Maatiyee 3:7 - New Testament

⁷ Yohanɛɛsɩ nawa se Farɩsɩ ŋgbɛyɛ taa ñɩma nɛ Saduki ŋgbɛyɛ taa ñɩma mbá powoki ɛ-cɔlɔ se ɛlabɩ-wɛ lɩm sɔʋ sɔnzɩ yɔ, pɔɖɔwa siŋŋ. Peeɖe eheyi-wɛ se: «Ɛyáa azaɣ́a mɩ! Acɩba-mɩ cɩkpalʋʋ se Ɛsɔ pana kɔŋ-mɩ kpanaʋ yɔ?

Maatiyee 3:7 ပူးပေါင်းရင်းမြစ်များ

Maatiyee 12:24

Farɩsɩ ñɩma nɩ ḿbʋ́ lɛ, pɔyɔɔdɩ se: «Abalʋ ɛnɛ, aleewaa caa Belzeebuuli hanɩ-ɩ ɖoŋ nɛ ɛɖɔɔnʋʋnɩ aleewaa.»

Maatiyee 12:34

Đʋmaa mɩ! Ɩtɛm kɛʋ ɛyáa azaɣ́a lɛ, ɛzɩma ɩpɩzɩɣ ɩyɔɔdɩ tɔm kɩbandʋ yɔ? Mbʋ́ pʋyɔɔ yɔ, tɔm ndʋ́ tɩhaɣ ɛyʋ taa yɔ, ńdʋ́ lɩɣnɩ ɛ-nɔɔ taa.

Maatiyee 15:12

Peeɖe ɛ-tɔmkpɛlɩkɩyaa woba ɛ-cɔlɔ nɛ pɔpɔzɩ-ɩ se: «Ŋnawa se tɔm ndʋ́ ŋyɔɔdaɣ yɔ, tɩwɩ Farɩsɩ ñɩma pɩtɩɩfɛyɩ yaa we?»

Maatiyee 16:1

Yesu talɩ Magaadaɣ peeɖe lɛ, Farɩsɩ ñɩma nɛ Saduki ñɩma powolo pañɩ ɛ-nɔɔ cɔlɔ tɔm. Pɔpɔzɩ-ɩ se ɛla ɛsɔdaa hama lakasɩ nasɩyɩ nɛ pana.

Maatiyee 16:6

Peeɖe ɛpaɣ-wɛ se: «Ɩɖɔkɩ mɩ-tɩ ɖeu nɛ Farɩsɩ ñɩma nɛ Saduki ñɩma pɔ-sɔsɔɔna.»

Maatiyee 22:15

Pʋwayɩ lɛ, Farɩsɩ ŋgbɛyɛ taa ñɩma wolo pala kediɣzaɣ se pana ɛzɩma mbʋ́ paala nɛ pañɩ Yesu nɔɔ cɔlɔ tɔm nɛ pakpa-ɩ yɔ.

Maatiyee 22:23

Puwiye ńɖɩ́ ɖɔɖɔ Saduki ŋgbɛyɛ taa ñɩma woba Yesu cɔlɔ. Ḿbá tɔŋna se sɩɖaa eefeŋ. Powoba lɛ, peheyi-i se:

Maatiyee 22:34

Pɩkɛdaa lɛ, Farɩsɩ ñɩma nɩɩ se Yesu yɔɔdaa nɛ Saduki ñɩma tapɩzɩ pocosi-i natʋyʋ, ɛlɛ́ pekpeɣli ɖama.

Maatiyee 23:33

Đʋmaa mɩ! Ɛzɩma ɩlakɩ nɛ Ɛsɔ ɛtaakʋ mɩ-tɔm nɛ ɛɖʋ-mɩ kʋñɔŋ maatɛŋ taa?

