Maatiyee 26:74 - New Testament

⁷⁴ Peeɖe ɛkpɛzaa laɣ laɣ nɛ eɖuu se: «Nɛ Ɛsɔ! Mantasɩ abalʋ ɛnʋ!» Kpaagbaa ḿbʋ́ lɛ, kalɩmɔʋ koo.

Maatiyee 26:74 ပူးပေါင်းရင်းမြစ်များ

Maatiyee 10:28

Ɩtaasɔɔndɩ mbá pakʋʋ tomnaɣ nɛ paapɩzɩɣ pakʋ kalɩzaɣ yɔ. Ɛlɛ́, ɩsɔɔndɩ Ɛsɔ, mbʋ́ pʋyɔɔ yɔ, ɛpɩzɩɣ ɛkʋ ɛyʋ nɛ ɛtɛ ɛɖʋ e-tomnaɣ nɛ ɛ-kalɩzaɣ ɖenɖe kʋñɔŋ maatɛŋ wɛɛ yɔ.

Maatiyee 26:34

Ɛlɛ́, Yesu heyi-i se: «Toovenim lɛ, meheyiɣ-ŋ se ɖoó anɛ a-taa maɣmaɣ, pʋcɔ kalɩmɔʋ koo lɛ, ŋkpɛzɩɣ tam naadozo se ŋtasɩm-m.»

Maatiyee 26:73

Pɩkɛdaa lɛ, mbá pɛwɛ peeɖe yɔ, potuzi pa-tɩ nɛ pɔñɔtɩnɩ-ɩ nɛ peheyi-i se: «Toovenim, ŋkɛ pa-taa lɛlʋ: ñɔ-yɔɔdaɣ wɩlɩɣnɩ ḿbʋ́.»

Maatiyee 26:75

Ɛlɛ́, Pɩyɛ tɔzɩ tɔm ndʋ́ Yesu keheyi-i se: «Pʋcɔ kalɩmɔʋ koo lɛ, ŋkpɛzɩɣ tam naadozo se ŋtasɩm-m» yɔ tɩ-yɔɔ. Peeɖe ɛkʋyaa ɛlɩɩ nɛ ewili ɛzɩ pɛcɛbɩ e-liu tɛɛ yɔ.

Maatiyee 27:25

Ɛlɛ́, ɛyáa samaɣ tɔ se: «Ɛ-sɩm sʋʋtʋ ɛpɩsɩ ɖa nɛ ɖe-piya ɖɔ-yɔɔ!»

Maarkɩ 14:30

Yesu heyi-i se: «Toovenim lɛ, meheyiɣ-ŋ se ɖoó anɛ a-taa maɣmaɣ, pʋcɔ kalɩmɔʋ koo nɛ kɩlɛlɩ lɛ, ŋkpɛzɩɣ tam naadozo se ŋtasɩm-m.»

Maarkɩ 14:68

Peeɖe Pɩyɛ kpɛzaa se: «Mantana, maanɩɣ ndʋ́ ŋcaɣ yɔɔdʋʋ yɔ.» Pʋwayɩ lɛ, ɛlɩɩ ewolo kɩjaŋ taa. Ɛlɛ́, kalɩmɔʋ nakʋyʋ koo.

Luka 22:60

Ɛlɛ́, Pɩyɛ cosi-i se: «Abalʋ ña! Mantasɩ tɔm ndʋ́ ŋcaɣ yɔɔdʋʋ yɔ. Ɛtɩyɔɔdaɣ ḿbʋ́ lɛ, kalɩmɔʋ koo.»

Yohanɛɛsɩ 18:27

Ɛlɛ́, Pɩyɛ tasɩ kpɛzʋʋ. Kpaagbaa ḿbʋ́ lɛ, kalɩmɔʋ nakʋyʋ koo.

Room 9:3

Mbʋ́ pʋyɔɔ yɔ, yee pʋwɛɛ se Ɛsɔ ɛwɩlɩ ma-maɣmaɣ kpalʋʋ nɛ ma nɛ Krɩstʋ ɖɛ-hɛkʋ taa tayɩ nɛ pɩsɩnɩ man-taabalaa Yuda ñɩma yɔ, pɩkɛdɩɣnɩ-m.

1 Kɔrɛntɩ 16:22

Yee nɔɔyʋ ɛtɔsɔɔlɩ Kɩpaɣlʋ yɔ, pʋwɛɛ se Ɛsɔ ɛwɩlɩ pʋdʋ kpalʋʋ! Maraana ta, Kɩpaɣlʋ! Kɔɔ.

Wɩlʋʋ 3:19

Ma lɛ, mɔhɔŋ mbá patɩŋa payɩ mɔnsɔɔlɩ-wɛ yɔ pa-nɩŋgbaaŋ nɛ mansɩɣzɩ-wɛ lɔŋ. Pʋ-yɔɔ lɛ, pakpa pa-tɩ nɛ pɛlɛɣzɩ wɛtʋ.