Maatiyee 26:35 - New Testament

³⁵ Ɛlɛ́, Pɩyɛ heyi-i se: «Paa sɩm yɔ, ma nɛ ŋ ɖɩsɩ, maakpɛzɩɣ kaʋ se mantasɩm-ŋ.» Ɛ-tɔmkpɛlɩkɩyaa lɛlaa yɔɔdɩ patɩŋa ḿbʋ́ ɖɔɖɔ.

Maatiyee 26:35 ပူးပေါင်းရင်းမြစ်များ

Maatiyee 10:33

Ɛlɛ́, weyi ɛkpɛzɩɣ ɛyáa ɛsɩndaa se pɩtɛkɛ mantɩnɩ-ɩ yɔ, mɛnkpɛzɩɣ man-Caa weyi ɛwɛ ɛsɔdaa yɔ ɛ-ɛsɩndaa ɖɔɖɔ se pɩtɛkɛ mantɩnɩ-ɩ.»

Yohanɛɛsɩ 13:37

Peeɖe Pɩyɛ pɔzɩ-ɩ se: «Kɩpaɣlʋ! Pɩlabɩ ɛzɩma nɛ maapɩzɩɣ mantɩŋ-ŋ lɛɛlɛɛyɔ? Paa sɩm yɔ, mansɩkɩ ñɔ-yɔɔ!»

Room 11:20

Pɩkɛ toovenim. Pɛsɛtɩ-sɩ, mbʋ́ pʋyɔɔ yɔ, ńzɩ́ lɛ lidaʋ fɛyɩwaa nɛ ña ñɛwɛɛ lone nɖɩ́ pɔsɔ-ŋ ɖɩ-taa yɔ ñe-lidaʋ wɛnaʋ yɔɔ. Taakpazɩ ña-tɩ, ɛlɛ́, sɔɔndʋ ɛkpa-ŋ.

1 Kɔrɛntɩ 10:12

Pʋ-yɔɔ lɛ, weyi ɛmaɣzɩɣ se ɛsɩŋ ɛ-nasɩ taa yɔ, ɛkpa ɛ-tɩ nɛ ɛtaakɔɔ ɛtɔlɩ.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

1 Pɩyɛ 1:17

Alɩwaatʋ ndʋ́ ɩsɛɣ Ɛsɔ yɔ, ɩyaɣ-ɩ se Caa. Pʋ-yɔɔ lɛ, pʋwɛɛ se ɩñam-ɩ mbʋ́ pɩtɩŋa payɩ ɩlakɩ yɔ pɩ-taa mi-wezuu caɣʋ taa kedeŋa yɔɔ cɩnɛ. Mbʋ́ pʋyɔɔ yɔ, mɩ-Caa Ɛsɔ hʋʋnɩ ɛyáa tɩŋa payɩ mbʋ́ palaba yɔ pʋ-yɔɔ. Ɛɛcɔŋnɩ nɔɔyʋ ɛsɩndaa nɛ pʋcɔ ɛhʋʋnɩ-ɩ.