Maatiyee 27:42 - New Testament

⁴² «Ɛyabɩ lɛlaa ñʋŋ ɛzɩma tɛ, ɛɛpɩzɩɣ se ɛya ɛ-maɣmaɣ ɛ-ñɩŋgʋ! Pɩtɛkɛ ɛnʋ tɔmna se ɛnʋ lɛ Izrɛɛlɩ ñɩma wiyaʋ sɔsɔ naa we? Etibini kaamaŋkaɣ yɔɔ lɛɛlɛɛyɔ nɛ ɖɩwɛnɩ lidaʋ ɛ-yɔɔ!

Maatiyee 27:42 ပူးပေါင်းရင်းမြစ်များ

Maatiyee 2:2

Patalaa lɛ, pɔpɔzʋʋ se: «Le pɩɣa ŋgá palʋlɩ-kɛ se kɛkɛ Yuda ñɩma wiyaʋ sɔsɔ yɔ kɛwɛɛ? Đɩna tɩɩŋa ŋgá kawɩlɩɣ se palʋlɩ pɩɣa ŋ́gá yɔ wɩsɩ ɖɩlɩyɛ. Pʋ-yɔɔ ɖɩkɔm se ɖiluŋ kɛ-tɛɛ.»

Maatiyee 27:37

Paama kpata nakʋyʋ yɔɔ mbʋ́ pʋ-yɔɔ pakam-ɩ yɔ nɛ paka kaamaŋkaɣ yɔɔ ɛ-ñʋʋ taa. Pamawa se: «Ɛnɛ lɛ Yesu weyi ɛkɛ Yuda ñɩma wiyaʋ sɔsɔ yɔ.»

Maatiyee 27:40

se: «Weyi ña ŋtɔŋaɣ se ŋyɔkʋʋ Ɛsɔ ɖɩɣa nɛ ŋɖaɣnɩ-kɛ maʋ nɛ kɩyakɩŋ naadozo yɔ, ya ña-maɣmaɣ ña-ñʋʋ! Yee ŋkɛ Ɛsɔ Pɩyalʋ yɔ, tibini kaamaŋkaɣ yɔɔ nɛ ɖɩna!»

Maatiyee 27:41

Cɔjɔnaa sɔsaa nɛ paɣtʋ wɩlɩyaa nɛ Yuda ñɩma ŋgbɛyɛ taa sɔsaa pɛpɛŋaɣ Yesu tɛtɛ ḿbʋ́ ɖɔɖɔ nɛ pɔpɔzʋʋ se:

Maarkɩ 15:31

Yuda ñɩma cɔjɔnaa sɔsaa nɛ pa-paɣtʋ wɩlɩyaa pɛpɛŋaɣ Yesu tɛtɛ ḿbʋ́ ɖɔɖɔ nɛ pɔpɔzʋʋ ɖama se: «Ɛyabɩ lɛlaa ñʋʋ ɛzɩma tɛ ɛɛpɩzɩɣ se ɛya ɛ-maɣmaɣ ɛ-ñɩŋgʋ!

Maarkɩ 15:32

Weyi ña ŋheyiɣ se ña lɛ Izrɛɛlɩ wiyaʋ sɔsɔ nɛ Weyi Ɛsɔ Lɩzaa Yɔ, yee ŋtibini kaamaŋkaɣ yɔɔ nɛ ɖɩna yɔ, pʋbʋ ɖɩwɛɣnɩ lidaʋ ñɔ-yɔɔ.» Halɩ pɩkpɛndɩnɩ mbá paakam-wɛ ɛ-cɔlɔ yɔ nɛ patʋʋ-ɩ ɖɔɖɔ.

Luka 19:38

Pasaŋaɣ-ɩ se: «Ɛsɔ ɛ́wazɩ wiyaʋ sɔsɔ weyi ɛkɔŋ Kɩpaɣlʋ lone taa yɔ ɛ-yɔɔ! Laŋhɛzɩyɛ ɛwɛɛ ɖooo ɛsɔdaa nɛ pasam-ɩ peeɖe!»

Luka 23:35

Ɛyáa samaɣ kasɩŋ peeɖe nɛ kɔcɔŋna nɛ Yuda ñɩma ñʋndɩnaa ñowoŋuu-i nɛ pɔtɔŋ se: «Yee toovenim se ɛkɛ Krɩstʋ Weyi Ɛsɔ Lɩzaa Yɔ yɔ, ɛya ɛ-maɣmaɣ ɛ-ñʋʋ ɛzɩ ɛyabʋ lɛlaa ñɩŋgʋ yɔ!»

Yohanɛɛsɩ 1:49

Peeɖe Nataanayɛɛlɩ heyi-i se: «Wɩlɩyʋ! Ña lɛ Ɛsɔ Pɩyalʋ. Ña lɛ Izrɛɛlɩ ñɩma wiyaʋ.»

Yohanɛɛsɩ 12:13

Ɛlɛ́, pakpaɣ paatʋ nɛ pakatɩɣ-ɩ nɛ pokou se: «Ozaana! Ɛsɔ ɛ́wazɩ weyi ɛkɔŋ Kɩpaɣlʋ lone taa yɔ ɛ-yɔɔ! Ɛsɔ ɛ́wazɩ Izrɛɛlɩ ñɩma wiyaʋ sɔsɔ yɔɔ!»

Yohanɛɛsɩ 12:47

Yee nɔɔyʋ ɛnɩ mɔn-tɔm nɛ ɛɛɖɔŋ tɩ-yɔɔ yɔ, pɩtɛkɛ mankʋʋnɩ ɛ-tɔm. Mbʋ́ pʋyɔɔ yɔ, mɔntɔkɔɔ kedeŋa yɔɔ se mankʋ ɛyáa tɔm, ɛlɛ́, mɔnkɔm se maya pa-ñʋʋ.

Yohanɛɛsɩ 9:24

Peeɖe Farɩsɩ ñɩma tasɩ abalʋ ɛnʋ yaʋ nɛ peheyi-i se: «Ɛsɔ ɛsɩndaa ŋwɛɛ, yɔɔdɩ toovenim. Đa lɛ, ɖɩnawa se weyi ekuli ñɛ-ɛsɛ yɔ, ɛkɛ kɩwɛɛkɩm laɖʋ.»

Tʋma Labʋ 4:14

Ŋgʋ́, panaɣaɣ ɖɔɖɔ weyi ɛ-yɔɔ cɛba yɔ, ɛsɩŋ pɔ-cɔlɔ peeɖe nɛ paanaɣ pɔyɔɔdɩ se we.