Maatiyee 25:34 - New Testament

³⁴ Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Maatiyee 25:34 ပူးပေါင်းရင်းမြစ်များ

Maatiyee 13:35

Pɩlabɩ ɛzɩ náyʋ maʋ ɛ-takayaɣ taa se: «Mɔnkɔŋ-wɛ yɔɔdɩnaʋ nɛ aduwa taa nɛ monsusi-wɛ tɔm ndʋ́ tɩwɛ mɛsaɣ tɛɛ ɖooo ɛzɩ Ɛsɔ labʋ kedeŋa yɔ.»

Maatiyee 19:29

Mbá peyebi pa-ɖɩsɩ yaa pa-ɖalaa yaa pɔ-kɔɔnaa yaa pa-caanaa yaa po-ɖoonaa yaa pe-piya yaa pa-hayɩm mɔ-yɔɔ yɔ, pɔkɔŋ wɛnaʋ mbʋ́ mbʋ́ paawɛna yɔ tam mɩnʋʋ nɛ pɛtɛ pehiɣ wezuu maatɛŋ.

Maatiyee 20:23

Yesu pɩsɩnɩ-wɛ se: «Toovenim ɩkɔŋ tɔɔʋ kʋñɔŋ ŋgʋ́ mɔntɔkɩ yɔ. Ɛlɛ́, ma-nɩwaŋ yɔɔ nɛ ma-nɩmɩyɛ yɔɔ caɣʋ ñɩndʋ lɛ, pɩtɛkɛ mahaɣnɩ nʋmɔʋ. Mbá man-Caa liu wɛɛ se pacaɣ lona ana a-taa yɔ, ḿbá cakɩna.»

Maatiyee 21:5

«Iheyi Siiyɔɔ ñɩma se: ɩcɔnɩ ɩna, mi-wiyaʋ sɔsɔ kɔŋ! Ɛwɛ hɛɛɛ. Ɛcaɣ kpaŋaɣ nɛ ke-piye, kpaŋaɣ ŋgá kasɩɣlɩ sʋʋtʋ sakɩyɛ yɔ ke-piye.»

Maatiyee 25:21

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, meyekini-ŋ mbʋ́ pʋɖɔwa pɩtɩɩfɛyɩ yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 25:23

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, mɛncɛlɩɣ-ŋ mbʋ́ pʋɖɔwa yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Maatiyee 27:37

Paama kpata nakʋyʋ yɔɔ mbʋ́ pʋ-yɔɔ pakam-ɩ yɔ nɛ paka kaamaŋkaɣ yɔɔ ɛ-ñʋʋ taa. Pamawa se: «Ɛnɛ lɛ Yesu weyi ɛkɛ Yuda ñɩma wiyaʋ sɔsɔ yɔ.»

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 5:19

Weyi eyeki paɣtʋ ńdʋ́ tɩ-taa ndʋ́ tɩwɛ kpaagbaa ñɩɩɩ yɔ se tɩfɛyɩ wazaɣ nɛ ɛwɩlɩ lɛlaa se pataaɖɔ tɩ-yɔɔ ɖɔɖɔ yɔ, ɛkɔŋ kɛʋ tɔyaɣ Ɛsɔ Kewiyaɣ taa. Ɛlɛ́, weyi ɛɖɔŋ tɩtɩŋa payɩ tɩ-yɔɔ nɛ ɛwɩlɩɣ-tʋ lɛlaa ɖɔɖɔ yɔ, pʋdʋ kɔŋ kɛʋ sɔsɔ Ɛsɔ Kewiyaɣ taa.

Maarkɩ 10:17

Yesu tɛm piya yɔɔ wazʋʋ nɛ ɛkpaɣ nʋmɔʋ lɛ, abalʋ nɔɔyʋ kpaɣ seya nɛ ewolo eluŋ ɛ-tɛɛ nɛ ɛpɔzɩ-ɩ se: «Wɩlɩyʋ kɩbanʋ! Ɛbɛ pʋwɛɛ kpem se mala nɛ mehiɣ wezuu maatɛŋ?»

Maarkɩ 10:40

Ɛlɛ́, ma-nɩwaŋ yɔɔ nɛ ma-nɩmɩyɛ yɔɔ caɣʋ ñɩndʋ lɛ, pɩtɛkɛ mahaɣnɩ nʋmɔʋ. Mbá Ɛsɔ liu wɛɛ se pacaɣ lona ana a-taa yɔ, ḿbá cakɩna.»

Luka 11:28

Peeɖe Yesu cosi-i se: «Mbá panɩɣ Ɛsɔtɔm nɛ pɔɖɔŋ tɩ-yɔɔ yɔ, ḿbá manaɣ se pehiɣ pa-tɩ.»

Luka 11:50

Pʋ-yɔɔ lɛ, paɖʋʋ lɛɛlɛɛyɔ ɛyáa mɩ kʋñɔŋ náyaa mbá mɩ-cɔzɔnaa kʋ patɩŋa kpaɣ ɖooo alɩwaatʋ ndʋ́ Ɛsɔ labɩ kedeŋa yɔ pɔ-yɔɔ.

Luka 12:32

Yesu tasɩ ɛ-tɔmkpɛlɩkɩyaa heyuu se: «Mbá mɩ ɩtɔɖɔɔ yɔ, ɩtaasɔɔndɩ. Mbʋ́ pʋyɔɔ yɔ, mɩ-Caa sɔɔlaa se ɩsʋʋ e-Kewiyaɣ taa.

Luka 19:38

Pasaŋaɣ-ɩ se: «Ɛsɔ ɛ́wazɩ wiyaʋ sɔsɔ weyi ɛkɔŋ Kɩpaɣlʋ lone taa yɔ ɛ-yɔɔ! Laŋhɛzɩyɛ ɛwɛɛ ɖooo ɛsɔdaa nɛ pasam-ɩ peeɖe!»

Yohanɛɛsɩ 1:49

Peeɖe Nataanayɛɛlɩ heyi-i se: «Wɩlɩyʋ! Ña lɛ Ɛsɔ Pɩyalʋ. Ña lɛ Izrɛɛlɩ ñɩma wiyaʋ.»

Yohanɛɛsɩ 12:13

Ɛlɛ́, pakpaɣ paatʋ nɛ pakatɩɣ-ɩ nɛ pokou se: «Ozaana! Ɛsɔ ɛ́wazɩ weyi ɛkɔŋ Kɩpaɣlʋ lone taa yɔ ɛ-yɔɔ! Ɛsɔ ɛ́wazɩ Izrɛɛlɩ ñɩma wiyaʋ sɔsɔ yɔɔ!»

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Yohanɛɛsɩ 19:15

Ɛlɛ́, pasʋʋ kubusi mabʋ yɔɔ se: «Kʋ-ɩ! Kʋ-ɩ! Kam-ɩ kaamaŋkaɣ yɔɔ!» Pilaatɩ pɔzɩ-wɛ se: «Pʋwɛɛ se manka mi-wiyaʋ sɔsɔ kaamaŋkaɣ yɔɔ yaa we?» Cɔjɔnaa sɔsaa cosi-i se: «Đɩfɛyɩnɩ wiyaʋ sɔsɔ nɔɔyʋ nɛ pɩtasɩnɩ Room wiyaʋ sɔsɔ.»

Tʋma Labʋ 15:18

Kɩpaɣlʋ weyi ma meyeba nɛ ɛyáa tɩlɩ pʋnɛ pɩtɩŋa payɩ ɖooo lɔŋ yɔ, mɔyɔɔdɩnɩ ḿbʋ́.›

Tʋma Labʋ 3:26

Ḿbʋ́ Ɛsɔ calɩ ɛ-tʋmlaɖʋ Yesu tiyuu mɩ-cɔlɔ se ɛkɔɔ ɛlɩzɩ-mɩ mɩ-kɩwɛɛkɩm taa nɛ pɩwɩlɩ se ɛwazɩ mɩtɩŋa payɩ mɩ-yɔɔ.»

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

1 Kɔrɛntɩ 15:50

Taabalaa, ndʋ́ meheyiɣ-mɩ yɔ lɛ se: ɖo-tomnasɩ nzɩ́ sɩwɛ ɛzʋnɔ yɔ, sɩɩpɩzɩɣ sɩsʋʋ Ɛsɔ Kewiyaɣ taa. Mbʋ́ pʋyɔɔ yɔ, mbʋ́ pɩɖazɩɣ yɔ, pɩɩpɩzɩɣ pɩpɩsɩ mbʋ́ pɩɩɖazɩɣ wiɖiyi kaʋ yɔ.

1 Kɔrɛntɩ 2:9

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Mbʋ́ ɛyʋ tana wiɖiyi kaʋ yaa ɛtanɩɩ yɔ, mbʋ́ ɛyʋ tamaɣzɩ pʋ-yɔɔ wiɖiyi kaʋ yɔ, toovenim lɛ, ḿbʋ́ Ɛsɔ ñɔɔzaa nɛ ɛsɩɩ mbá pɔsɔɔlɩ-ɩ yɔ.»

1 Kɔrɛntɩ 6:9

Ɩtatɩlɩ se kɩdɛkɛdɩm laɖaa ɛɛkaɣ sʋʋ Ɛsɔ Kewiyaɣ taa yaa we? Ɩtaacɛtɩ mɩ-tɩ: acɛyɛ laɖaa yaa sɩɩnaa layaa yaa acɛyɛ laɖaa yaa abalaa mbá pacaɣ ɖama yɔ

Galaatɩ 5:21

nɛ lɛlaa ñɩm yɔɔ ɛsɩyɛ ɖʋʋ nɛ sʋlʋm kpaŋʋʋ nɛ kazandʋ labʋ kadadayaɣ nɛ lakasɩ kɩdɛkɛdɩsɩ lɛɛsɩ ndɩ ndɩ ɖɔɖɔ. Maatɛm-mɩ heyuu nɛ lɛɛlɛɛyɔ mantasɩɣ-mɩ heyuu se: mbá patɩŋa payɩ palakɩ pɩtɛ lakasɩ ńzɩ́ yɔ, pa-taa nɔɔyʋ ɛɛkaɣ sʋʋ Ɛsɔ Kewiyaɣ taa kaʋ.

Efɛɛzɩ 5:5

Mbʋ́ pʋyɔɔ yɔ, ɩtɩlɩ camɩyɛ se paatayɩɣnɩ acɛyɛ laɖʋ nɛ azuluma tʋ yaa liidiye laɣzaɣ tʋ ñɩm mbʋ́ Ɛsɔ ñɔɔzaa nɛ ɛsɩɩ ɛ nɛ Krɩstʋ pe-Kewiyaɣ taa yɔ. Liidiye laɣzaɣ tʋ ñɛwɛ ɛzɩ agɔlɩma kpɛyɩyʋ yɔ.

1 Tesalooniki 2:12

Điiyeba pɩlabɩ-mɩ hʋnʋm nɛ ɖɩhɛzɩ mɩ-laŋa nɛ ɖɩka mɩ-ñʋŋ taa se ɩɖɔ ɛzɩ pʋmʋnaʋ Ɛsɔ ɛsɩndaa yɔ. Ɛnʋ yaɣnɩ-mɩ se ɩkɛ e-Kewiyaɣ nɛ e-koboyaɣ pa-taa ñɩma.

2 Timootee 2:12

Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Ebree 1:14

Mbá lɛ Ɛsɔ tiyiyaa yɔ? Ḿbá lɛ feziŋ weyi petiyi-i Ɛsɔ tʋmɩyɛ taa se ɩlabɩ-ɖɩ nɛ pɩsɩnɩ mbá pʋwɛɛ se pehiɣ ñʋʋ yabʋ yɔ.

