Maatiyee 22:40 - New Testament

⁴⁰ Paɣtʋ tʋnɛ tɩ-naalɛ tɩkɛnɩ Mooyiizi paɣtʋ nɛ tɔm ndʋ́ náyaa susuu yɔ ti-kiɖe.»

Maatiyee 22:40 ပူးပေါင်းရင်းမြစ်များ

Maatiyee 7:12

Pʋ-yɔɔ lɛ, mbʋ́ ɩcaɣ se ɛyáa ɛlabɩ-mɩ yɔ, mɩ ɖɔɖɔ ɩlabɩ-wɛ ḿbʋ́. Ḿbʋ́ Mooyiizi weyi Ɛsɔ cɛlɩ paɣtʋ yɔ nɛ náyaa paɖʋwa se ɩla.»

Yohanɛɛsɩ 1:17

Toovenim lɛ, Mooyiizi yɔɔ Ɛsɔ tɩŋnaa nɛ ɛɖʋ-ɖʋ paɣtʋ. Ɛlɛ́, Yesu Krɩstʋ yɔɔ ɛtɩŋnaa nɛ ɛlabɩ-ɖʋ lootiye nɛ ɛwɩlɩ-ɖʋ toovenim.

Room 13:9

Toovenim lɛ, paɣtʋ ndʋ́ paɖʋwa se: taala acɛyɛ, taakʋ ɛyʋ, taamɩlɩ, taaɖʋ ɛsɩyɛ lɛlaa ñɩm yɔɔ nɛ lɛɛtʋ ndʋ́ tɩwɛɛ yɔ tɩtɩŋa payɩ tɩwɛ paɣtʋ ndʋ́ paɖʋwa se: sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ tɩ-taa.

Galaatɩ 5:14

Mbʋ́ pʋyɔɔ yɔ, paɣtʋ natʋyʋ wɛɛ, ɛyʋ ɛɖɔm tɩ-yɔɔ yɔ, pʋbʋ, ɛɖɔm lɛɛtʋ tɩŋa payɩ yɔɔ. Ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

1 Timootee 1:5

Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

Yakubu 2:8

Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»