yɔɔ nɛ ɩtɛ ɩtɔɔ kʋñɔŋ ɛ-yɔɔ ɖɔɖɔ

1 Pɩyɛ 2:23

Patʋwaɣ-ɩ, ɛlɛ́, ɛtatʋʋ nɔɔyʋ. Panazaɣ-ɩ, ɛlɛ́, etoholini nɔɔyʋ. Ɛsɔ weyi ɛhʋʋ tɔm nɛ toovenim yɔ, e-nesi taa ɛɖʋzɩ ɛ-tɩ.

1 Pɩyɛ 4:14

Yee patʋʋ-mɩ Krɩstʋ yɔɔ yɔ, ihiɣ mɩ-tɩ! Mbʋ́ pʋyɔɔ yɔ, Fezuu Kiɖeɖeu koboyaɣ ñɩŋgʋ wɛ mɩ-cɔlɔ.

Wɩlʋʋ 2:3

Pɔɖɔkɩ pa-tɩ nɛ pala kʋñɔŋ mɔ-yɔɔ nɛ pɩtɛɖɛɛ-wɛ.