Maatiyee 24:14 - New Testament

¹⁴ Pɔkɔŋ susuu Ɛsɔ Kewiyaɣ Laŋhɛzɩyɛ Tɔm kedeŋa kpeekpe nɛ pɩkɛnɩ aseɣɖe ajɛya tɩŋa payɩ. Pʋwayɩ lɛ, kedeŋa tɛ.»

Maatiyee 24:14 ပူးပေါင်းရင်းမြစ်များ

Maatiyee 10:7

Ɩlɩ nʋmɔʋ taa lɛ, isusi ɛyáa se Ɛsɔ Kewiyaɣ wɩzɩ talʋʋ.

Maatiyee 18:19

«Meheyiɣ-mɩ ɖɔɖɔ se: yee mɩ-taa ɛyáa naalɛ ɛnɩnɩ ɖama tataa cɩnɛ nɛ pasʋlʋmɩ man-Caa weyi ɛwɛ ɛsɔdaa yɔ paa ɛbɛ yɔ, ɛhaɣ-wɛ-pʋ.

Maatiyee 24:3

Pɩkɛdaa lɛ, Yesu wolo Somiŋ Pʋʋ yɔɔ nɛ ɛcaɣ nɛ ɛ-tɔmkpɛlɩkɩyaa wolo ɛ-cɔlɔ pe-ɖeke nɛ pɔpɔzɩ-ɩ se: «Heyi-ɖʋ alɩwaatʋ ndʋ́ pɩkaɣ labʋ ḿbʋ́ yɔ nɛ mbʋ́ pʋkɔŋ wɩlʋʋ se ñɔ-kɔm nɛ kedeŋa tɛm pawɩzaa yɔ.»

Maatiyee 24:6

Ɩkɔŋ nɩʋ you ŋgʋ́ kʋñɔtɩnɩ-mɩ kpam yɔ kɩ-taŋ nɛ ŋgʋ́ kʋwɛ poliŋ yɔ kʋ-tɔm. Ɛlɛ́, sɔɔndʋ ɛtaakpa-mɩ, mbʋ́ pʋyɔɔ yɔ, pʋwɛɛ se pɩla ḿbʋ́. Ɛlɛ́, alɩwaatʋ tatalɩda.

Maatiyee 4:23

Yesu cɔwaɣ Galilee egeetiye tɩŋa taa payɩ nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ ndɩ ndɩ taa nɛ ɛlakɩ nɛ ajamaa ndɩ ndɩ nɛ kʋdɔndɩnaa ndɩ ndɩ patɩŋa pɔ-yɔɔ cɛkɩ.

Maatiyee 9:35

Yesu cɔwaɣ tɛtʋ sɔsɔtʋ nɛ cikpetu patɩŋa pa-taa nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ taa nɛ ɛlakɩ nɛ kʋdɔndɩnaa ndɩ ndɩ nɛ ajamaa ndɩ ndɩ patɩŋa pɔ-yɔɔ cɛkɩ.

Maarkɩ 13:10

Pʋcɔ alɩwaatʋ ńdʋ́ tɩtalɩ lɛ, pʋwɛɛ se posusi Laŋhɛzɩyɛ Tɔm ajɛya tɩŋa taa.

Luka 2:1

Alɩwaatʋ ńdʋ́ʋ́ Room wiyaʋ sɔsɔ Ogustɩ ha nɔɔ se pakalɩ ɛyáa mbá ɛcɔŋnɩ pɔ-yɔɔ yɔ patɩŋa.

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Luka 4:5

Pʋwayɩ lɛ, Satanɩ kpaɣ-ɩ nɛ ɛkpazɩ-ɩ ɖenɖe pɩkɩlɩ kʋyʋʋ yɔ nɛ ɛtɩwɩlɩ-ɩ kedeŋa kpeekpe yɔɔ ajɛya

Tʋma Labʋ 1:2

nɛ pʋkɔɔ pɩsɩɩnɩ kɩyakʋ ŋgʋ́ Ɛsɔ kpazɩ-ɩ ɛsɔdaa yɔ. Ɛɛlɩzɩ ɛyáa nabɛyɛ se pɛkɛ e-tiyiyaa, nɛ pʋcɔ Ɛsɔ kpazɩ-ɩ ɛsɔdaa lɛ, ɛtɩŋnɩ Fezuu Kiɖeɖeu ɖoŋ yɔɔ nɛ ɛɖʋ-wɛ paɣtʋ.

Tʋma Labʋ 11:28

Peeɖe Fezuu Kiɖeɖeu kʋsɩ pa-taa lɛlʋ weyi payaɣ se Agaabusi yɔ nɛ eheyi-wɛ se ñɔɔsɩ sɔsɔsɩ nasɩyɩ kɔŋ lɩʋ ɛjaɖɛ kpeekpe yɔɔ. Toovenim lɛ, meheyiɣ-mɩ se sɩlɩ alɩwaatʋ ndʋ́ Kloodi kɛ Room wiyaʋ sɔsɔ yɔ tɩ-taa.

Tʋma Labʋ 17:31

Mbʋ́ pʋyɔɔ yɔ, ɛtɛm ɖʋʋ kɩyakʋ ŋgʋ́ ɛkɔŋ hʋnaʋ kedeŋa kpeekpe yɔɔ ɛyáa nɛ toovenim yɔ. Ɛyʋ weyi ɛlɩzaa yɔ, ɛ-yɔɔ ɛtɩŋɩɣna nɛ ɛhʋʋnɩ-wɛ tɔm. Mbʋ́ ɛwɩlɩnɩ paa weyi se ɛkɔŋ-pʋ labʋ yɔ lɛ se efezi-i nɛ sɩɖaa taa.»

Tʋma Labʋ 17:6

Ɛyáa ḿbá powoba lɛ, patana-wɛ. Peeɖe pakpa Yaasɔɔ nɛ pɛkpɛndɩnɩ taabalaa nabɛyɛ nɛ pɔhɔm-wɛ nɛ powoni tɛtʋ ñʋndɩnaa cɔlɔ nɛ poholuu se: «Ɛyáa panɛ, pɛwɛɛkɩɣ kedeŋa kpeekpe, lɛɛlɛɛyɔ, patalɩ ɖɛ-tɛ cɩnɛ

Tʋma Labʋ 19:27

Manaʋ yɔ, yee ɖɩtakʋyɩ ɖɩsɩŋ tɔm ńdʋ́ tɩ-yɔɔ yɔ, ɖa-tʋmɩyɛ ɖɩnɛ ɖɩsɩɣ tɩnaɣ! Đɔɖɔ lɛ, ɖɛ-ɛgɔlɩmɩyɛ sɔsɔɖɛ Artemiisi nɖɩ́ Aazii ñɩma tɩŋa nɛ ajɛya kpeekpe ɛyáa poluŋuu ɖɩ-tɛɛ yɔ, peniɣziɣ ɖɩ-ɖɩɣa nɛ nɔɔyʋ ɛɛtasɩɣ-ɖɩ kpaɣʋ nɛ ɛ́yáa pʋyʋ!»

Tʋma Labʋ 20:25

Lɛɛlɛɛyɔ, manawa se mbá mɩ mɩtɩŋa payɩ mɔnkɔm mɩ-hɛkʋ taa nɛ monsusi Ɛsɔ Kewiyaɣ tɔm yɔ, mɩ-taa nɔɔyʋ ɛɛtasɩɣ naʋ mɛ-ɛsɩbiye taa kaʋ.

Room 10:18

Ḿbʋ́ mɔnpɔzʋʋ se: Yuda ñɩma tanɩɩ tɔm ńdʋ́ yaa we? Panɩ-tʋ. Ḿbʋ́ pama Ɛsɔtɔm Takayaɣ taa se: «Ɛyáa nɩ pa-taŋ paa le kedeŋa yɔɔ, nɛ halɩ ndʋ́ pɔyɔɔdaa yɔ, tɩtalɩ ɖooo kedeŋa tɩnaɣ yɔɔ.»

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 1:6

Laŋhɛzɩyɛ Tɔm ńdʋ́, tɩtalɩ mɩ-tɛ ɛzɩ tɩcɔʋ kedeŋa kpeekpe yɔɔ ɛyáa cɔlɔ nɛ tɩlabɩ-wɛ tʋmɩyɛ siŋŋ yɔ. Ḿbʋ́ ɖɔɖɔ tɩlabɩ-mɩ tʋmɩyɛ kpaɣ ɖooo kɩyakʋ ŋgʋ́ ɩnɩ Ɛsɔ lootiye tɔm nɛ ɩtɩlɩ-ɖɩ kpem yɔ.

Ebree 1:6

Ɛlɛ́, alɩwaatʋ ndʋ́ etiyaɣ ɛ-kajalaɣ pɩɣa kedeŋa yɔɔ yɔ, ɛtɔm se: «Pʋwɛɛ se e-tiyiyaa tɩŋa payɩ eluŋ kɛ-tɛɛ.»

Ebree 2:5

Toovenim lɛ, Ɛsɔ taha e-tiyiyaa waɖɛ se pɔcɔnɩ kedeŋa ŋgá kakaɣ kɔm yɔ kɔ-yɔɔ. Kɔ-tɔm ɖɩɖɔŋ yɔɔdʋʋ.

Wɩlʋʋ 14:6

Pʋwayɩ lɛ, mana Ɛsɔ tiyiyu lɛlʋ, ɛkʋyaɣ ɖooo ɛsɔdaa. Ɛɛwɛnɩ Laŋhɛzɩyɛ Tɔm ndʋ́ tɩwɛ tam yɔ se esusuu kedeŋa yɔɔ ɛyáa nɛ ajɛya tɩŋa nɛ cejewee tɩŋa nɛ kʋnʋmɩŋ tɩŋa nɛ samaɣ tɩŋa.

Wɩlʋʋ 16:14

Ɩkɛ aleewaa feziŋ weyi ɩwɩlɩɣ kawɩlɩsɩ yɔ. Iwoki kedeŋa kpeekpe yɔɔ awiya cɔlɔ se ikpeɣli-wɛ nɛ pala you Ɛsɔ Đoŋ Tɩŋa Tʋ kɩyakʋ sɔsɔʋ wiye.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.