Maatiyee 3:2 - New Testament

² Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 3:2 ပူးပေါင်းရင်းမြစ်များ

Maatiyee 10:7

Ɩlɩ nʋmɔʋ taa lɛ, isusi ɛyáa se Ɛsɔ Kewiyaɣ wɩzɩ talʋʋ.

Maatiyee 11:20

Pʋwayɩ lɛ, Yesu pazɩ kalʋʋ tɛtʋ ndɩ ndɩ ndʋ́ tɩ-taa ɛɛkɩlɩ labʋ hama lakasɩ yɔ tɩ-taa ñɩma. Mbʋ́ pʋyɔɔ yɔ, pɛtɛlɛɣzɩ wɛtʋ, ɛkalɩ-wɛ se:

Maatiyee 12:41

Kɩyakʋ ŋgʋ́ Ɛsɔ hʋʋnɩ ɛyáa tɔm yɔ, Niniivi ñɩma kʋyʋʋ lɛɛlɛɛyɔ ɛyáa ḿbá pɔ-yɔɔ nɛ pakʋ pɔ-tɔm. Mbʋ́ pʋyɔɔ yɔ, Niniivi ñɩma lɛɣzɩ wɛtʋ alɩwaatʋ ndʋ́ panɩ Yoonaasɩ susi Ɛsɔtɔm yɔ. Ŋgʋ́, nɔɔyʋ ñɛwɛ cɩnɛ, ɛ́lɛ́ kɩlɩ Yoonaasɩ!

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Maatiyee 13:24

Yesu tasɩ-wɛ tuuu eduuye se: «Ɩna ɛzɩma mbʋ́ Ɛsɔ Kewiyaɣ wɛɛ yɔ: abalʋ nɔɔyʋ ɖuni ɖomaɣ kɩbaŋga ɛ-hayɩm taa.

Maatiyee 13:31

Yesu tasɩ-wɛ tuuu eduuye se: «Ɛsɔ Kewiyaɣ wɛ ɛzɩ piye nɖɩ́ ɖɩkɩlɩ kɔzʋʋ pee tɩŋa taa nɛ ɛyʋ kpaɣ-ɖɩ nɛ eɖuu ɛ-hayɩm taa yɔ.

Maatiyee 13:33

Yesu tasɩ-wɛ tuuu eduuye se: «Ɛsɔ Kewiyaɣ wɛ ɛzɩ sɔsɔɔna wena halʋ cozuu nɛ ɛɖʋ sona mʋlʋm kiiloonaa nɩɩlɛ nɛ kagbaanzɩ taa nɛ ehuudi nɛ pʋkɔɔ puhuu yɔ.»

Maatiyee 13:47

«Ɩɩnaɣ mbʋ́ Ɛsɔ Kewiyaɣ nɩɣzɩnaa ɖɔɖɔ yɔ: pɔlɔ piyuu teŋgu taa nɛ kɩkpaɣ kpakpasɩ ndɩ ndɩ.

Maatiyee 13:52

Peeɖe eheyi-wɛ se: «Pʋ-yɔɔ lɛ, paɣtʋ wɩlɩyʋ weyi ɛpɩsɩ Ɛsɔ Kewiyaɣ taa tʋmlaɖʋ yɔ, ɛwɛ ɛzɩ ñɩm tʋ weyi ɛlɩzɩɣ ɛ-ñɩm taa wondu kɩfatʋ nɛ kɩbɩndʋ yɔ.»

Maatiyee 18:23

Pʋ-yɔɔ lɛ, ɩna mbʋ́ Ɛsɔ Kewiyaɣ nɩɣzɩnaa yɔ: wiyaʋ sɔsɔ nɔɔyʋ kekpeɣlini ɛ-tʋmlaɖaa se pɛhɛyɩ-ɩ ɛ-kɩma.

Maatiyee 20:1

Yesu heyi-wɛ ɖɔɖɔ se: «Pʋ-yɔɔ lɛ, ɩɩnaɣ mbʋ́ Ɛsɔ Kewiyaɣ nɩɣzɩnaa yɔ: ñɩm tʋ nɔɔyʋ lɩnɩ tanaŋ nakʋyʋ cu nɛ ɛmʋ tʋmlaɖaa nabɛyɛ se palabɩ-ɩ tʋmɩyɛ ɛ-tɩŋ weyi popuu i-pee sʋlʋm yɔ ɩ-hayɩm taa.

