Maatiyee 4:23 - New Testament

²³ Yesu cɔwaɣ Galilee egeetiye tɩŋa taa payɩ nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ ndɩ ndɩ taa nɛ ɛlakɩ nɛ ajamaa ndɩ ndɩ nɛ kʋdɔndɩnaa ndɩ ndɩ patɩŋa pɔ-yɔɔ cɛkɩ.

Maatiyee 4:23 ပူးပေါင်းရင်းမြစ်များ

Maatiyee 11:5

yʋlʋmaa naɣ, tala tɩnaa ɖɔŋ camɩyɛ, canasɩ yɔɔ cɛkɩ, ndamaa nɩɣ, sɩɖaa feŋ nɛ posusuu kʋñɔndɩnaa Laŋhɛzɩyɛ Tɔm.

Maatiyee 12:9

Yesu tɛm yɔɔdʋʋ lɛ, ɛkʋyɩ peeɖe nɛ ewolo ɛsʋʋ pɛ-Ɛsɔ ɖɩsɛyɛ taa.

Maatiyee 13:19

mbá panɩɣ pɔyɔɔdʋʋ Ɛsɔ Kewiyaɣ tɔm yem nɛ paanɩɣ tɩ-tɔbʋʋ yɔ, pɛwɛ ɛzɩ nʋmɔʋ nɔɔ ɖenɖe pee tɔlaa yɔ. Satanɩ kɔŋ ɛhɔɔzɩ-tʋ pa-taa.

Maatiyee 13:54

nɛ ewolo tɛtʋ ndʋ́ tɩ-taa ɛɛcaɣaɣ nɛ ɛpaɣlɩ yɔ nɛ ɛwɩlɩɣ ɛyáa Ɛsɔtɔm Ɛsɔ ɖɩsɛyɛ taa. Peeɖe pɩɖɩɣzɩ mbá patɩŋa pɛwɛ peeɖe yɔ nɛ pɔtɔŋ se: «Le ɛnɛ ɛlɩ lɔŋ ɛnʋ ɛ-yɔɔ? Ɛzɩma ɛlakɩ hama lakasɩ sɩnɛ ḿbʋ́?

Maatiyee 14:14

Yesu lɩ kpɩyʋʋ taa nɛ ɛna ɛyáa pɩtɩɩfɛyɩ ḿbʋ́ lɛ, pɔ-tɔm labɩ-ɩ pʋtɔdɩyɛ nɛ ɛla nɛ kʋdɔndɩnaa mbá powonaa yɔ, pɔ-yɔɔ cɛ.

Maatiyee 24:14

Pɔkɔŋ susuu Ɛsɔ Kewiyaɣ Laŋhɛzɩyɛ Tɔm kedeŋa kpeekpe nɛ pɩkɛnɩ aseɣɖe ajɛya tɩŋa payɩ. Pʋwayɩ lɛ, kedeŋa tɛ.»

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 9:35

Yesu cɔwaɣ tɛtʋ sɔsɔtʋ nɛ cikpetu patɩŋa pa-taa nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ taa nɛ ɛlakɩ nɛ kʋdɔndɩnaa ndɩ ndɩ nɛ ajamaa ndɩ ndɩ patɩŋa pɔ-yɔɔ cɛkɩ.

Maarkɩ 1:14

Paɖʋ Yohanɛɛsɩ salaka wayɩ lɛ, Yesu wolo Galilee egeetiye taa nɛ ɛpazɩ ɛyáa heyuu Ɛsɔ Laŋhɛzɩyɛ Tɔm.

Maarkɩ 1:21

Yesu ya ɛyáa ḿbá lɛ, ɛ nɛ wɛ powolo Kapɛrnayum. Kɩyakʋ kɩhɛzʋʋ talaa lɛ, pasʋʋ Ɛsɔ ɖɩsɛyɛ taa nɛ ɛpazɩ ɛyáa Ɛsɔtɔm wɩlʋʋ.

Maarkɩ 1:39

Peeɖe ɛpazɩ cɔʋ Galilee egeetiye tɩŋa taa nɛ esusuu Ɛsɔtɔm Ɛsɔ ɖɩsɛyɛ ndɩ ndɩ taa nɛ ɛɖɔɔnʋʋ aleewaa ɖɔɖɔ ɛyáa wayɩ.

Maarkɩ 3:10

Toovenim lɛ, ɛyáa nawa se ɛlakaɣ nɛ kʋdɔndɩnaa yɔɔ cɛkɩ. Pʋ-yɔɔ kʋdɔndɩnaa tɩŋa kpedesaɣ se potukuni-i nɛ pɔ-yɔɔ cɛ.

