Maatiyee 24:36 - New Testament

³⁶ Yesu tasɩ-wɛ heyuu se: «Nɔɔyʋ ɛɛsɩŋ kɩyakʋ ŋ́gʋ́ yaa alɩwaatʋ ńdʋ́. Paa Ɛsɔ tiyiyaa yaa ɛ-Pɩyalʋ maɣmaɣ. Ɛlɛ́, Caa Ɛsɔ ɖeke sɩmna.

Maatiyee 24:36 ပူးပေါင်းရင်းမြစ်များ

Maatiyee 24:42

Pʋ-yɔɔ lɛ, ɩcaɣnɩ mɩ-ɛsɛ, mbʋ́ pʋyɔɔ yɔ, ɩtatɩlɩ kɩyakʋ ŋgʋ́ mɩ-Kɩpaɣlʋ pɩsɩɣ ɛkɔɔ yɔ.

Maatiyee 24:44

Pʋ-yɔɔ lɛ, mɩ ɖɔɖɔ ɩñɔɔzɩ mɩ-tɩ, mbʋ́ pʋyɔɔ yɔ, Ɛyʋ Pɩyalʋ pɩsɩɣ ɛkɔɔ alɩwaatʋ ndʋ́ ɩtamaɣzɩ yɔ tɩ-yɔɔ.»

Maatiyee 25:13

Ɛlɛ́, Yesu tasɩ-wɛ heyuu se: «Pʋ-yɔɔ lɛ, ɩcaɣnɩ mɩ-ɛsɛ nɛ ɩɖaŋ kpam, mbʋ́ pʋyɔɔ yɔ, ɩtatɩlɩ kɩyakʋ ŋgʋ́ yaa ñɩ́ɣ́yʋ́ʋ ŋgʋ́ kʋ-yɔɔ mɔnkɔŋ yɔ.»

Maarkɩ 13:32

Yesu tasɩ-wɛ heyuu se: «Nɔɔyʋ ɛɛsɩŋ kɩyakʋ ŋ́gʋ́ yaa alɩwaatʋ ńdʋ́. Paa Ɛsɔ tiyiyaa yaa ɛ-Pɩyalʋ maɣmaɣ. Ɛlɛ́, Caa Ɛsɔ ɖeke koŋ sɩmna.

Tʋma Labʋ 1:7

Ecosi-wɛ se: «Pɩtɛkɛ mɩ pʋmʋnaa se ɩtɩlɩ alɩwaatʋ ndʋ́ tɩ-yɔɔ ɖeyi ɖeyi malakɩ ḿbʋ́ yɔ. Caa Ɛsɔ ɖʋnɩ-tʋ nɛ ɛ-maɣmaɣ e-ɖoŋ.

1 Tesalooniki 5:2

Mbʋ́ pʋyɔɔ yɔ, mɩ-maɣmaɣ ɩsɩm ɖeu se kɩyakʋ ŋgʋ́ Kɩpaɣlʋ kɔŋ yɔ, kʋkɔŋ-mɩ tuduu ɛzɩ mɩ́lʋ́ tuduu ɛyáa ɖoó taa yɔ.

2 Pɩyɛ 3:10

Kɩyakʋ ŋgʋ́ Kɩpaɣlʋ kɔŋ yɔ, pʋwɛɣ ɛzɩ mɩ́lʋ́ kɔŋʋʋ yɔ. Puwiye ńɖɩ́ lɛ, pɩyakɩ kɔkɔɖɛ sɔsɔɖɛ naɖɩyɛ siŋŋ nɛ ɛsɔdaa mʋʋ́ʋ. Miŋ ñakɩ mbʋ́ pʋwɛ ɛsɔdaa yɔ. Tɛtʋ nɛ mbʋ́ pɩtɩŋa payɩ pʋwɛ tɩ-yɔɔ yɔ, paatasɩɣ wɛʋ.

Wɩlʋʋ 16:15

Ɛlɛ́, Kɩpaɣlʋ tɔ se: «Ɩna, montuduu-mɩ ɛzɩ mɩ́lʋ́ yɔ. Weyi ɛcakɩnɩ ɛ-ɛsɛ nɛ ɛɖaŋ e-wondu se ɛtaaɖɔ ndaakpeɖe nɛ pana ɛ-fɛyɛ yɔ, ehiɣ ɛ-tɩ!»

Wɩlʋʋ 3:3

Pʋ-yɔɔ lɛ, pɔtɔzɩ tɔm ndʋ́ peheyi-wɛ yɔ nɛ ɛzɩma mbʋ́ petisi-tʋ yɔ pɔ-yɔɔ. Pɔɖɔkɩ-tʋ nɛ pɛlɛɣzɩ wɛtʋ. Yee patacaɣ pɛ-ɛsɛ yɔɔ yɔ, mɔnkɔŋ ɛzɩ mɩ́lʋ́ yɔ nɛ montudi-wɛ, paasɩŋ alɩwaatʋ ndʋ́ tɩ-yɔɔ mɔnkɔŋ yɔ.