Maatiyee 23:34 - New Testament

³⁴ Pʋ-yɔɔ meheyiɣ-mɩ se: mentiyiɣni-mɩ náyaa nɛ lɔŋsɩnɖaa nɛ paɣtʋ wɩlɩyaa. Ɩkɔŋ kʋʋ lɛlaa nɛ ɩka lɛlaa kaamaŋkasɩ yɔɔ nɛ ilu lɛlaa agbazɛɛ mɩ-Ɛsɔ ɖɩsɛyɛ ndɩ ndɩ taa nɛ ɩwɛɛ lɛlaa wayɩ kaŋ kaŋ tɛtʋ ndɩ ndɩ taa.

Maatiyee 23:34 ပူးပေါင်းရင်းမြစ်များ

Maatiyee 10:23

Yee pɛwɛ mɩ-wayɩ kaŋ kaŋ tɛtʋ natʋyʋ taa lɛ, ise nɛ iwolo lɛɛtʋ taa. Toovenim lɛ, meheyiɣ-mɩ se ɩɩtɛŋ cɔʋ Izrɛɛlɩ tɛtʋ tɩŋa payɩ nɛ pʋcɔ Ɛyʋ Pɩyalʋ kɔɔ.

Maatiyee 13:52

Peeɖe eheyi-wɛ se: «Pʋ-yɔɔ lɛ, paɣtʋ wɩlɩyʋ weyi ɛpɩsɩ Ɛsɔ Kewiyaɣ taa tʋmlaɖʋ yɔ, ɛwɛ ɛzɩ ñɩm tʋ weyi ɛlɩzɩɣ ɛ-ñɩm taa wondu kɩfatʋ nɛ kɩbɩndʋ yɔ.»

Maatiyee 23:31

Ḿbʋ́ ɩwɩlɩnɩ mɩ-tɩ se mɩ lɛ náyaa kʋyaa pɩyalaa.

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Yohanɛɛsɩ 16:2

Pɔkɔŋ-mɩ ɖaŋʋʋ se ɩtaatasɩ wobu Ɛsɔ ɖɩsɛyɛ naɖɩyɛ taa. Halɩ alɩwaatʋ natʋyʋ kɔŋ nɛ mbá pakʋʋ-mɩ yɔ, pamaɣzɩ se Ɛsɔ tʋmɩyɛ palakɩ ḿbʋ́.

Yohanɛɛsɩ 20:21

Peeɖe Yesu tasɩ yɔɔdʋʋ se: «Ɩwɛɛ laŋhɛzɩyɛ taa! Mentiyiɣ-mɩ ɖɔɖɔ ɛzɩ man-Caa tiyuu-m yɔ.»

Tʋma Labʋ 1:8

Ɛlɛ́, alɩwaatʋ ndʋ́ Fezuu Kiɖeɖeu tiki mɩ-yɔɔ yɔ, ihikiɣ ɖoŋ nɛ ɩkɛ ma-aseɣɖe tɩnaa Yeruusalɛm tɛtʋ taa nɛ Yudee nɛ Samaarɩɩ pa-ageeta taa nɛ kedeŋa kpeekpe yɔɔ.»

Tʋma Labʋ 11:27

Alɩwaatʋ ńdʋ́ tɩ-taa náyaa nabɛyɛ kʋyɩ Yeruusalɛm nɛ powolo Antɩyɔɔsɩ.

Tʋma Labʋ 12:2

Eyeba nɛ pakʋ Yohanɛɛsɩ ɖalʋ Yakubu nɛ sɩɣa kɩɖaɣlaɣ.

Tʋma Labʋ 13:1

Náyaa nɛ wɩlɩyaa paawɛ Antɩyɔɔsɩ Krɩstʋ ŋgbɛyɛ taa. Ḿbá yɔ: Barnaabaasɩ nɛ Siimeyɔɔ weyi payaɣ se Kɩkpɛdʋ yɔ nɛ Siirɛɛnɩ tʋ Lusiyuusi nɛ Manayɛɛnɩ weyi paaɖɔkɩ ɛ nɛ wiyaʋ Eroodi pa-pɩcatʋ taa yɔ nɛ Sɔɔlɩ.