Maatiyee 5:20

Mankaɖɩɣ-mɩ se yee ɩtala mbʋ́ Ɛsɔ liu wɛɛ yɔ nɛ pɩkɩlɩ paɣtʋ wɩlɩyaa nɛ Farɩsɩ ñɩma yɔ, ɩɩsʋʋ e-Kewiyaɣ taa wiɖiyi kaʋ.»

Maarkɩ 12:13

Pʋwayɩ lɛ, petiyi Farɩsɩ ñɩma nɛ Eroodi hɔɔlʋʋ taa ñɩma nabɛyɛ se powolo pañɩ Yesu nɔɔ cɔlɔ tɔm nɛ pʋtɔma yɔ, ɛyɔɔdɩ natʋyʋ nɛ pakpa-ɩ.

Maarkɩ 12:18

Pɩkɛdaa lɛ, Saduki ŋgbɛyɛ taa ñɩma wolo Yesu cɔlɔ. Ḿbá tɔŋnɩ se sɩɖaa eefeŋ. Powoba lɛ, peheyi-i se:

Maarkɩ 8:15

Peeɖe Yesu paɣ́-wɛ se: «Ɩɖɔkɩ mɩ-tɩ ɖeu nɛ Eroodi nɛ Farɩsɩ ñɩma pɔ-sɔsɔɔna.»

Luka 16:14

Yesu yɔɔdaɣ ḿbʋ́ lɛ, Farɩsɩ ñɩma nɩɩ tɔm ńdʋ́ tɩtɩŋa. Peeɖe powoŋ-i, mbʋ́ pʋyɔɔ yɔ, pɛwɛ liidiye laɣzaɣ.

Luka 18:11

Peeɖe Farɩsɩ tʋ sɩŋaa nɛ ɛsɛɛ Ɛsɔ se: ‹Hayɩ Ɛsɔ! Mansaŋ-ŋ. Mbʋ́ pʋyɔɔ yɔ, mɛnfɛyɩ ɛzɩ lɛlaa mbá pamɩlɩɣ nɛ palakɩ ɛzaɣ́tʋ nɛ acɛyɛ yɔ. Mansaŋ-ŋ ɖɔɖɔ, mbʋ́ pʋyɔɔ yɔ, mɛnfɛyɩ ɛzɩ tikee mʋyʋ ɛnɛ yɔ.

Luka 7:30

Ɛlɛ́, Farɩsɩ ñɩma nɛ paɣtʋ wɩlɩyaa pekizi se ɛtaalabɩ-wɛ-sɩ. Ḿbʋ́ pawɩlɩnaa se pekizi mbʋ́ Ɛsɔ ñɩnaɣnɩ-wɛ yɔ.»

Yohanɛɛsɩ 1:24

Mbá petiyi-wɛ Yohanɛɛsɩ cɔlɔ yɔ, Farɩsɩ ŋgbɛyɛ taa ñɩma kɛwɛ pa-taa.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Yohanɛɛsɩ 9:40

Farɩsɩ ñɩma nabɛyɛ kɛwɛ peeɖe. Panɩ ḿbʋ́ lɛ, pɔpɔzɩ-ɩ se: «Đa ɖɔɖɔ ɖɩkɛ yʋlʋmaa naa we?»

Tʋma Labʋ 15:5

Ɛlɛ́, Farɩsɩ ŋgbɛyɛ taa nabɛyɛ kɛwɛnɩ lidaʋ Yesu yɔɔ. Ḿbá kʋyɩna nɛ pɔtɔ se: «Mbá pɛtɛkɛ Yuda ñɩma nɛ pɛwɛnɩ lidaʋ ɖɔɖɔ yɔ, pʋwɛɛ se pɛpɛlɩ-wɛ nɛ peheyi-wɛ se pɔɖɔ Mooyiizi paɣtʋ yɔɔ.»

