Maatiyee 3:6 - New Testament

⁶ nɛ paa weyi ɛyɔɔdʋʋ ɛ-kɩwɛɛkɩm mbʋ́ ɛlaba yɔ nɛ Yohanɛɛsɩ ɛnʋ ɛlakɩ-wɛ lɩm sɔʋ sɔnzɩ Yɔɔrdaŋ pɔɔ taa.

Maatiyee 3:6 ပူးပေါင်းရင်းမြစ်များ

Maatiyee 3:11

Meheyiɣ-mɩ se: «Ma lɛ, malakɩ-mɩ lɩm sɔʋ sɔnzɩ nɛ pɩwɩlɩ se ɩlɛɣzɩ wɛtʋ. Ma-wayɩ lɛ, weyi ɛkɔŋ yɔ, ɛkɩlɩ-m. Halɩ mantatɩɩmʋna se mankpaɣ ɛ-naataŋgbala nɛ mɔnɖɔkɩ. Ɛkɔŋ-mɩ labʋ sɔnzɩ nɛ Fezuu Kiɖeɖeu ɖoŋ nɛ miŋ.

Maarkɩ 1:5

Peeɖe Yeruusalɛm ñɩma tɩŋa nɛ Yudee egeetiye taa hɔɔlɩŋ tɩŋa taa ñɩma powokaɣ ɛ-cɔlɔ nɛ paa weyi ɛyɔɔdʋʋ ɛ-kɩwɛɛkɩm mbʋ́ ɛlaba yɔ nɛ ɛlakɩ-wɛ lɩm sɔʋ sɔnzɩ Yɔɔrdaŋ pɔɔ taa.

Luka 1:16

Ŋ́gʋ́ yekina nɛ Izrɛɛlɩ ñɩma sakɩyɛ pɩsɩnɩ pa-Kɩpaɣlʋ Ɛsɔ yɔɔ.

Luka 3:16

Ɛlɛ́, eheyi patɩŋa se: «Ma lɛ, malakɩ-mɩ lɩm sɔʋ sɔnzɩ. Ɛlɛ́, nɔɔyʋ kaɣ kɔm, ɛ́lɛ́ kɩlɩ-m. Mantatɩɩmʋna se mɛyɛɖɩ ɛ-naataŋgbala tɔnzɩ maɣmaɣ. Ɛkɔŋ-mɩ labʋ sɔnzɩ ńzɩ́ nɛ Fezuu Kiɖeɖeu ɖoŋ nɛ miŋ.

Tʋma Labʋ 1:5

Mɔntɔzʋʋ-mɩ se Yohanɛɛsɩ labɩ ɛyáa lɩm sɔʋ sɔnzɩ. Ɛlɛ́, pɩkazɩ kɩyakɩŋ pazɩ lɛ, Caa Ɛsɔ ñɔkɔŋ-mɩ labʋ sɔnzɩ nɛ e-Fezuu Kiɖeɖeu ɖoŋ.»

Tʋma Labʋ 11:16

Peeɖe mɔntɔzɩ tɔm ndʋ́ Kɩpaɣlʋ yɔɔdaa yɔ tɩ-yɔɔ. Ńdʋ́ lɛ se: ‹Yohanɛɛsɩ labɩ ɛyáa lɩm sɔʋ sɔnzɩ. Ɛlɛ́, mɩ yɔ, Ɛsɔ kɔŋ-mɩ-sɩ labʋ nɛ e-Fezuu Kiɖeɖeu ɖoŋ.›

Tʋma Labʋ 19:18

Pa-taa mbá paapazɩ wɛnaʋ lidaʋ Krɩstʋ yɔɔ yɔ, pa-taa sakɩyɛ heyaɣ pa-kɩwɛɛkɩm ɛyáa ɛsɩndaa keɣlee

Tʋma Labʋ 22:16

Anaanɩyaasɩ tɛm-m heyuu ḿbʋ́ lɛ, ɛpɔzɩ-m se lɛɛlɛɛyɔ, ɛbɛ manɖaŋaa ɖɔɖɔ yɔ? Pʋwɛɛ se mowolo palabɩ-m lɩm sɔʋ sɔnzɩ nɛ mentendi Kɩpaɣlʋ nɛ ɛñalɩ-m man-kɩwɛɛkɩm.»

1 Kɔrɛntɩ 10:2

Pɩlabʋ ḿbʋ́ yɔ, pʋwɛ ɛzɩ palabɩ patɩŋa payɩ lɩm sɔʋ sɔnzɩ ɛsɔmɩnʋʋ tɛɛ nɛ Teŋgu Kɩsɛmʋʋ taa yɔ. Mbʋ́ pʋyɔɔ yɔ, pa nɛ Mooyiizi paakpɛndaa.

Koloosi 2:12

Palabʋ-mɩ lɩm sɔʋ sɔnzɩ yɔ, mɩ nɛ Krɩstʋ pepima. Mɩ nɛ ɩ ifemna ɖɔɖɔ, mbʋ́ pʋyɔɔ yɔ, ɩwɛnɩ lidaʋ ɖoŋ weyi Ɛsɔ fezini-i nɛ sɩɖaa taa yɔ ɛ-yɔɔ.

Ebree 6:2

nɛ lɩm sɔʋ sɔnzɩ ndɩ ndɩ labʋ nɛ ɛyáa yɔɔ nesi tɩnʋʋ nɛ sɩɖaa fem nɛ tɔm hʋʋ maatɛŋ, pɔ-tɔm.

Ebree 9:10

Pɩtɩŋa payɩ pɩkɛnɩ paɣtʋ yem. Tomnaɣ yɔɔ paɖʋ-tʋ: paɖʋ-tʋ tɔɔnasɩ nɛ sʋlʋm nɛ cɩɖɩcɩɖɩ wɛtʋ sɔnzɩ ndɩ ndɩ pɔ-yɔɔ, nɛ tɩwɛnɩ ɖoŋ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ lɛɣzɩ pɩtɩŋa payɩ yɔ.

Yakubu 5:16

Pʋ-yɔɔ meheyiɣ-mɩ se iheyi ɖama mɩ-kɩwɛɛkɩm nɛ itendi Ɛsɔ ɖama yɔɔ nɛ mɩ-yɔɔ cɛ. Weyi ɛtʋʋzɩ Ɛsɔ ɛsɩndaa yɔ, yee ɛsɛ Ɛsɔ nɛ ɛ-laŋɩyɛ tɩŋa yɔ, ɛ-Ɛsɔ sɛʋ wɛɣ ɖoŋ pɩtɩɩfɛyɩ.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.

1 Yohanɛɛsɩ 1:9

Ɛlɛ́, yee ɖiheyi ɖa-kɩwɛɛkɩm yɔ, Ɛsɔ kpeɣiɣ-ɖʋ-pʋ nɛ ɛñalɩ ɖa-kɩdɛkɛdɩm tɩŋa. Mbʋ́ pʋyɔɔ yɔ, ɛtʋʋzaa nɛ ɛlakɩ mbʋ́ ɛɖʋwa se ɛlakɩ yɔ.