Tʋma Labʋ 14:19

Pʋwayɩ Yuda ñɩma nabɛyɛ lɩnɩ Antɩyɔɔsɩ nɛ Ikoniyɔm pɛ-tɛtʋ taa nɛ powolo Listrɩ peeɖe nɛ pasazɩ ɛyáa samaɣ se ka nɛ wɛ payaɣ Pɔɔlɩ pɛɛ nɛ ɛsɩ. Pamaɣzaa se ɛsɩkɩ lɛ, potuu-i nɛ palɩzɩ nɛ tɛtʋ wayɩ.

Tʋma Labʋ 15:32

Yuudi nɛ Silaasɩ pa-maɣmaɣ paakɛ náyaa. Pʋ-yɔɔ paba ñɛkɛdɩ-wɛ tɔm sakɩyɛ se pɩlabɩ-wɛ hʋnʋm nɛ pɛtɛzɩ pɩʋ Ɛsɔ nʋmɔʋ taa.

Tʋma Labʋ 5:40

Peeɖe paya tiyiyaa ḿbá nɛ polu-wɛ agbazɛɛ nɛ paka pa-ñʋŋ taa se pataatasɩ Yesu hɩɖɛ yaʋ. Pʋwayɩ lɛ, peyebi-wɛ se pɛɖɛɛ.

1 Kɔrɛntɩ 2:6

Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

1 Kɔrɛntɩ 3:10

Ma lɛ, Ɛsɔ labɩ-m lootiye nɛ mɛwɛɛ ɛzɩ kuduyiŋ mayʋ kɩbanʋ weyi ɛsɩ tigiɖe nɛ lɛlʋ tɩnɩɣ ɖɩ-yɔɔ yɔ. Ɛlɛ́, pʋwɛɛ se paa weyi ɛtɩlɩ ɛzɩma mbʋ́ ɛtɩnɩɣ ɖɩ-yɔɔ yɔ.

Koloosi 1:28

Ɛ-tɔm ɖisusuu nɛ ɖɩkaŋ paa weyi ɛ-ñʋʋ taa nɛ ɖɩwɩlɩɣ-ɩ nɛ ɖɔ-lɔŋsɩnɖɛ tɩŋa. Đɩlakɩ ḿbʋ́ se pɩtɩŋnɩ ɛ nɛ Krɩstʋ pɛ-kpɛndʋʋ yɔɔ nɛ ɛpɩɩ.

1 Tesalooniki 2:16

Paɖɩkɩ-ɖʋ nʋmɔʋ se ɖitaasusi mbá pɛtɛkɛ Yuda ñɩma yɔ ñʋʋ yabʋ tɔm. Ḿbʋ́ pɛwɛɛ pɛtɛzɩɣ kɩwɛɛkɩm labʋ. Ɛlɛ́, Ɛsɔ pana tɛmnɩ-wɛ kpanaʋ.

Ebree 11:37

Pakʋ lɛlaa nɛ pɛɛ nɛ patayɩ lɛlaa titilee naalɛ naalɛ nɛ pakʋ lɛlaa nɛ sɩɣa. Lɛlaa kɛkɛ kʋñɔndɩnaa, posuu heŋ nɛ pʋŋ pɔ-tɔna wondu nɛ pɛwɛɛ pɔcɔʋ paa le. Ɛyáa kɛwɛ pa-wayɩ kaŋ kaŋ nɛ panazɩɣ-wɛ.

Wɩlʋʋ 11:10

Kedeŋa yɔɔ ñɩma taa hʋlʋmʋʋnɩ náyaa naalɛ ḿbá pa-sɩm nɛ pɛwɛɛ amaya yɔɔ. Pɔkɔŋ ɖama tiyinaʋ kʋjɔŋ, mbʋ́ pʋyɔɔ yɔ, pa-naalɛ panazaɣnɩ-wɛ.