Maatiyee 22:23 - New Testament

²³ Puwiye ńɖɩ́ ɖɔɖɔ Saduki ŋgbɛyɛ taa ñɩma woba Yesu cɔlɔ. Ḿbá tɔŋna se sɩɖaa eefeŋ. Powoba lɛ, peheyi-i se:

Maatiyee 22:23 ပူးပေါင်းရင်းမြစ်များ

Maatiyee 16:6

Peeɖe ɛpaɣ-wɛ se: «Ɩɖɔkɩ mɩ-tɩ ɖeu nɛ Farɩsɩ ñɩma nɛ Saduki ñɩma pɔ-sɔsɔɔna.»

Maatiyee 3:7

Yohanɛɛsɩ nawa se Farɩsɩ ŋgbɛyɛ taa ñɩma nɛ Saduki ŋgbɛyɛ taa ñɩma mbá powoki ɛ-cɔlɔ se ɛlabɩ-wɛ lɩm sɔʋ sɔnzɩ yɔ, pɔɖɔwa siŋŋ. Peeɖe eheyi-wɛ se: «Ɛyáa azaɣ́a mɩ! Acɩba-mɩ cɩkpalʋʋ se Ɛsɔ pana kɔŋ-mɩ kpanaʋ yɔ?

Tʋma Labʋ 4:1

Pɩyɛ nɛ Yohanɛɛsɩ pɔyɔɔdaɣnɩ ɛyáa samaɣ ḿbʋ́ lɛ, cɔjɔnaa nɛ Ɛsɔ ɖɩɣa yɔɔ ɖaŋɩyaa ñʋndɩnaa nɛ Saduki ŋgbɛyɛ taa ñɩma powolo pɔ-cɔlɔ.

Tʋma Labʋ 5:17

Pɩlakaɣ ḿbʋ́ lɛ, Saduki ŋgbɛyɛ taa ñɩma tɩŋa payɩ wɛ cɔjɔnaa ñʋʋdʋ cɔlɔ. Panɩ ