Maatiyee 26:28 - New Testament

²⁸ Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Maatiyee 26:28 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 26:27

Pʋwayɩ lɛ, ɛkpaɣ sʋlʋm nɛ caɖaɣ nɛ ɛsɛɛ pʋ-yɔɔ Ɛsɔ nɛ ɛcɛlɩ-wɛ nɛ ɛtɔ se: «Ɩmʋ nɛ ɩñɔɔ mɩtɩŋa payɩ.

Maatiyee 26:29

Mankaɖɩɣ-mɩ se pɩkpaɣʋnɩ lɛɛlɛɛyɔ yɔ, maatasɩɣ sʋlʋm pʋnɛ ñɔʋ nɛ pʋkɔɔ pɩsɩɩnɩ kɩyakʋ ŋgʋ́ ma nɛ mɩ ɖɩñɔ sʋlʋm kɩfam man-Caa Ɛsɔ Kewiyaɣ taa yɔ.»

Maatiyee 6:12

Kpeɣ-ɖʋ ɖa-kɩwɛɛkɩm ɛzɩ ɖikpeɣu ɖɔɖɔ mbá payʋsɩnɩ-ɖʋ yɔ.

Maarkɩ 1:4

Ḿbʋ́ Yohanɛɛsɩ kɔm ɛwɛɛ lakʋ taa nɛ ɛyáa woki ɛ-cɔlɔ nɛ esusuu-wɛ se pɛlɛɣzɩ wɛtʋ nɛ ɛlabɩ-wɛ lɩm sɔʋ sɔnzɩ nɛ Ɛsɔ kpeɣ-wɛ pa-kɩwɛɛkɩm.

Maarkɩ 14:24

Ɛlɛ́, eheyi-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩ ɛyáa sakɩyɛ yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ.»

Luka 22:19

Pʋwayɩ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ se: «Pʋnɛ lɛ mon-tomnaɣ [ŋgá paha mɩ-yɔɔ yɔ. Ɩmʋ ɩtɔɔ nɛ ɩtɔzʋʋnɩ mɔ-yɔɔ.»

Luka 22:20

Pɛtɛm tɔɔʋ lɛ, ɛkpaɣ ɖɔɖɔ sʋlʋm nɛ caɖaɣ nɛ ɛcɛlɩ-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩɣ mɩ-yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ kɩfam.»]

Room 5:15

Ɛlɛ́, kɩwɛɛkɩm ḿbʋ́, paatɩɩkpakɩɣ-pʋ se pɛkɛdɩɣnɩ mbʋ́ Ɛsɔ ha-ɖʋ falaa yɔ. Mbʋ́ pʋyɔɔ yɔ, yee pɩtɩŋnɩ ɛyʋ kʋɖʋm koŋ kɩwɛɛkɩm yɔɔ nɛ sakɩyɛ sɩkɩ lɛ, ɛzɩma Ɛsɔ lootiye nɛ kʋjɔʋ ŋgʋ́ ɛtɩŋnɩ ɛyʋ kʋɖʋm koŋ yɔɔ nɛ ɛlabɩ-ɖʋ falaa yɔ, paapɩzɩɣ pɛwɛɛ ɛyáa sakɩyɛ cɔlɔ siŋŋ yɔ? Ɛyʋ ɛnʋ lɛ Yesu Krɩstʋ.

Room 5:19

Toovenim lɛ, ɛzɩma mbʋ́ pɩtɩŋnɩ ɛyʋ kʋɖʋm koŋ kaañamtʋ yɔɔ nɛ ɛyáa sakɩyɛ pɩsɩ kɩwɛɛkɩm laɖaa yɔ, ḿbʋ́ ɖɔɖɔ pɩtɩŋɩɣnɩ ɛyʋ kʋɖʋm koŋ ñamtʋ yɔɔ nɛ Ɛsɔ pɩsɩ ɛyáa sakɩyɛ kʋtʋʋzaa.

1 Kɔrɛntɩ 11:25

Ḿbʋ́ ɖɔɖɔ pɛtɛm tɔɔnaɣ tɔɔʋ lɛ, ɛkpaɣ sʋlʋm nɛ caɖaɣ nɛ ɛtɔ se: «Sʋlʋm caɖaɣ kanɛ lɛ nɔɔ haʋ kɩfam mbʋ́ pɩtɩŋnɩ man-calɩm yɔɔ nɛ pʋwɛɛ yɔ. Alɩwaatʋ ndʋ́ tɩtɩŋa payɩ ɩñɔʋ-pʋ yɔ, ɩla ḿbʋ́ nɛ ɩtɔzʋʋnɩ mɔ-yɔɔ.»

Efɛɛzɩ 1:7

Đa nɛ ɩ ɖɛ-kpɛndʋʋ taa Ɛsɔ tɩŋnɩ ɛ-calɩm yɔɔ nɛ eholi-ɖʋ kɩdɛkɛdɩm nesi taa nɛ ekpeɣ-ɖʋ ɖa-kɩwɛɛkɩm. Ḿbʋ́ wɩlɩɣna se e-lootiye fɛyɩ ɖaɣʋ.

Koloosi 1:14

Ɛ́lɛ́ holini-ɖʋ nɛ ɖa-kɩwɛɛkɩm taa nɛ ekpeɣ-ɖʋ-pʋ.

Koloosi 1:20

Ɛ-yɔɔ ɖɔɖɔ Ɛsɔ tɩŋnaa nɛ eyele se ɛ nɛ mbʋ́ pɩtɩŋa pʋwɛ tataa nɛ ɛsɔdaa yɔ, peceɣ. Calɩm mbʋ́ ɛ-Pɩyalʋ ɛnʋ ɛkpɛdɩ kaamaŋkaɣ yɔɔ yɔ, pʋ-yɔɔ ɛtɩŋnaa nɛ ɛla ḿbʋ́ nɛ ɛkɔnɩ laŋhɛzɩyɛ.

Ebree 10:29

Yee pʋwɛ ḿbʋ́ lɛ, weyi ɛyakɩ Ɛsɔ Pɩyalʋ naŋgbaŋaɣ nɛ ɛtʋʋ-ɩ yɔ, ɛbɛ pɩtɛŋnɩ-ɩ? Ɛtakpaɣ nɔɔ haʋ calɩm nɛ ɛ́yáa pʋyʋ. Ŋgʋ́, ḿbʋ́ pɩsɩnɩ-ɩ cɩɖɩcɩɖɩ tʋ. Ɛtʋ ɖɔɖɔ Fezuu Kiɖeɖeu ŋgʋ́ kɩlakɩ-ɖʋ lootiye yɔ.

Ebree 13:20

Ɛsɔ lɛ laŋhɛzɩyɛ tʋ. Mentendiɣ-i se ɛtɩŋnɩ calɩm mbʋ́ ɖa-Kɩpaɣlʋ Yesu kpɛdaa nɛ piyele nɔɔ haʋ wɛɛ tam yɔ pʋ-yɔɔ nɛ efezi-i nɛ sɩɖaa taa. Yesu ɛnʋ lɛ heŋ ɖiyiyu sɔsɔ.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

Wɩlʋʋ 7:14

Ɛlɛ́, moncosi-i se: «Đajaa! Ñasɩmna.» Peeɖe eheyi-m se: «Ḿbá tɔɔnɩ kʋñɔŋ sɔsɔʋ. Pɔcɔtɩ po-tokonaa kitibaa waa waa nɛ pahʋlɩsɩ-wɛ Heɣa calɩm taa.

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa