Maatiyee 26:64 - New Testament

⁶⁴ Yesu cosi-i se: «Ña-tɩ tɩŋa ŋyɔɔdɩnɩ ḿbʋ́. Đɔɖɔ lɛ, mankaɖɩɣ-mɩ se: pɩkpaɣʋnɩ lɛɛlɛɛyɔ yɔ, ɩkɔŋ naʋ Ɛyʋ Pɩyalʋ, ɛcaɣ Ɛsɔ Đoŋ Tɩŋa Tʋ cɔlɔ lone kɩbanɖɛ taa. Ɩkɔŋ-ɩ naʋ ɖɔɖɔ ɛsɔmɩndʋ yɔɔ, ɛɖɔŋ kɔm.»

Maatiyee 26:64 ပူးပေါင်းရင်းမြစ်များ

Maarkɩ 14:62

Yesu cosi-i se: «Ɛɛɛ! Đɔɖɔ lɛ, mɩtɩŋa payɩ ɩkɔŋ naʋ Ɛyʋ Pɩyalʋ, ɛcaɣ Ɛsɔ Đoŋ Tɩŋa Tʋ cɔlɔ lone kɩbanɖɛ taa. Ɩkɔŋ-ɩ naʋ ɖɔɖɔ ɛsɔmɩndʋ yɔɔ, ɛɖɔŋ kɔm.»

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Wɩlʋʋ 1:7

Ɩcɔnɩ ɩna, ɛkɔŋ naɣ yɔ ɛsɔmɩndʋ yɔɔ! Ɛyáa tɩŋa kɔŋ-ɩ naʋ, halɩ pɩkpɛndɩnɩ mbá paasɔbɩ ɛ-hʋyʋʋ taa kɩkpɛzɩŋ yɔ. Ajɛya kpeekpe taa ɛyáa kɔŋ wiu ɛ-yɔɔ. Toovenim, pʋkɔŋ labʋ ḿbʋ́! Pɩla ḿbʋ́!

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Luka 21:27

Peeɖe panaɣ Ɛyʋ Pɩyalʋ nɛ e-ɖoŋ sɔsɔŋ nɛ e-koboyaɣ ɛsɔmɩnʋʋ nakʋyʋ yɔɔ, ɛɖɔŋ kɔm.

Maatiyee 24:30

Peeɖe pɩwɩlɩɣ Ɛyʋ Pɩyalʋ kawɩlɩsɩ ɛsɔdaa nɛ ajɛya kpeekpe ɛyáa pazɩ tɩmʋʋ nɛ pana Ɛyʋ Pɩyalʋ nɛ e-ɖoŋ sɔsɔŋ nɛ e-koboyaɣ ɛsɔmɩndʋ yɔɔ, ɛɖɔŋ kɔm.

Maatiyee 26:25

Peeɖe Yudaasɩ weyi ɛɖʋzʋʋ-ɩ koyindinaa nesi taa yɔ, ɛpɔzɩ-ɩ se: «Wɩlɩyʋ! Ma na?» Ɛlɛ́, Yesu cosi-i se: «Ñɔyɔɔdʋʋnɩ ḿbʋ́.»

Maatiyee 25:31

Yesu tasɩ-wɛ heyuu se: «Puwiye nɖɩ́ Ɛyʋ Pɩyalʋ nɛ Ɛsɔ tiyiyaa tɩŋa pɛkpɛndɩɣnɩ e-koboyaɣ nɛ pɔkɔɔ yɔ, ɛcakɩ e-kewiyaɣ kpelaɣ yɔɔ.

Maatiyee 16:27

Ɛyʋ Pɩyalʋ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ nɛ ɛhɛyɩ paa weyi mbʋ́ ɛlaba yɔ pʋ-yɔɔ.

Wɩlʋʋ 20:11

Pʋwayɩ lɛ, mana kewiyaɣ kpelaɣ sɔsɔɔ kʋhʋlʋmaɣ nakɛyɛ nɛ weyi ɛcaɣ kɔ-yɔɔ yɔ. Ɛsɔdaa nɛ tɛtʋ pese ɛ-ɛsɩndaa, patatasɩ-wɛ naʋ.