Maatiyee 22:2

«Ɛsɔ Kewiyaɣ wɛ ɛzɩ eduuye ɖɩnɛ yɔ: wiyaʋ nɔɔyʋ labɩnɩ ɛ-pɩyalʋ halɩkpaɣyɛ kazandʋ.

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

Maatiyee 25:1

Yesu tasɩ ɛ-tɔmkpɛlɩkɩyaa heyuu se: «Alɩwaatʋ ńdʋ́ lɛ, ɛzʋnɔ Ɛsɔ Kewiyaɣ kɔŋ wɛʋ: pɛlaa nabɛyɛ wɛnɩ ḿbʋ́, pɛwɛ hiu. Halɩkpaɣyɛ naɖɩyɛ wiye lɛ, pakpaɣ kanɖʋnaa nɛ powolo paɖaŋ halɩkpaɣyʋ.

Maatiyee 25:14

Yesu tasɩ ɛ-tɔmkpɛlɩkɩyaa heyuu se: «Ɛzʋnɔ Ɛsɔ Kewiyaɣ kɔŋ wɛʋ ɖɔɖɔ: abalʋ nɔɔyʋ wɛnɩ ḿbʋ́ nɛ ɛɖʋ se ewoki nʋmɔʋ. Ɛɖɛɣaɣ lɛ, ɛ́yáa ɛ-tʋmlaɖaa nɛ ɛtayɩ-wɛ ɛ-ñɩm.

Maatiyee 4:17

Yesu talɩ Kapɛrnayum lɛ, ɛpazɩ Ɛsɔtɔm susuu nɛ eheyiɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ!»

Maatiyee 4:23

Yesu cɔwaɣ Galilee egeetiye tɩŋa taa payɩ nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ ndɩ ndɩ taa nɛ ɛlakɩ nɛ ajamaa ndɩ ndɩ nɛ kʋdɔndɩnaa ndɩ ndɩ patɩŋa pɔ-yɔɔ cɛkɩ.

Maatiyee 5:10

Mbá ɛyáa wɛ pa-wayɩ kaŋ kaŋ se palakɩ mbʋ́ pʋtʋʋzaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Maatiyee 5:3

«Ɛyáa mbá pasɩm pa-tɩ se pɛtɛkɛ pʋyʋ Ɛsɔ ɛsɩndaa yɔ, pehiɣ pa-tɩ! Mbʋ́ pʋyɔɔ yɔ, pɛkɛ Ɛsɔ Kewiyaɣ taa ñɩma.

Maatiyee 6:10

Ñe-kewiyaɣ ɛkɔɔ, yele pala ñe-liu ñɩm tataa cɩnɛ ɛzɩ palakʋʋ ɛsɔdaa yɔ.

Maatiyee 6:33

Ɩcalɩnɩ ñɩnʋʋ Ɛsɔ Kewiyaɣ nɛ mbʋ́ e-liu wɛɛ yɔ nɛ ɛtɛzɩ-mɩ haʋ mbʋ́ pɩtɛɖɩɣ-mɩ yɔ pɩtɩŋa payɩ.

Maarkɩ 1:15

Ɛtɔŋaɣ se: «Lɛɛlɛɛyɔ, alɩwaatʋ talaa se Ɛsɔ Kewiyaɣ ɛkɔɔ. Pʋ-yɔɔ lɛ, ɩlɛɣzɩ wɛtʋ nɛ itisi ɛ-Laŋhɛzɩyɛ Tɔm.»

Maarkɩ 1:4

Ḿbʋ́ Yohanɛɛsɩ kɔm ɛwɛɛ lakʋ taa nɛ ɛyáa woki ɛ-cɔlɔ nɛ esusuu-wɛ se pɛlɛɣzɩ wɛtʋ nɛ ɛlabɩ-wɛ lɩm sɔʋ sɔnzɩ nɛ Ɛsɔ kpeɣ-wɛ pa-kɩwɛɛkɩm.

Maarkɩ 6:12

Peeɖe Yesu tɔmkpɛlɩkɩyaa ḿbá pɛɖɛwa nɛ papazɩ ɛyáa Ɛsɔtɔm susuu se pɛlɛɣzɩ wɛtʋ.

