Maatiyee 27:29 - New Testament

²⁹ nɛ palʋʋ awiya hulaɣ nɛ sɔɔɔ nɛ papam-ɩ nɛ pɛcɛlɩ-ɩ ɖaʋ nɛ ɛ́ɖɔ́kɩ e-nesi kɩbanzɩ taa ɛzɩ wiyaʋ yɔ. Ɛlɛ́, papazɩ ɛ-tɛɛ luŋuu nɛ pɛsɛɣ-ɩ nɛ woŋa se: «Yuda ñɩma wiyaʋ sɔsɔ! Sɛɛ ɖeu!»

Maatiyee 27:29 ပူးပေါင်းရင်းမြစ်များ

Maatiyee 20:19

Paɖʋzʋʋ-ɩ mbá paañaŋ Ɛsɔ yɔ pe-nesi taa nɛ paba woŋ-i nɛ polu-i agbazɛɛ nɛ pakam-ɩ kaamaŋkaɣ yɔɔ nɛ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i.»

Maatiyee 26:49

Ɛtalaa lɛ, ɛtɩwobu Yesu cɔlɔ nɛ eheyi-i se: «Wɩlɩyʋ, sɛɛ ɖeu!» Ɛlɛ́, ɛmʋzɩ ɛ-laɣzaɣ yɔɔ.

Maatiyee 27:37

Paama kpata nakʋyʋ yɔɔ mbʋ́ pʋ-yɔɔ pakam-ɩ yɔ nɛ paka kaamaŋkaɣ yɔɔ ɛ-ñʋʋ taa. Pamawa se: «Ɛnɛ lɛ Yesu weyi ɛkɛ Yuda ñɩma wiyaʋ sɔsɔ yɔ.»

Maarkɩ 15:17

nɛ posuu-i awiitoko kɩsɛmʋʋ nakʋyʋ waaa nɛ palʋʋ awiya hulaɣ nɛ sɔɔɔ nɛ papam-ɩ.

Maarkɩ 15:18

Ɛlɛ́, papazɩ-ɩ sɛʋ nɛ woŋa se: «Yuda ñɩma wiyaʋ sɔsɔ! Sɛɛ ɖeu!»