Maatiyee 26:29 - New Testament

²⁹ Mankaɖɩɣ-mɩ se pɩkpaɣʋnɩ lɛɛlɛɛyɔ yɔ, maatasɩɣ sʋlʋm pʋnɛ ñɔʋ nɛ pʋkɔɔ pɩsɩɩnɩ kɩyakʋ ŋgʋ́ ma nɛ mɩ ɖɩñɔ sʋlʋm kɩfam man-Caa Ɛsɔ Kewiyaɣ taa yɔ.»

Maatiyee 26:29 ပူးပေါင်းရင်းမြစ်များ

Maatiyee 13:43

Ɛlɛ́, mbá paba tʋʋzaa yɔ, pɔkɔŋ ñɩlɩsʋʋ pa-Caa Ɛsɔ Kewiyaɣ taa ɛzɩ wɩsɩ yɔ. Weyi ɛwɛnɩ nɩŋgbaaŋ lɛ, ɛnɩɩ!»

Maatiyee 16:28

Toovenim lɛ, meheyiɣ-mɩ se: mbá pɛwɛ cɩnɛ yɔ, pa-taa lɛlaa naɣ Ɛyʋ Pɩyalʋ ma alɩwaatʋ ndʋ́ mɔnkɔŋ mɔntɔɔ kewiyaɣ yɔ nɛ pʋcɔ pasɩ.»

Maatiyee 18:20

Mbʋ́ pʋyɔɔ yɔ, ɖenɖe ɛyáa naalɛ yaa naadozo kpeɣliɣ ma-hɩɖɛ yɔɔ se pɛsɛɣ Ɛsɔ yɔ, mɛwɛɣ pɔ-cɔlɔ.»

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Maatiyee 26:28

Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Maatiyee 26:30

Ɛtɛm-wɛ heyuu ḿbʋ́ lɛ, petee kazandʋ hendu nɛ pɛɖɛɛ pakpa Somiŋ Pʋʋ yɔɔ.

Maatiyee 28:20

Ɩkpɛlɩkɩ-wɛ nɛ pɔɖɔ mbʋ́ pɩtɩŋa payɩ maaɖʋ-mɩ yɔ pʋ-yɔɔ. Ɩtɩlɩ se mɛwɛɣ mɩ-cɔlɔ kɩyakɩŋ tɩŋa nɛ pʋkɔɔ pɩsɩɩnɩ kedeŋa tɛm wiye.»

Maarkɩ 14:25

Yesu tasɩ-wɛ heyuu se: «Toovenim lɛ, meheyiɣ-mɩ se maatasɩɣ sʋlʋm ñɔʋ nɛ pʋkɔɔ pɩsɩɩnɩ kɩyakʋ ŋgʋ́ mɔñɔ kɩfam Ɛsɔ Kewiyaɣ taa yɔ.»

Luka 12:32

Yesu tasɩ ɛ-tɔmkpɛlɩkɩyaa heyuu se: «Mbá mɩ ɩtɔɖɔɔ yɔ, ɩtaasɔɔndɩ. Mbʋ́ pʋyɔɔ yɔ, mɩ-Caa sɔɔlaa se ɩsʋʋ e-Kewiyaɣ taa.

Luka 15:32

Ɛlɛ́, pʋmʋnaa se ɖɩla kazandʋ nɛ laŋhʋlʋmɩyɛ. Mbʋ́ pʋyɔɔ yɔ, pʋwɛ ɛzɩ ñe-neu kasɩba nɛ efe yɔ, eeleba nɛ manɖaɣnɩ-ɩ naʋ.› »

Yohanɛɛsɩ 15:11

Meheyi-mɩ ḿbʋ́ se mɩ-taa ɛhʋlʋmɩ ɛzɩ ma yɔ nɛ mɩ-taa tɛzɩ hʋlʋmʋʋ.

Yohanɛɛsɩ 16:22

Mɩ ɖɔɖɔ lɛ, mɩ-laŋa wɛɛkɩ lɛɛlɛɛyɔ. Ɛlɛ́, mankaɣ-mɩ tasʋʋ naʋ nɛ ahʋlʋmɩ, nɔɔyʋ ɛɛpɩzɩɣ ɛwɛɛkɩ-yɛ ɖɔɖɔ kaʋ.

Yohanɛɛsɩ 17:13

Ɛlɛ́, lɛɛlɛɛyɔ mɔnkɔŋ ñɔ-cɔlɔ. Mɛwɛ kedeŋa yɔɔ yɔɔ mɔyɔɔdʋʋ ḿbʋ́ se pa-taa ɛtɛzɩ hʋlʋmʋʋ ɛzɩ ma yɔ.

Tʋma Labʋ 10:41

nɛ ɛwɩlɩ mbá Ɛsɔ ɛnʋ ɛɛlɩzaa se pɛkɛ pɩ-aseɣɖe tɩnaa yɔ pe-ɖeke koŋ. Efema lɛ, ɖa nɛ ɩ ɖɩtɔɔ nɛ ɖɩñɔɔ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Wɩlʋʋ 14:3

Ɛyáa ḿbá, peteɣ hendu kɩfatʋ kewiyaɣ kpelaɣ nɛ kpɩna ana a-naanza nɛ sɔsaa pɛ-ɛsɩndaa. Nɔɔyʋ tapɩzɩɣ se ɛkpɛlɩkɩ-tʋ nɛ pɩtasɩnɩ-wɛ. Pa-ñʋʋ paayabɩnɩ tataa.

Wɩlʋʋ 7:17

Mbʋ́ pʋyɔɔ yɔ, Heɣa ŋgá kɛwɛ kewiyaɣ kpelaɣ hɛkʋ taa yɔ, keɖiyiɣ-wɛ nɛ kowoni-wɛ wezuu lɩm hiɖe cɔlɔ nɛ Ɛsɔ hɛzɩ pɛ-ɛsɩtɛɣlɩm tɩŋa.»