Maatiyee 26:56 - New Testament

⁵⁶ Ɛlɛ́, pɩtɩŋa pɩlabɩ ḿbʋ́ se tɔm ndʋ́ náyaa ma Ɛsɔtɔm Takayaɣ taa yɔ, tɩla.» Peeɖe ɛ-tɔmkpɛlɩkɩyaa tɩŋa payɩ mɩzɩ ɖama nɛ peyebi-i.

Maatiyee 26:56 ပူးပေါင်းရင်းမြစ်များ

Maatiyee 21:42

Peeɖe ɛpɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ kaʋ yaa we? Ńdʋ́ lɛ se: ‹Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ atɩŋa payɩ lɛɛlɛɛyɔ. Kɩpaɣlʋ labɩna ḿbʋ́. Asaaa! Pʋwɛ ɖeu kpem!›

Maatiyee 26:24

Ɛyʋ Pɩyalʋ kɔŋ kʋyʋʋ kedeŋa yɔɔ cɩnɛ ɛzɩ pamaʋ ɛ-tɔm Ɛsɔtɔm Takayaɣ taa yɔ. Ɛlɛ́, pʋtɔɔ weyi ɛɖʋzʋʋ-ɩ koyindinaa nesi taa yɔ! Yee pataalʋlɩ pʋdʋ yɔ, pɩɩkɩlɩ-ɩ sɛʋ.»

Maatiyee 26:31

Yesu nɛ ɛ-tɔmkpɛlɩkɩyaa pakpa peeɖe lɛ, eheyi-wɛ se: «Iseɣ mɩtɩŋa payɩ nɛ iyebi-m ɖoó anɛ a-taa maɣmaɣ. Mbʋ́ pʋyɔɔ yɔ, Ɛsɔ yɔɔdaa nɛ pama ɛ-Tɔm Takayaɣ taa se: ‹Mamakɩ ninɖiɣyu sɩbʋ yɔɔ sɩbʋ yɔɔ, nɛ piyele heŋ mɩzɩ ɖama.›

Maatiyee 26:54

Ŋgʋ́, yee malabɩ ḿbʋ́, ɛzɩma tɔm ndʋ́ pama Ɛsɔtɔm Takayaɣ taa yɔ, tɩpɩzɩɣ tɩla? Pamawa se pʋwɛɛ se tɩla ḿbʋ́.»

Yohanɛɛsɩ 16:32

Tɔ! Alɩwaatʋ natʋyʋ kɔŋ, halɩ tɩtɛm talʋʋ. Tɩ-taa ɩmɩzɩɣ ɖama nɛ paa weyi ekpe ɛ-tɛ nɛ iyele men-ɖeke. Paa ḿbʋ́ yɔ, piiyeki men-ɖeke koŋ, Caa wɛɣ mɔn-cɔlɔ.

Tʋma Labʋ 1:16

«Taabalaa! Pɩɩwɛɛ se Yudaasɩ weyi ɛwɩlɩ koyindinaa nɛ pakpa Yesu yɔ ɛ-tɔm ndʋ́ Fezuu Kiɖeɖeu tɩŋnɩ Daaviidi yɔɔ nɛ ɛyɔɔdɩ yɔ, tɩla.

Tʋma Labʋ 2:23

Ɛnʋ paɖʋzɩ mi-nesi taa ɛzɩ Ɛsɔ kamaɣzʋʋ nɛ ɛɖʋ ɖooo lɔŋ yɔ nɛ ɩtɩŋnɩ mbá paaɖɔŋ paɣtʋ yɔɔ nɛ pakam-ɩ kaamaŋkaɣ yɔɔ yɔ pɔ-yɔɔ nɛ ɩkʋ-ɩ nɛ ɛsɩ.

2 Timootee 4:16

Nɔɔyʋ taawɛɛ mɔn-cɔlɔ alɩwaatʋ ndʋ́ mancalɩ hʋʋ mɔn-tɔm yɔ, pese patɩŋa payɩ peyebi-m. Kɩpaɣlʋ ɛtaakpaɣ-tʋ ɛlabɩnɩ tʋmɩyɛ.