1 Tesalooniki 4:16

Kɩyakʋ ŋ́gʋ́, pɔkɔŋ panɩɩ nɔɔ haʋ kubuka nɛ Ɛsɔ tiyiyu sɔsɔ nɔɔyʋ ñɩŋga nɛ Ɛsɔ ɛgandɩyɛ lɛ, Kɩpaɣlʋ maɣmaɣ lɩɣnɩ ɛsɔdaa nɛ etii. Peeɖe mbá paawɛnɩ lidaʋ Krɩstʋ yɔɔ nɛ pʋcɔ pasɩ yɔ, pɛlɛyɩɣ fem.

Tʋma Labʋ 1:11

nɛ pɔpɔzʋʋ-wɛ se: «Galilee ñɩma mɩ! Pɩlabɩ ɛzɩma nɛ ɩwɛɛ ɩcɔŋnɩ ɛsɔdaa ḿbʋ́? Yesu ɛnʋ, ɛzɩma mbʋ́ pɩlɩzɩ-ɩ mɩ-hɛkʋ taa nɛ pɩkpazɩ-ɩ ɛsɔdaa nɛ ɩna yɔ, ḿbʋ́ ɖɔɖɔ ɛkɔŋ pɩsʋʋ ɛkɔɔ mɩ-hɛkʋ taa.»

Yohanɛɛsɩ 18:37

Pilaatɩ tasɩ-ɩ pɔzʋʋ se: «Yee ḿbʋ́ ŋkɛ wiyaʋ sɔsɔ na?» Ecosi-i se: «Ñɔyɔɔdʋʋnɩ ḿbʋ́. Ma lɛ, mɔnkɔm kedeŋa yɔɔ nɛ palʋlɩ-m se malɩzɩ aseɣɖe toovenim yɔɔ. Weyi ɛsɔɔlɩ toovenim yɔ, ewelesiɣni-m.»

Luka 22:70

Peeɖe pɔpɔzɩ-ɩ patɩŋa se: «Yee ḿbʋ́ ŋkɛ Ɛsɔ Pɩyalʋ?» Ecosi-wɛ se: «Ɩyɔɔdɩ camɩyɛ, ma lɛ ɛnʋ.»

Maatiyee 27:11

Powoni Yesu Room wiyaʋ Pilaatɩ cɔlɔ lɛ, ɛpɔzɩ-ɩ se: «Ña lɛ Yuda ñɩma wiyaʋ sɔsɔ naa we?» Yesu cosi-i se: «Ñɔyɔɔdʋʋnɩ ḿbʋ́.»

Room 14:10

Ɛlɛ́, pɩlabɩ ɛzɩma nɛ ña ñɛkpɛzɩɣnɩ ña-taabalʋ? Ña yɔ, pɩlabɩ ɛzɩma nɛ ñɛpɛŋɩɣ ña-taabalʋ tɛtɛ? Đatɩŋa payɩ ɖɩkaɣ wobu Ɛsɔ ɛsɩndaa nɛ ɛhʋʋnɩ-ɖʋ tɔm.

Maatiyee 8:20

Yesu cosi-i se: «Kpayaa ñɛwɛnɩ pɔŋ nɛ sumasɩ ñɛwɛnɩ ɖandʋ. Ɛlɛ́, Ɛyʋ Pɩyalʋ ma mɛnfɛyɩnɩ ñʋʋ ɖɩɖʋyɛ.»

Maatiyee 16:28

Toovenim lɛ, meheyiɣ-mɩ se: mbá pɛwɛ cɩnɛ yɔ, pa-taa lɛlaa naɣ Ɛyʋ Pɩyalʋ ma alɩwaatʋ ndʋ́ mɔnkɔŋ mɔntɔɔ kewiyaɣ yɔ nɛ pʋcɔ pasɩ.»

Maatiyee 22:44

Daaviidi tɔm se: ‹Kɩpaɣlʋ Ɛsɔ heyi man-Kɩpaɣlʋ se: caɣ mɔn-cɔlɔ lone kɩbanɖɛ taa nɛ pʋkɔɔ pɩsɩɩnɩ alɩwaatʋ ndʋ́ moluzi ño-koyindinaa ñɛ-tɛɛ kpem yɔ.›

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Luka 22:69

Ɛlɛ́, pɩkpaɣʋnɩ lɛɛlɛɛyɔ yɔ, Ɛyʋ Pɩyalʋ cakɩ lone kɩbanɖɛ taa Ɛsɔ Đoŋ Tɩŋa Tʋ cɔlɔ.»