Maatiyee 27:18 - New Testament

¹⁸ Ɛpɔzɩ-wɛ ḿbʋ́, mbʋ́ pʋyɔɔ yɔ, ɛnawa se paanaɣ Yesu nɛ ɛsɩyɛ yɔɔ pakpa-ɩ nɛ powoni ɛ-cɔlɔ.

Maatiyee 27:18 ပူးပေါင်းရင်းမြစ်များ

Maatiyee 27:17

Pʋ-yɔɔ Pilaatɩ pɔzɩ ɛyáa samaɣ ŋgá kekpeɣlaa yɔ se: «[Yesu] Baraabaasɩ nɛ Yesu weyi payaɣ se Krɩstʋ yɔ, pa-taa weyi mi-liu wɛɛ se meyele?»

Maatiyee 27:19

Pilaatɩ kacaɣ tɔm ɖɩhʋyɛ. Pɩkɛdaa lɛ, ɛ-halʋ tiyi se peheyi-i se: «Taaɖʋ ñɔ-nɔɔ ɛyʋ kʋtʋʋzʋ ɛnʋ ɛ-tɔm taa. Monɖozi-i ɖeɖe ɖoó taa nɛ ɛ-tɔm labɩ-m kʋñɔŋ pɩtɩɩfɛyɩ.»

Maarkɩ 15:10

Ɛpɔzɩ-wɛ ḿbʋ́, mbʋ́ pʋyɔɔ yɔ, ɛnawa se ɛsɩsɛmɩyɛ cɔjɔnaa sɔsaa laba nɛ pakpa Yesu nɛ powoni-i ɛ-cɔlɔ.

Tʋma Labʋ 13:45

Yuda ñɩma na ɛyáa samaɣ ḿbʋ́ lɛ, papazɩ ɛsɩsɛmɩyɛ labʋ Pɔɔlɩ yɔɔ nɛ patʋʋ-ɩ nɛ pɛkpɛzɩɣnɩ-ɩ.

Tʋma Labʋ 5:17

Pɩlakaɣ ḿbʋ́ lɛ, Saduki ŋgbɛyɛ taa ñɩma tɩŋa payɩ wɛ cɔjɔnaa ñʋʋdʋ cɔlɔ. Panɩ ḿbʋ́ lɛ, pala ɛsɩsɛmɩyɛ nɛ paɖʋ se pakpaɣ Yesu tiyiyaa.

Tʋma Labʋ 7:9

Cɔzɔnaa ḿbá palabɩnɩ ɛsɩsɛmɩyɛ pa-taa lɛlʋ weyi payaɣ se Yozɛɛfʋ yɔ ɛ-yɔɔ nɛ pɛpɛdɩ-ɩ nɛ nabɛyɛ nɛ paba woni-i Ejiptɩ nɛ papɩsɩ-ɩ yom. Ɛlɛ́, Ɛsɔ taalɔ-ɩ kaʋ.

Yakubu 4:5

Ɩmaɣzɩɣ se Ɛsɔtɔm Takayaɣ taa tɔm tʋnɛ, tɩfɛyɩ wazaɣ naa we? Ńdʋ́ lɛ se: «Ɛsɔ ñɩnɩɣ fezuu ŋgʋ́ ɛha-ɖʋ yɔ nɛ sʋsɩ.»