Maatiyee 4:10 - New Testament

¹⁰ Yesu heyi-i se: «Satanɩ ɖɛɛ mɔ-yɔɔ! Mbʋ́ pʋyɔɔ yɔ, pama Ɛsɔtɔm Takayaɣ taa se: ‹Ña-Kɩpaɣlʋ Ɛsɔ ɖeke koŋ tɛɛ pʋwɛɛ se ŋluŋ nɛ ŋla ɛ-tʋmɩyɛ.› »

Maatiyee 4:10 ပူးပေါင်းရင်းမြစ်များ

Maatiyee 16:23

Ɛlɛ́, ekisini Pɩyɛ yɔɔ nɛ eheyi-i se: «Satanɩ, ɖɛɛ mɔ-yɔɔ! Ŋcaɣ se ŋtuuli-m ma-nʋmɔʋ taa. Mbʋ́ pʋyɔɔ yɔ, ña-lɩmaɣza tɛkɛ Ɛsɔ ñɩna, ɛyáa ñɩna akɛnaa.»

Maarkɩ 1:13

Ɛcaɣ peeɖe kɩyakɩŋ nɩɩnaza nɛ Satanɩ wolo ɛ-cɔlɔ nɛ ɛtakɩɣ-ɩ. Tɛtɛ kpɩna hɛkʋ taa ɛɛwɛɛ nɛ Ɛsɔ tiyiyaa wolo ɛ-cɔlɔ nɛ pasɩŋnɩ-ɩ.

Luka 10:18

Peeɖe Yesu cosi-wɛ se: «Mana Satanɩ, ɛlɩnɩ ɛsɔdaa nɛ ɛtɔlɩ ɛzɩ tɛʋ ñɩlɩsʋʋ yɔ.

Luka 11:18

Ḿbʋ́ ɖɔɖɔ yee Satanɩ nɛ ɛ-taabalaa poyouni ɖama yɔ, e-kewiyaɣ ɛɛlaɣzɩɣ yɔkʋʋ. Mɔyɔɔdʋʋ ḿbʋ́, mbʋ́ pʋyɔɔ yɔ, ɩyɔɔdʋʋ se aleewaa caa Belzeebuuli hanɩ-m ɖoŋ nɛ mɔnɖɔɔnʋʋnɩ aleewaa.

Luka 13:16

Halʋ ɛnɛ, ɛkɛ Abraham sayɩ weyi Satanɩ ɖʋ-ɩ kʋñɔŋ pɩnzɩ hiu nɛ lutozo yɔ. Pɩtaamʋnɩ se malɩzɩ-ɩ kʋñɔŋ ŋ́gʋ́ kɩ-taa kɩyakʋ kɩhɛzʋʋ wiye yaa we?»

Luka 22:3

Peeɖe Satanɩ lɩmaɣza sʋ Yudaasɩ weyi pakʋm-ɩ hɩɖɛ se Iskarɩyɔɔtɩ yɔ ɛ-taa. Ɛkɛ ɖɔɖɔ Yesu tɔmkpɛlɩkɩyaa hiu nɛ naalɛ taa lɛlʋ.

Luka 22:31

Peeɖe Yesu heyi Pɩyɛ se: «Siimɔɔ! Siimɔɔ! Tɩlɩ se Satanɩ pɔzɩ Ɛsɔ nʋmɔʋ se ɛtakɩ-mɩ ɛzɩ pafalʋʋ mɩla yɔ nɛ ɛna.

Luka 4:8

Yesu cosi-i se: «Pama Ɛsɔtɔm Takayaɣ taa se: ‹Ña-Kɩpaɣlʋ Ɛsɔ ɖeke koŋ tɛɛ pʋwɛɛ se ŋluŋ nɛ ŋla ɛ-tʋmɩyɛ.› »

Yohanɛɛsɩ 13:27

Ɛtɩmʋ-kɛ lɛ, eke Satanɩ. Peeɖe Yesu heyi-i se: «La mbʋ́ pʋwɛɛ se ŋla yɔ lɔŋ!»

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Tʋma Labʋ 5:3

Peeɖe Pɩyɛ pɔzɩ-ɩ se: «Anaanɩyaasɩ! Pɩlabɩ ɛzɩma nɛ ŋyele nɛ Satanɩ peɣzi-ŋ nɛ halɩ ŋcɛtɩnɩ Fezuu Kiɖeɖeu taa nɛ ŋsɩɩ ña-tɩ tɛtʋ ndʋ́ ŋpɛdaa yɔ ti-liidiye hɔɔlʋʋ lɛɛkʋ?

1 Kɔrɛntɩ 5:5

Peeɖe ɖɩɖʋzʋʋ pʋdʋ Satanɩ nesi taa nɛ ɛ́lɛ́ nuuti e-tomnaɣ nɛ Ɛsɔ ya ɛ-kalɩzaɣ ñʋʋ kɩyakʋ ŋgʋ́ Kɩpaɣlʋ hʋʋnɩ ɛyáa tɔm yɔ.

1 Kɔrɛntɩ 7:5

Halʋ nɛ ɛ-walʋ pataapɛ pa-tɩ ɖama. Yee panɩnɩ ɖama se papɩzɩ pehiɣ alɩwaatʋ nɛ pɛsɛɛ Ɛsɔ yɔ, kalɩ pi-ɖeke. Paa ḿbʋ́ yɔ, pataacaɣ nɛ puwolo poliŋ. Pɩtɛkɛ ḿbʋ́, paapɩzɩɣ pɔ́ɖɔ́kɩ pa-tɩ alɩwaatʋ ndʋ́ Satanɩ takɩɣ-wɛ yɔ.

2 Kɔrɛntɩ 11:14

Tɔm tʋnɛ tɩfɛyɩ piti. Mbʋ́ pʋyɔɔ yɔ, Satanɩ maɣmaɣ ñapɩsɩɣ ɛ-tɩ Ɛsɔ tiyiyu weyi ɛñɩlɩsɩɣ yɔ.

2 Kɔrɛntɩ 12:7

Pʋ-yɔɔ lɛ, pʋcɔ mantaakpazɩ man-tɩ mbʋ́ mbʋ́ Ɛsɔ wɩlɩ-m yɔ pʋ-yɔɔ lɛ, paɖʋ-m kʋdɔŋ nɛ kɩsalɩɣ-m, ŋ́gʋ́ lɛ Satanɩ tiyiyu.

2 Kɔrɛntɩ 2:11

Malabɩ ḿbʋ́ se Satanɩ ɛtaawɛnɩ waɖɛ ɖɔ-yɔɔ. Mbʋ́ pʋyɔɔ yɔ, ɖɩtɛm sɩm mbʋ́ ɛcaɣ labʋ yɔ.

Yakubu 4:7

Pʋ-yɔɔ lɛ, itisi mɩ-tɩ Ɛsɔ tɛɛ. Ɩkaɖɩnɩ eleeu, pʋbʋ, eseɣ eyebi-mɩ.

1 Pɩyɛ 5:9

Ɩwɛnɩ lidaʋ Ɛsɔ yɔɔ siŋŋ nɛ ɩkaɖɩnɩ-ɩ. Ɩnawa se paɖʋ mɩ-taabalaa mbá pɛwɛ kedeŋa yɔɔ yɔ patɩŋa payɩ kʋñɔmɩŋ weyi paɖʋ-mɩ yɔ.