Maatiyee 26:14 - New Testament

¹⁴ Pʋwayɩ lɛ, Yesu tɔmkpɛlɩkɩyaa hiu nɛ naalɛ taa weyi payaɣ se Yudaasɩ Iskarɩyɔɔtɩ yɔ, ewolo ɛna Yuda ñɩma cɔjɔnaa sɔsaa

Maatiyee 26:14 ပူးပေါင်းရင်းမြစ်များ

Maatiyee 10:4

nɛ Siimɔɔ weyi payaɣ se Yɔɔ Kandɩyʋ yɔ nɛ Yudaasɩ Iskarɩyɔɔtɩ weyi ekitaa ɛkpa Yesu nɛ ɛ́ɖʋzɩ koyindinaa nesi taa yɔ.

Maatiyee 26:25

Peeɖe Yudaasɩ weyi ɛɖʋzʋʋ-ɩ koyindinaa nesi taa yɔ, ɛpɔzɩ-ɩ se: «Wɩlɩyʋ! Ma na?» Ɛlɛ́, Yesu cosi-i se: «Ñɔyɔɔdʋʋnɩ ḿbʋ́.»

Maatiyee 26:47

Yesu yɔɔdaɣ ḿbʋ́ lɛ, ɛ-tɔmkpɛlɩkɩyaa hiu nɛ naalɛ taa lɛlʋ weyi payaɣ-ɩ se Yudaasɩ yɔ nɛ ɛyáa samaɣ nakɛyɛ patalɩ. Pɔɖɔkɩ sɛsɩ kɩɖaɣlɩsɩ nɛ pɔla. Cɔjɔnaa sɔsaa nɛ Yuda ñɩma sɔsaa petiyini-wɛ.

Maatiyee 27:3

Yudaasɩ weyi ɛɖʋzɩ Yesu koyindinaa nesi taa yɔ, ɛnawa se pakʋʋ Yesu lɛ, ɛpazɩ kpiɖuu nɛ ɛkpaɣ liidiye pɔɔyɩsɩ niidozo nzɩ́ paahɛyɩ-ɩ yɔ se ɛpɩsɩɣna ɛcɛlɩ cɔjɔnaa sɔsaa nɛ pɛ-ŋgbɛyɛ taa sɔsaa.

Yohanɛɛsɩ 12:4

Peeɖe Yesu tɔmkpɛlɩkɩyaa taa lɛlʋ weyi payaɣ se Yudaasɩ Iskarɩyɔɔtɩ nɛ ɛkɔŋ-ɩ ɖʋzʋʋ koyindinaa nesi taa yɔ, ɛtɔm se:

Yohanɛɛsɩ 13:2

Đanaɣ ɖanaa lɛ, ɛ nɛ ɛ-tɔmkpɛlɩkɩyaa pɔtɔkɩ tɔɔnaɣ. Naze lɛ, Satanɩ tɛm ɖʋʋ Siimɔɔ Iskarɩyɔɔtɩ pɩyalʋ Yudaasɩ taa se ɛkpa-ɩ nɛ ɛ́ɖʋzɩ koyindinaa nesi taa.

Yohanɛɛsɩ 13:26

Yesu cosi-i se: «Ɛnʋ lɛ weyi malɩzɩɣ tindine hɔɔlaɣ melii num nɛ mɛncɛlɩ-ɩ yɔ.» Peeɖe ɛkpaɣ tindine hɔɔlaɣ elii num nɛ ɛcɛlɩ Siimɔɔ Iskarɩyɔɔtɩ pɩyalʋ Yudaasɩ.

Yohanɛɛsɩ 13:30

Yudaasɩ mʋ tindine hɔɔlaɣ ḿbʋ́ lɛ, ɛtɩkʋyɩ ɛlɩɩ. Alɩwaatʋ ńdʋ́ lɛ, ɖoó koyuwa.

Yohanɛɛsɩ 18:2

Yudaasɩ weyi ɛkɔŋ ɖʋzʋʋ Yesu koyindinaa nesi taa yɔ, ɛsɩm ɖɔɖɔ peeɖe. Mbʋ́ pʋyɔɔ yɔ, Yesu nɛ ɛ-tɔmkpɛlɩkɩyaa powokaɣ peeɖe tam.

Tʋma Labʋ 1:16

«Taabalaa! Pɩɩwɛɛ se Yudaasɩ weyi ɛwɩlɩ koyindinaa nɛ pakpa Yesu yɔ ɛ-tɔm ndʋ́ Fezuu Kiɖeɖeu tɩŋnɩ Daaviidi yɔɔ nɛ ɛyɔɔdɩ yɔ, tɩla.

Tʋma Labʋ 1:18

Pɛhɛyɩ-ɩ liidiye ɛ-ɛzaɣ́tʋ lakasɩ yɔɔ lɛ, ɛkpaɣ-ɖɩ ɛya tɛtʋ. Pʋwayɩ lɛ, ewolo esiɣ ɛ-ñʋʋ yɔɔ tɛtʋ ńdʋ́ tɩ-yɔɔ nɛ e-lotu ya kpiii nɛ tɩmɩzɩ kpɛdɛɛɛ.