11 Mɩ-taa sɔsɔ ɛpɩsɩ mɩ-tʋmlaɖʋ.
Mɩ-taa nɔɔyʋ ɛtaayele ɖɔɖɔ nɛ payaa-ɩ se: ‹Wiyaʋ.› Mbʋ́ pʋyɔɔ yɔ, Wiyaʋ kʋɖʋm koŋ ɩwɛna, ɛnʋ lɛ Krɩstʋ.
Peeɖe Yesu caɣaɣ nɛ ɛ́yáa pe-hiu nɛ naalɛ nɛ eheyi-wɛ se: «Weyi ɛcaɣ se ɛkɛ sɔsɔ yɔ, pʋdʋ ɛpɩsɩ ɛ-tɩ lɛlaa taa pɩɣa nɛ ɛla patɩŋa payɩ tʋmɩyɛ.»
Paa mɛnkɛ weyi ɛwɛ ɛ-tɩ yɔɔ ɛyáa tɩŋa ɛsɩndaa yɔ, manpɩsɩ man-tɩ patɩŋa payɩ po-yom se manpɩzɩ mansɩnɩ ɛyáa sakɩyɛ nɛ pɛwɛnɩ lidaʋ Krɩstʋ yɔɔ.
Pɛkɛ Krɩstʋ tʋmlaɖaa naa we? Tɔɔ! Mɔyɔɔdʋʋ ɛzɩ ma-ñʋʋ taa fɛyɩ yɔ. Mɛnkɛ Krɩstʋ tʋmlaɖʋ nɛ pɩkɩlɩ-wɛ. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ-wɛ. Paɖʋ-m salaka tam sakɩyɛ nɛ pɩkɩlɩ-wɛ. Pamabɩ-m siŋŋ. Manpam coɖuu sɩm ɖɔɖɔ.
Toovenim lɛ, pɩtɛkɛ ɖa-maɣmaɣ ɖɔ-tɔm ɖisusuu. Ɛlɛ́, Krɩstʋ Yesu weyi ɛkɛ Kɩpaɣlʋ yɔ ɛ-tɔm ɖisusuu. Ndʋ́ ɖɩyɔɔdʋʋ ɖa-maɣmaɣ ɖɔ-yɔɔ yɔ lɛ se: ɖɩkɛ mɩ-tʋmlaɖaa Yesu yɔɔ.
Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.
