Maatiyee 4:19 - New Testament

¹⁹ Ɛna-wɛ ḿbʋ́ lɛ, eheyi-wɛ se: «Ɩkɔɔ ɩtɩŋ-m nɛ manpɩsɩ-mɩ ɛyáa kpayaa ɛzɩ ɩkpaɣʋ kpakpasɩ yɔ.»

Maatiyee 4:19 ပူးပေါင်းရင်းမြစ်များ

Maatiyee 16:24

Pʋwayɩ lɛ, Yesu heyi ɛ-tɔmkpɛlɩkɩyaa se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ, etisi nɛ ɛtɔɔ kʋñɔŋ siŋŋ.

Maatiyee 19:21

Ɛlɛ́, Yesu heyi-i se: «Yee ŋcaɣ se ŋtɛzɩ labʋ mbʋ́ Ɛsɔ liu wɛɛ yɔ yɔ, wolo ŋpɛdɩ mbʋ́ pɩtɩŋa payɩ ŋwɛna yɔ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Maatiyee 4:18

Nakʋyʋ wiye Yesu ɖɔŋaɣ Galilee teŋgu nɔɔ. Pɩkɛdaa lɛ, ɛna kpakpasɩ kpayaa naalɛ nabɛyɛ, pɔlɔwaɣ piyiŋ. Ḿbá yɔ: Siimɔɔ weyi payaɣ ɖɔɖɔ se Pɩyɛ yɔ nɛ e-neu Andree.

Maatiyee 4:20

Peeɖe patiyebi pe-piyiŋ nɛ patɩŋ-ɩ.

Maatiyee 8:22

Yesu cosi-i se: «Kɔɔ ŋtɩŋ-m, yele sɩɖaa nɛ pepi pa-sɩɖaa.»

Maatiyee 9:9

Pʋwayɩ lɛ, Yesu tasɩ wobu nɛ ɛsɩndaa nɛ ɛna abalʋ weyi payaɣ se Maatiyee yɔ, ɛcaɣ tikee ɖɩmʋyɛ. Peeɖe Yesu heyi-i se: «Kʋyɩ ŋtɩŋ-m!» Ɛ́lɛ́ kʋyɩ ɖɔɖɔ nɛ ɛtɩŋ-ɩ.

Maarkɩ 2:14

Ɛtɛma nɛ ɛɖɛɣ lɛ, ɛna Alfee pɩyalʋ Leevi, ɛcaɣ ɛ-tʋmɩyɛ taa tikee ɖɩmʋyɛ. Peeɖe eheyi-i se: «Kʋyɩ ŋtɩŋ-m!» Ɛ́lɛ́ kʋyɩ nɛ ɛtɩŋ-ɩ.

Luka 5:27

Pʋwayɩ lɛ, Yesu lɩɩ nɛ ɛna tikee mʋyʋ weyi payaɣ se Leevi yɔ, ɛcaɣ ɛ-tʋmɩyɛ taa. Peeɖe Yesu heyi-i se: «Kʋyɩ ŋtɩŋ-m.»

Luka 9:59

Ɛlɛ́, eheyi lɛlʋ se: «Kʋyɩ ŋtɩŋ-m.» Ɛ́lɛ́ cosi-i se: «Kɩpaɣlʋ! Yele mowolo menpi man-caa nɛ pʋcɔ mɔnkɔɔ mantɩŋ-ŋ.»

Yohanɛɛsɩ 1:43

Tɛʋ fema lɛ, Yesu ɖʋ se ewoki Galilee egeetiye taa. Ɛɖɛɣaɣ lɛ, ɛna Filiipu nɛ eheyi-i se: «Tɩŋ ma-wayɩ.»

Yohanɛɛsɩ 12:26

Yee nɔɔyʋ liu ɛwɛɛ se ɛlabɩ-m tʋmɩyɛ yɔ, ɛtɩŋ-m. Ḿbʋ́ man-tʋmlaɖʋ kɔŋ wɛʋ ɖenɖe mɛwɛɣ yɔ. Yee nɔɔyʋ ɛlakɩ-m tʋmɩyɛ yɔ, man-Caa ɖʋʋ-ɩ hɩɖɛ.»

Yohanɛɛsɩ 21:22

Ɛlɛ́, Yesu pɩsɩnɩ-ɩ se: «Yee me-liu ɛwɛɛ se ɛcaɣ wezuu nɛ pɩsɩɩnɩ alɩwaatʋ ndʋ́ manpɩsɩɣ mɔnkɔɔ yɔ lɛ, pɩna-ŋ nɛ we? Ña lɛ, tɩŋ-m!»

2 Kɔrɛntɩ 12:16

Yee ḿbʋ́ mɩ-maɣmaɣ ɩnawa se mantaapɔzɩ mɩ-taa nɔɔyʋ se ɛsɩnɩ-m. Ɛlɛ́, lɛɛlɛɛyɔ, nɔɔyʋ pɩzɩɣ ɛmaɣzɩ se mɛncɛtɩ-mɩ kɩcɛtʋ nɛ mehiɣ-mɩ.