Maarkɩ 6:2

Pɩtalɩ kɩyakʋ kɩhɛzʋʋ wiye lɛ, ɛpazɩ Ɛsɔtɔm susuu Ɛsɔ ɖɩsɛyɛ taa. Ɛyáa sakɩyɛ nɩ-tʋ lɛ, pɩlabɩ-wɛ piti nɛ pɔtɔŋ se: «Le ɛlɩ lɔŋ ɛnʋ ɛ-yɔɔ nɛ ɛwɩlɩɣnɩ ɛyáa nɛ ɛlakɩ Ɛsɔ hama lakasɩ?

Maarkɩ 6:6

Peeɖe pɩɖɩɣzɩ-ɩ nɛ ɛzɩma mbʋ́ pɛfɛyɩnɩ lidaʋ ɛ-yɔɔ yɔ. Pʋwayɩ lɛ, Yesu cɔɔ tɛtʋ cikpetu ndɩ ndɩ ndʋ́ tɩwɛ Nazarɛɛtɩ cɔlɔ yɔ tɩ-taa nɛ ɛwɩlɩ nɛ eheyi ɛyáa Ɛsɔtɔm.

Luka 10:9

Ɩla nɛ kʋdɔndɩnaa mbá pɛwɛ peeɖe yɔ pɔ-yɔɔ cɛ nɛ iheyi-wɛ se Ɛsɔ Kewiyaɣ talɩ mɩ-cɔlɔ kpam.

Luka 13:10

Kɩyakʋ kɩhɛzʋʋ nakʋyʋ wiye Yesu wɩlaɣ Ɛsɔ ɖɩsɛyɛ naɖɩyɛ taa.

Luka 16:16

Paawɩlɩ Mooyiizi paɣtʋ nɛ náyaa takayɩsɩ taa tɔm nɛ pʋkɔɔ pɩtalɩ Lɩm Sɔʋ Sɔnzɩ Laɖʋ Yohanɛɛsɩ alɩwaatʋ. Đooo alɩwaatʋ ńdʋ́ʋ́ papazɩ Ɛsɔ Kewiyaɣ Laŋhɛzɩyɛ Tɔm susuu nɛ paa weyi ɛlʋkɩ se ɛsʋʋ ka-taa.

Luka 20:1

Nakʋyʋ wiye Yesu wɩlaɣ ɛyáa Laŋhɛzɩyɛ Tɔm Ɛsɔ ɖɩɣa taa ḿbʋ́ lɛ, cɔjɔnaa sɔsaa nɛ paɣtʋ wɩlɩyaa nɛ Yuda ñɩma sɔsaa powolo

Luka 4:14

Pʋwayɩ lɛ, Yesu pɩsɩ Galilee egeetiye taa nɛ Fezuu Kiɖeɖeu ɖoŋ nɛ ɛ-hɩɖɛ sɛɛ egeetiye ńɖɩ́ ɖɩtɩŋa ɖɩ-taa.

Luka 5:17

Kɩyakʋ nakʋyʋ Yesu wɩlaɣ Ɛsɔtɔm. Farɩsɩ ŋgbɛyɛ taa ñɩma nɛ paɣtʋ wɩlɩyaa mbá palɩnɩ Galilee nɛ Yudee pɛ-tɛtʋ tɩŋa taa nɛ Yeruusalɛm yɔ, paacaɣ ɛ-cɔlɔ. Kɩpaɣlʋ ɖoŋ kɛwɛ ɛ-yɔɔ se ɛla nɛ kʋdɔndɩnaa yɔɔ cɛ.

Luka 6:17

Pʋwayɩ lɛ, Yesu nɛ ɛ-tɔmkpɛlɩkɩyaa petiki pʋʋ nɛ patalɩ pasɩŋ kɩ-lalayɛ taa ɖenɖe ɛ-tɔmkpɛlɩkɩyaa sakɩyɛ kɛwɛɛ yɔ. Ɛyáa samaɣ ŋgá kalɩnɩ Yudee egeetiye tɩŋa payɩ taa nɛ Yeruusalɛm nɛ tɛtʋ ndʋ́ tɩwɛ teŋgu nɔɔ: Tiiri nɛ Sidɔɔ pa-taa yɔ, paawɛ peeɖe ɖɔɖɔ.

Luka 6:6

Kɩyakʋ kɩhɛzʋʋ lɛɛkʋ wiye lɛ, Yesu sʋʋ Ɛsɔ ɖɩsɛyɛ taa nɛ ɛpazɩ Ɛsɔtɔm wɩlʋʋ. Puwiye lɛ, abalʋ nɔɔyʋ kɛwɛ peeɖe, e-nesi kɩbanzɩ camaa.

Luka 7:21

Ŋgʋ́, alɩwaatʋ ńdʋ́ tɩ-yɔɔ ɖeyi ɖeyi Yesu laba nɛ ɛyáa sakɩyɛ kʋdɔmɩŋ ndɩ ndɩ cɛ nɛ ɛɖɔɔnɩ aleewaa nɛ ekuli yʋlʋmaa sakɩyɛ ɛsɛ.

