Maatiyee 25:4 - New Testament

⁴ Piyele lɔŋsɩnɖaa ñakpaɣ pa-kanɖʋnaa nɛ pɛkpɛndɩnɩ kaɖɩsɩm nɛ powolo.

Maatiyee 25:4 ပူးပေါင်းရင်းမြစ်များ

Maatiyee 10:16

Yesu tasɩ-wɛ heyuu se: «Ɩnɩɩ camɩyɛ se mentiyuu-mɩ yɔ, ɩwɛ ɛzɩ heŋ wɛɣʋ kpemtɔɔyɩsɩ hɛkʋ taa yɔ. Pʋ-yɔɔ lɛ, pʋwɛɛ se ɩwɛɛ lɔŋ ɛzɩ ɖʋmaa yɔ nɛ ɩmʋna ɛzɩ halikukunaa yɔ.

Maatiyee 25:2

Pa-taa lɛ, pɛlaa kagbaanzɩ kɛ kɩmɛlɛmɩŋ nɛ kagbaanzɩ ñɛkɛ lɔŋsɩnɖaa.

Maatiyee 25:3

Kɩmɛlɛmɩŋ ɩnʋ, ɩkpaɣ ɩ-kanɖʋnaa lɛ, ɩtɛcɛ kaɖɩsɩm se pɩtɛm ɩ-kanɖʋnaa taa lɛ, ɩɩɖʋ.

Maatiyee 25:5

Ŋgʋ́, halɩkpaɣyʋ tɔkɔɔ lɔŋ nɛ pɛlaa ḿbá patɩŋa payɩ peliisi nɛ poɖoo.

Maatiyee 7:24

Yesu tɛm-wɛ yɔɔdɩnaʋ lɛ, eheyi-wɛ se: «Weyi ewelesiɣ tɔm tʋnɛ tɩtɩŋa nɛ ɛɖɔŋ tɩ-yɔɔ yɔ, ɛwɛ ɛzɩ lɔŋsɩnɖʋ weyi ɛma ɛ-ɖɩɣa ɛwaɣ yɔɔ yɔ.

Yohanɛɛsɩ 3:34

Weyi Ɛsɔ tiyi-i yɔ, ɛyɔɔdʋʋ Ɛsɔ tɔm. Mbʋ́ pʋyɔɔ yɔ, Ɛsɔ tɛzɩ-ɩ haʋ e-Fezuu Kiɖeɖeu.

Room 8:9

Mɩ lɛ, ɩɩcakɩ wezuu ɛzɩ pɩkɛdɩnaʋ mɩ-maɣmaɣ yɔ, ɩcakɩ-kʋ ɛzɩ pɩkɛdɩnaʋ Fezuu Kiɖeɖeu yɔ. Mbʋ́ pʋyɔɔ yɔ, Fezuu Kiɖeɖeu wɛ mɩ-cɔlɔ. Yee Krɩstʋ Fezuu ɛfɛyɩ nɔɔyʋ cɔlɔ yɔ, ɛtɛkɛ Krɩstʋ tʋ.

2 Kɔrɛntɩ 1:22

Ɛlabɩ ɖɔ-yɔɔ ɖɔɖɔ ɛ-yʋsaɣ nɛ ɛha-ɖʋ e-Fezuu Kiɖeɖeu. Ḿbʋ́ wɩlɩɣna se ɛkɔŋ-ɖʋ haʋ ñɩm lɛɛbʋ mbʋ́ eheyi-ɖʋ se ɛhaɣ-ɖʋ yɔ.

1 Yohanɛɛsɩ 2:20

Mɩ lɛ, Ɛsɔ Ñɩnʋ ha-mɩ e-Fezuu Kiɖeɖeu ɛzɩ papɩyʋʋ ɛyʋ ñʋʋ taa num yɔ nɛ mɩtɩŋa payɩ ɩnaɣ mbʋ́ pɩkɛ toovenim yɔ.

1 Yohanɛɛsɩ 2:27

Mɩ lɛ, Fezuu ŋgʋ́ Yesu Krɩstʋ ha-mɩ ɛzɩ papɩyʋʋ ɛyʋ ñʋʋ taa num yɔ, kɩwɛ mɩ-cɔlɔ. Yee ḿbʋ́ pɩtatasɩ pɔzʋʋ se nɔɔyʋ ɛkpɛlɩkɩ-mɩ, mbʋ́ pʋyɔɔ yɔ, kɩwɩlɩɣ-mɩ pɩtɩŋa payɩ nɛ toovenim, cɛtɩm fɛyɩ pɩ-taa. Pʋ-yɔɔ lɛ, mɩ nɛ Yesu Krɩstʋ mɩ-kpɛndʋʋ ɛwɛɛ ḿbʋ́ ɛzɩ Fezuu Kiɖeɖeu ŋ́gʋ́ kɩwɩlʋʋ-mɩ yɔ.

Yuudi 1:19

Ḿbá ɖɔɖɔ yekina nɛ ɛyáa tayɩɣ ɖama. Mbʋ́ pʋwɛ pa-maɣmaɣ pa-taa yɔ, pi-ɖeke palakɩ. Fezuu Kiɖeɖeu fɛyɩ pɔ-cɔlɔ.