Luka 1:16

Ŋ́gʋ́ yekina nɛ Izrɛɛlɩ ñɩma sakɩyɛ pɩsɩnɩ pa-Kɩpaɣlʋ Ɛsɔ yɔɔ.

Luka 11:20

Toovenim lɛ, Ɛsɔ ɖoŋ mɔnɖɔɔnʋʋnɩ aleewaa. Ḿbʋ́ wɩlɩɣna se Ɛsɔ Kewiyaɣ talɩ mɩ-cɔlɔ kpam.

Luka 13:3

Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩsɩkɩ mɩtɩŋa ɛzɩ pasɩbʋ ɖɔɖɔ yɔ.

Luka 13:5

Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩkɔŋ sɩbʋ mɩtɩŋa payɩ ɛzɩ ḿbá yɔ.»

Luka 15:10

Meheyiɣ-mɩ se ḿbʋ́ ɖɔɖɔ pʋwɛɛ: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ tiyiyaa laŋa hʋlʋmʋʋ ɖeu.»

Luka 15:7

Meheyiɣ-mɩ se ḿbʋ́ ɖɔɖɔ pʋwɛ ɛsɔdaa: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ nɛ e-tiyiyaa pa-laŋa hʋlʋmʋʋnɩ-ɩ nɛ pɩkɩlɩ ɛyáa kʋɖʋm fɛyɩ mɩnʋʋ mbá pamaɣzɩɣ se pɛkɛ kʋtʋʋzaa nɛ pʋtɔpɔzɩ se pɛlɛɣzɩ wɛtʋ yɔ.»

Luka 16:30

Peeɖe abalʋ ɛnʋ eheyi-i se: ‹Caa Abraham! Yee sɩɖaa taa nɔɔyʋ ɛpɩsɩna nɛ ɛmaɣnɩ-wɛ yɔ, pɛlɛɣzɩɣ wɛtʋ.›

Luka 21:31

Ḿbʋ́ ɖɔɖɔ pʋwɛɛ. Yee ɩkɔm ɩnaɣ pɩtɩŋa payɩ ḿbʋ́ lɛ, ɩtɩlɩ kpaagbaa se Ɛsɔ Kewiyaɣ talɩ mɩ-cɔlɔ kpam.

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Luka 6:20

Pʋwayɩ lɛ, Yesu cɔnɩ ɛ-tɔmkpɛlɩkɩyaa nɛ eheyi-wɛ se: «Mbá mɩ ɩkɛ kʋñɔndɩnaa yɔ, ihiɣ mɩ-tɩ! Mbʋ́ pʋyɔɔ yɔ, ɩkɛ Ɛsɔ Kewiyaɣ taa ñɩma.

Luka 9:2

Pʋwayɩ lɛ, etiyi-wɛ se powolo posusi Ɛsɔ Kewiyaɣ tɔm nɛ pala nɛ kʋdɔndɩnaa yɔɔ cɛ.

Tʋma Labʋ 11:18

Panɩ tɔm ńdʋ́ lɛ, pɛhɛzɩ pa-tɩ nɛ pasaŋ Ɛsɔ se: «Yee ḿbʋ́, Ɛsɔ yebi ɖɔɖɔ se halɩ mbá pɛtɛkɛ Yuda ñɩma yɔ, pɛlɛɣzɩ wɛtʋ nɛ pehiɣ wezuu!»

Tʋma Labʋ 17:30

Ɛsɔ ɛɛtasɩɣ kpaɣʋ mbʋ́ ɛyáa kalabɩ ɖooo lɔŋ nɛ patatɩlɩ yɔ nɛ ɛlabɩnɩ tʋmɩyɛ. Ɛlɛ́, lɛɛlɛɛyɔ eheyiɣ patɩŋa payɩ paa le se pɛlɛɣzɩ wɛtʋ.

Tʋma Labʋ 2:38

Ɛ́lɛ́ cosi-wɛ se: «Ɩlɛɣzɩ wɛtʋ nɛ pala paa mɩ-taa weyi lɩm sɔʋ sɔnzɩ Yesu Krɩstʋ hɩɖɛ taa nɛ pekpeɣ-mɩ mɩ-kɩwɛɛkɩm. Peeɖe Ɛsɔ haɣ-mɩ e-Fezuu Kiɖeɖeu.

