Maatiyee 24:45 - New Testament

⁴⁵ Yesu tɛm yɔɔdʋʋ ḿbʋ́ lɛ, ɛpɔzɩ ɛ-tɔmkpɛlɩkɩyaa se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

Maatiyee 24:45 ပူးပေါင်းရင်းမြစ်များ

Maatiyee 10:16

Yesu tasɩ-wɛ heyuu se: «Ɩnɩɩ camɩyɛ se mentiyuu-mɩ yɔ, ɩwɛ ɛzɩ heŋ wɛɣʋ kpemtɔɔyɩsɩ hɛkʋ taa yɔ. Pʋ-yɔɔ lɛ, pʋwɛɛ se ɩwɛɛ lɔŋ ɛzɩ ɖʋmaa yɔ nɛ ɩmʋna ɛzɩ halikukunaa yɔ.

Maatiyee 13:52

Peeɖe eheyi-wɛ se: «Pʋ-yɔɔ lɛ, paɣtʋ wɩlɩyʋ weyi ɛpɩsɩ Ɛsɔ Kewiyaɣ taa tʋmlaɖʋ yɔ, ɛwɛ ɛzɩ ñɩm tʋ weyi ɛlɩzɩɣ ɛ-ñɩm taa wondu kɩfatʋ nɛ kɩbɩndʋ yɔ.»

Maatiyee 24:46

Tʋmlaɖʋ weyi ɛ-caa pɩsɩɣ nɛ ɛmaɣnɩ ɛɖɔŋ ɛ-tʋmɩyɛ labʋ yɔ, ehiɣ ɛ-tɩ!

Maatiyee 25:2

Pa-taa lɛ, pɛlaa kagbaanzɩ kɛ kɩmɛlɛmɩŋ nɛ kagbaanzɩ ñɛkɛ lɔŋsɩnɖaa.

Maatiyee 25:21

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, meyekini-ŋ mbʋ́ pʋɖɔwa pɩtɩɩfɛyɩ yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 25:23

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, mɛncɛlɩɣ-ŋ mbʋ́ pʋɖɔwa yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 7:24

Yesu tɛm-wɛ yɔɔdɩnaʋ lɛ, eheyi-wɛ se: «Weyi ewelesiɣ tɔm tʋnɛ tɩtɩŋa nɛ ɛɖɔŋ tɩ-yɔɔ yɔ, ɛwɛ ɛzɩ lɔŋsɩnɖʋ weyi ɛma ɛ-ɖɩɣa ɛwaɣ yɔɔ yɔ.

Luka 19:17

Ɛlɛ́, wiyaʋ heyi-i se: ‹Pʋwɛ ɖeu, ŋkɛ tʋmlaɖʋ kɩbanʋ. Đenɖe ŋlabɩ mbʋ́ pʋpɔzʋʋ yɔ cikpem taa yɔ, ŋtɔkɩ kewiyaɣ tɛtʋ hiu taa.›

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

1 Timootee 1:12

Mansaŋ ɖa-Kɩpaɣlʋ Krɩstʋ Yesu weyi ɛha-m ɖoŋ se malabɩnɩ ɛ-tʋmɩyɛ yɔ. Mansaŋ-ɩ ɛzɩma mbʋ́ ɛnawa se malakɩ mbʋ́ pʋpɔzʋʋ yɔ nɛ ɛlɩzɩ-m se mɛnkɛ ɛ-tʋmlaɖʋ yɔ pʋ-yɔɔ.

2 Timootee 2:2

Tɔm ndʋ́ ŋnɩ mawɩlaɣ ɛyáa sakɩyɛ ɛsɩndaa yɔ, ɖʋzɩ-tʋ mbá ŋtaɣ-wɛ liu yɔ pe-nesi taa nɛ papɩzɩ pawɩlɩ-tʋ ɖɔɖɔ lɛlaa.

Ebree 3:5

Mooyiizi lɛ, ɛɛlaba ɛ-tʋmɩyɛ camɩyɛ Ɛsɔ ɖɩɣa tɩŋa taa ɛzɩ Ɛsɔ tʋmlaɖʋ yɔ se ɛlɩzɩ tɔm ndʋ́ Ɛsɔ kɔŋ yɔɔdʋʋ yɔ tɩ-aseɣɖe.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.