Maatiyee 24:24 - New Testament

²⁴ Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Maatiyee 24:24 ပူးပေါင်းရင်းမြစ်များ

Maatiyee 22:14

Yesu tasɩ yɔɔdʋʋ ɖɔɖɔ se: «Paya ɛyáa sakɩyɛ, ɛlɛ́, pazɩ palɩzɩɣ pa-taa.»

Maatiyee 24:11

Ɛyáa sakɩyɛ kɔŋ lɩʋ se pɛkɛ náyaa nɛ peyili ɛyáa sakɩyɛ.

Maatiyee 24:22

Yee Ɛsɔ ɛtaamaɣzɩ nɛ ɛpasɩ kʋñɔŋ kɩyakɩŋ ɩnʋ ɩ-yɔɔ ɛyáa mbá ɛlɩzɩ-wɛ se pɛkɛ ɛ-ñɩma yɔ pɔ-yɔɔ yɔ, nɔɔyʋ taawɛnɩ ɛ-ɛsɛ.

Maatiyee 24:25

Iwelesi camɩyɛ nɛ ɩnɩɩ, meheyi-mɩ se ɩñɔɔzɩ mɩ-tɩ pʋcɔ pʋkɔɔ pɩla ḿbʋ́.

Maatiyee 24:31

Pɔkɔŋ yaʋ ɛgandɩyɛ sɔsɔɖɛ nɛ etiyi e-tiyiyaa kedeŋa kpeekpe yɔɔ nɛ pekpeɣli mbá patɩŋa payɩ Ɛsɔ lɩzaa se pɛkɛ ɛ-ñɩma yɔ.»

Maatiyee 24:5

Mbʋ́ pʋyɔɔ yɔ, ɛyáa sakɩyɛ kɔŋ kʋɖʋm kʋɖʋm mo-lone taa nɛ peyili ɛyáa sakɩyɛ nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ.

Maatiyee 7:15

Yesu tasɩ-wɛ heyuu se: «Ɩɖɔkɩ mɩ-tɩ nɛ mbá pɛcɛtɩɣ se pɛkɛ náyaa yɔ. Pɔkɔŋ mɩ-cɔlɔ lɛ, pɛwɛ ɛzɩ heŋ, naze lɛ, pɛkɛ kpemtɔɔyɩsɩ kañadɩnaa.

Maarkɩ 13:22

Mbʋ́ pʋyɔɔ yɔ, cɛtɩyaa mbá peheyiɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pakaɣ kɔm kʋɖʋm kʋɖʋm nɛ pawɩlɩ kawɩlɩsɩ nɛ pala hama lakasɩ nɛ yee papɩzɩɣ yɔ, pɛcɛtɩ Ɛsɔ ñɩma.

Luka 18:7

Ɩmaɣzɩɣ se Ɛsɔ ñaaɖeziɣ ɛ-ñɩma mbá pamakɩ kubusi nɛ payaɣ-ɩ wɩsɩ nɛ ɖoó yɔ yaa we? Pileɖiɣ nɛ pʋcɔ eɖezi-wɛ yaa we?

Yohanɛɛsɩ 4:48

Peeɖe Yesu pɔzɩ-kɛ se: «Yee ɩtana Ɛsɔ hama lakasɩ nɛ kawɩlɩsɩ, ɩɩpɩzɩɣ ɩwɛnɩ lidaʋ mɔ-yɔɔ kaʋ yaa we?»

Yohanɛɛsɩ 6:37

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Yohanɛɛsɩ 6:39

Ɩɩnaɣ mbʋ́ weyi etiyi-m yɔ e-liu wɛɛ yɔ. Ḿbʋ́ lɛ se: mantaalesi mbá ɛcɛlɩ-m yɔ pa-taa nɔɔyʋ. Ɛlɛ́, menfezi patɩŋa payɩ kɛtɛzaɣ kɩyakʋ wiye nɛ sɩm taa nɛ pɛwɛɛ wezuu.

Tʋma Labʋ 20:16

Pɔɔlɩ kaɖʋwa se ɛɛsɩŋɩɣ Efɛɛzɩ Aazii egeetiye taa, pɩtɛkɛ ḿbʋ́, elesiɣ alɩwaatʋ yem. Ekpedesaɣ se pʋwɛɛ yɔ, ɛtalɩ Yeruusalɛm Fezuu Kiɖeɖeu tibu Kazandʋ wiye.

Room 12:18

Ɩñaɣ pana ɛzɩma mbʋ́ ɩpɩzɩɣ yɔ nɛ mɩ nɛ ɛyáa tɩŋa payɩ pʋwɛɛ leleŋ.

Galaatɩ 4:15

Mɩ-taa kɛwɛ leleŋ pɩtɩɩfɛyɩ alɩwaatʋ ńdʋ́ lɛ, pɩla ɛzɩma lɛɛlɛɛyɔ? Mɩ-tɔm taa lɛ, manpɩzaɣ mɔntɔ se: paa mɩ-ɛsɛ yɔ, ɩpɩzaɣ se ɩhɔɔzɩ-yɛ nɛ ɩcɛlɩ-m.

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

1 Pɩyɛ 1:5

Mbá mɩ ɩwɛnɩ lidaʋ Krɩstʋ yɔɔ yɔ, Ɛsɔ huuzi mɩ-yɔɔ nɛ e-ɖoŋ se ihiɣ ñʋʋ yabʋ. Ɛtɛm ɖaŋʋʋ kpam se ɛwɩlɩ-pʋ ɛyáa kɛtɛzaɣ alɩwaatʋ taa.

2 Pɩyɛ 3:17

Mɛ-ɛgbaɣdɩnaa mɩ lɛ, lɛɛlɛɛyɔ pɛkɛdɩ-mɩ ɛyáa kɩdɛkɛdɩŋ ɩnʋ ɩ-tɔm. Pʋ-yɔɔ lɛ, ɩkpa mɩ-tɩ nɛ wɛ. Pɩtɛkɛ ḿbʋ́ yɔ, pɔkɔŋ pepeɣzi-mɩ nɛ ɩtɩŋ-wɛ. Peeɖe ɩɩtasɩɣ wɛʋ mi-ɖeɖe mi-lidaʋ wɛnaʋ taa.

1 Yohanɛɛsɩ 2:18

Men-piya! Kedeŋa wɩzɩ tɛm! Ɩnɩwa se paa pɩɩla ɛzɩma, Krɩstʋ koyindu kaɣ kɔm. Ɖɔɖɔ lɛ, ɖɩnawa se alɩwaatʋ tʋnɛ tɩ-taa e-koyindinaa sakɩyɛ lɩwa. Ḿbʋ́ ɖɩnanaa se kedeŋa wɩzɩ tɛm.

1 Yohanɛɛsɩ 2:22

Anɩ lɛ cɛtɩyʋ yɔ? Ɛnʋ lɛ weyi ɛkpɛzɩɣ se pɩtɛkɛ Yesu lɛ Weyi Ɛsɔ Lɩzaa yɔ. Pʋdʋ kɛ Krɩstʋ koyindu: ekizi Caa Ɛsɔ nɛ ɛ-Pɩyalʋ pa-naalɛ.

1 Yohanɛɛsɩ 5:18

Đɩnawa se paa Ɛsɔ pɩɣa ŋgá, kaawɛɣ kɩwɛɛkɩm labʋ yɔɔ. Mbʋ́ pʋyɔɔ yɔ, Ɛsɔ Pɩyalʋ huuzuu kɔ-yɔɔ nɛ kaasʋʋ Satanɩ nesi taa.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.