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

Tʋma Labʋ 26:20

Ɛlɛ́, Damaasɩ ñɩma manpazɩnɩ Ɛsɔtɔm susuu. Pʋwayɩ lɛ, monsusi-tʋ ɖɔɖɔ Yeruusalɛm ñɩma nɛ Yudee egeetiye taa ñɩma tɩŋa nɛ ajɛya lɛɛna taa ñɩma. Meheyi-wɛ se pɛlɛɣzɩ wɛtʋ nɛ papɩsɩnɩ Ɛsɔ yɔɔ nɛ pala mbʋ́ pɩwɩlɩɣ se toovenim pɛlɛɣzɩ wɛtʋ yɔ.

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.

2 Kɔrɛntɩ 7:10

Toovenim lɛ, laŋwɛɛkɩyɛ nɖɩ́ ɖɩlɩnɩ Ɛsɔ cɔlɔ yɔ, ɖiyeki nɛ ɛyʋ lɛɣzɩ wɛtʋ nɛ ehiɣ ñʋʋ yabʋ, eekpiɖiɣ. Piyele kedeŋa laŋwɛɛkɩyɛ ñɔkɔŋnɩ sɩm.

Koloosi 1:13

Ɛlɩzɩ-ɖʋ cɩkpɛndʋʋ ɖoŋ taa nɛ ewoni-ɖʋ ɛ-Pɩyalʋ kʋsɔɔlʋ kewiyaɣ taa.

2 Timootee 2:25

Pʋwɛɛ se ɛwɩlɩ mbá paatisiɣ ɛ-tɔm nɛ pɛlɛɣzɩɣ pa-ñɩndʋ yɔ hɛɛɛ nɛ pʋtɔma yɔ, Ɛsɔ ha-wɛ nʋmɔʋ nɛ pɛlɛɣzɩ pa-lɩmaɣza nɛ papɩzɩ patɩlɩ toovenim

Ebree 6:1

Pʋ-yɔɔ lɛ, ɖɩɖɛɛnɩ ɛsɩndaa nɛ ɖɩkpɛlɩkɩ Krɩstʋ tɔm ɛzɩ mbá papɩ lidaʋ wɛnaʋ taa yɔ. Đɩtaawɛɛ ɖɩnɩɣnɩ ndʋ́ pɛkpɛlɩkɩ-ɖʋ kajalaɣ taa yɔ ti-ɖeke. Pɩtatasɩ pɔzʋʋ se pɛkpɛlɩkɩ-mɩ natʋyʋ ɛzɩ: tʋma wena aawazɩɣ pʋyʋ yɔ a-yebu nɛ Ɛsɔ yɔɔ lidaʋ wɛnaʋ

2 Pɩyɛ 3:9

Nabɛyɛ maɣzɩɣ se Kɩpaɣlʋ tala lɔŋ mbʋ́ eheyi ɛyáa se ɛlakɩ yɔ. Ŋgʋ́ pɩtɛkɛ ḿbʋ́. Ɛlɛ́, mɩ-yɔɔ ɛ́ɖɔ́kɩ ɛ-hɔyɛ. Mbʋ́ pʋyɔɔ yɔ, ɛtɔsɔɔlɩ se nɔɔyʋ ɛtɛŋɛlɩ. Ɛlɛ́, ɛsɔɔlaa se ɛyáa tɩŋa payɩ ɛlɛɣzɩ wɛtʋ.

Wɩlʋʋ 2:21

Maha-ɩ alɩwaatʋ se ɛlɛɣzɩ wɛtʋ, ɛlɛ́, ɛɛcaɣ se eyele ɛ-acɛyɛ lakasɩ.

Wɩlʋʋ 2:5

Pʋ-yɔɔ lɛ, pɔtɔzɩ ɖenɖe pucoɖi-wɛ yɔ, pɛlɛɣzɩ wɛtʋ nɛ pala mbʋ́ palakaɣ kajalaɣ taa yɔ. Pɩtɛkɛ ḿbʋ́, mɔnkɔŋ pɔ-cɔlɔ nɛ mɛlɛɣ pa-kanɖʋ.