Tʋma Labʋ 20:31

Pʋ-yɔɔ lɛ, ɩcɔnɩ mɩ-tɩ yɔɔ nɛ ɩtɔzʋʋ se pɩnzɩ naadozo yɔ, menteyele mɩ-taa nɔɔyʋ paɣ́ʋ wɩsɩ nɛ ɖoó nɛ halɩ mentisi ɛsɩtɛɣlɩm.

Tʋma Labʋ 26:5

Pasɩm-m ɖooo lɔŋ, yee petisiɣ yɔ, papɩzɩɣ palɩzɩ aseɣɖe se maakɛ Farɩsɩ ñɩma ŋgbɛyɛ taa tʋ. Maaɖɔm ɖɩ-taa sɔnzɩ yɔɔ. Ńzɩ́ kɩlɩnɩ kaɖɛ ɖɛ-Ɛsɔ sam taa.

Tʋma Labʋ 5:17

Pɩlakaɣ ḿbʋ́ lɛ, Saduki ŋgbɛyɛ taa ñɩma tɩŋa payɩ wɛ cɔjɔnaa ñʋʋdʋ cɔlɔ. Panɩ ḿbʋ́ lɛ, pala ɛsɩsɛmɩyɛ nɛ paɖʋ se pakpaɣ Yesu tiyiyaa.

Room 1:18

Đɩna kaŋŋ se Ɛsɔ pana kpa ɖooo ɛsɔdaa. Akpanɩ mbá patɩŋa payɩ pa-paa fɛyɩnɩ-ɩ nɛ palakɩ mbʋ́ pɩtatʋʋzɩ yɔ. Ḿbʋ́ ɖɩkɩnɩ ɛyáa nʋmɔʋ se pataatɩlɩ e-toovenim.

Room 5:9

Lɛɛlɛɛyɔ, yee Ɛsɔ ɛtɩŋnɩ ɛ́lɛ́ calɩm kpɛndʋʋ yɔɔ nɛ ɛpɩsɩ-ɖʋ kʋtʋʋzaa lɛ, ɛzɩma ɛɛyakɩ ɖa-ñʋʋ se ɛ-pana ɛtaatasɩ-ɖʋ kpanaʋ yɔ?

1 Tesalooniki 1:10

se ɩɖaŋ ɛ-Pɩyalʋ weyi ɛlɩɣnɩ ɛsɔdaa se ɛkɔɔ yɔ. Ɛnʋ lɛ Yesu weyi efezi-i nɛ sɩɖaa taa yɔ. Ɛnʋ lɩzɩɣnɩ-ɖʋ Ɛsɔ pana wena akɔŋ-ɖʋ kpanaʋ yɔ a-taa.

Ebree 11:7

Nowee kɛwɛnɩ lidaʋ Ɛsɔ yɔɔ, pʋ-yɔɔ etisi tɔm ndʋ́ ɛ́lɛ́ heyaɣ-i yɔ se tɩkɔŋ labʋ. Ŋgʋ́, ɛtanada. Ɛlɛ́, ɛñam-ɩ nɛ ɛsaɣ mɛlɛ sɔsɔʋ se ɛ-hɔʋ taa ñɩma ehiɣ ñʋʋ yabʋ. Mbʋ́ Nowee lakaɣ yɔ, pɩwɩlaɣ se kedeŋa yɔɔ cɩnɛ ñɩma kɛ kañadɩnaa. Ɛlɛ́, pɩtɩŋnɩ e-lidaʋ yɔɔ nɛ ɛnʋ ñapɩsɩ kʋtʋʋzʋ Ɛsɔ ɛsɩndaa.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

1 Yohanɛɛsɩ 3:10

Ɩna mbʋ́ pɩwɩlɩɣ kaŋŋ se ɛyʋ kɛ Ɛsɔ pɩɣa yaa eleeu ñɩŋga yɔ: yee nɔɔyʋ ɛlabɩ mbʋ́ pɩtatʋʋzɩ yɔ yaa ɛtɔsɔɔlɩ lɛlaa yɔ, ɛtɛkɛ Ɛsɔ pɩɣa.