Ebree 11:16

Toovenim lɛ, pe-liu kɛwɛ ɛjaɖɛ nɖɩ́ ɖɩkɩlɩ ɖeu yɔ. Pʋ-tɔbʋʋ se nɖɩ́ ɖɩwɛ ɛsɔdaa yɔ. Pʋ-yɔɔ fɛyɛ ɛɛkpaɣ Ɛsɔ se payaa-ɩ se pɛ-Ɛsɔ. Đɔɖɔ lɛ, ɛñɔɔzɩ-wɛ tɛtʋ sɔsɔtʋ natʋyʋ.

Ebree 4:3

Mbá ɖa ɖɩwɛnɩ lidaʋ tɩ-yɔɔ yɔ, ɖɩsʋʋ hɛzʋʋ mbʋ́ Ɛsɔ yɔɔdɩ pʋ-tɔm yɔ pɩ-taa. Ɛtɔm se: «Man-pana kpawa nɛ monɖuúu se: ‹Toovenim lɛ, paakɔŋ sʋʋ ɛjaɖɛ nɖɩ́ mɔñɔɔzɩ-wɛ se powolo pɛhɛzɩ yɔ ɖɩ-taa kaʋ.› » Ɛsɔ kɔyɔɔdɩ tɔm ńdʋ́ ḿbʋ́, ŋgʋ́, ɛɛtɛm ɛ-tʋmɩyɛ labʋ ɖooo alɩwaatʋ ndʋ́ ɛɛlaba kedeŋa yɔ.

Ebree 9:26

Yee ḿbʋ́ pɩɩwɛɛ yɔ, ɖooo ɛzɩ palabʋ kedeŋa yɔ, Krɩstʋ kalabɩ kʋñɔŋ tam sakɩyɛ. Toovenim lɛ, lɛɛlɛɛyɔ ɛlɩ kpaagbaa lɩʋ kɛtɛzaɣ alɩwaatʋ tʋnɛ tɩ-taa se ɛha ɛ-tɩ nɛ palaa-ɩ nɛ Ɛsɔ hɛzɩ ɛyáa kɩwɛɛkɩm.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

1 Pɩyɛ 1:9

Mbʋ́ pʋyɔɔ yɔ, Ɛsɔ yakɩ mɩ-ñʋʋ yɔɔ ɩwɛnɩ lidaʋ.

1 Pɩyɛ 3:9

Ɩtaakpa ɖama kɩmɩyɛ. Nɔɔyʋ ɛtʋ-mɩ lɛ, ɩtaatʋʋ-ɩ. Ɛlɛ́, itendi Ɛsɔ se ɛ́wazɩ pʋdʋ yɔɔ. Mbʋ́ pʋyɔɔ yɔ, ɛya-mɩ se ɩla ḿbʋ́ nɛ ɛ́wazɩ mɩ-yɔɔ ɛzɩ ɛɖʋʋ yɔ.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.

Wɩlʋʋ 19:16

Pama e-toko sɔsɔʋ nɛ e-yuye pɔ-yɔɔ hɩɖɛ naɖɩyɛ. Ńɖɩ́ lɛ se: awiya taa Wiyaʋ nɛ kɩpaɣlaa taa Kɩpaɣlʋ.

Wɩlʋʋ 21:7

Weyi ɛwakɩ yɔ, malakɩ-ɩ kʋjɔʋ ŋ́gʋ́. Mɛnkɛɣ ɛ-Ɛsɔ nɛ ɛkɛ man-pɩɣa.

Wɩlʋʋ 5:10

Ŋyeba nɛ pɛkɛ kewiyaɣ taa ñɩma. Ŋyeba nɛ pɛkɛ cɔjɔnaa ɖɛ-Ɛsɔ tʋmɩyɛ taa. Pɔkɔŋ tɔɔʋ kewiyaɣ tataa.»