Luka 7:22

Pʋwayɩ lɛ, ecosi-wɛ se: «Iwolo iheyi-i mbʋ́ ɩnawa nɛ ndʋ́ ɩnɩwa yɔ: yʋlʋmaa naɣ nɛ tala tɩnaa ɖɔŋ camɩyɛ nɛ canasɩ yɔɔ cɛkɩ nɛ ndamaa nɩɣ nɛ sɩɖaa feŋ, posusuu kʋñɔndɩnaa Laŋhɛzɩyɛ Tɔm.

Luka 8:1

Pʋwayɩ lɛ, Yesu cɔɔ tɛtʋ sɔsɔtʋ nɛ cikpetu pa-taa nɛ esusuu Ɛsɔ Kewiyaɣ Laŋhɛzɩyɛ Tɔm. Alɩwaatʋ ńdʋ́ lɛ, ɛ-tɔmkpɛlɩkɩyaa hiu nɛ naalɛ

Luka 9:11

Ɛlɛ́, ɛyáa samaɣ nɩɩ nɛ kakʋyɩ katɩŋ pa-wayɩ. Katalaa lɛ, Yesu mʋ-kɛ nɛ eheyi-kɛ Ɛsɔ Kewiyaɣ tɔm nɛ ɛla nɛ mbá pɩɩwɛnɩ-wɛ yɔ pɔ-yɔɔ cɛ.

Luka 9:60

Peeɖe Yesu cosi-i se: «Yele sɩɖaa nɛ pepi pa-sɩɖaa. Ña lɛ, wolo ŋsusi ɛyáa Ɛsɔ Kewiyaɣ tɔm.»

Yohanɛɛsɩ 18:20

Ɛlɛ́, Yesu cosi-i se: «Mɔyɔɔdɩnɩ ɛyáa tɩŋa keɣlee nɛ manpam-wɛ wɩlʋʋ Ɛsɔ ɖɩsɛyɛ nɛ ɛ-ɖɩɣa pa-taa ɖenɖe Yuda ñɩma tɩŋa kpeɣliɣ yɔ. Mɔntɔyɔɔdɩ natʋyʋ mɛsaɣ tɛɛ kaʋ.

Yohanɛɛsɩ 6:59

Alɩwaatʋ ndʋ́ Yesu wɩlaɣ ɛyáa Ɛsɔtɔm Kapɛrnayum Yuda ñɩma Ɛsɔ ɖɩsɛyɛ taa yɔ, ɛyɔɔdɩ tɔm tʋnɛ.

Yohanɛɛsɩ 7:1

Pʋwayɩ lɛ, Yesu kʋyɩ nɛ ɛcɔʋ Galilee egeetiye taa. Ɛtaasɔɔlɩ se ɛcɔɔ Yudee ñɩnɖɛ taa, mbʋ́ pʋyɔɔ yɔ, Yuda ñɩma ñʋndɩnaa ñɩnaɣ se pakʋ-ɩ.

Tʋma Labʋ 10:38

Ɛsɔ kɛwɛ Nazarɛɛtɩ tʋ Yesu cɔlɔ nɛ eyele e-Fezuu Kiɖeɖeu tii ɛ-yɔɔ nɛ kɩha-ɩ ɖoŋ. Pʋ-yɔɔ ɛcɔwaɣ lona ndɩ ndɩ taa nɛ ɛlakɩ ɛyáa ɖeu nɛ eholuu mbá patɩŋa payɩ pɛwɛ Satanɩ nesi taa yɔ.

Tʋma Labʋ 18:4

Paa kɩyakʋ kɩhɛzʋʋ ŋgʋ́ lɛ, Pɔɔlɩ wokaɣ Yuda ñɩma Ɛsɔ ɖɩsɛyɛ taa nɛ ɛ nɛ wɛ nɛ Grɛɛkɩ ñɩma palakɩ lɩmaɣza Yesu tɔm yɔɔ nɛ ɛñɩnɩɣ se petisi-tʋ.

Tʋma Labʋ 20:25

Lɛɛlɛɛyɔ, manawa se mbá mɩ mɩtɩŋa payɩ mɔnkɔm mɩ-hɛkʋ taa nɛ monsusi Ɛsɔ Kewiyaɣ tɔm yɔ, mɩ-taa nɔɔyʋ ɛɛtasɩɣ naʋ mɛ-ɛsɩbiye taa kaʋ.

Tʋma Labʋ 28:31

Esusaɣ Ɛsɔ Kewiyaɣ tɔm nɛ ɛwɩlɩɣ ɛyáa Kɩpaɣlʋ Yesu Krɩstʋ tɔm kaalɛyɩtʋ yem fɛɛɛ.

Room 10:15

Ɛzɩma tɔm susiyaa wɛɣ nɛ petetiyi nabɛyɛ se posusi-tʋ? Ḿbʋ́ pama Ɛsɔtɔm Takayaɣ taa se: «Tɔm susiyaa wokuuni ɛyʋ tɔm kɩbandʋ yɔ, pɩlabɩ ɖeu lɛ yee!»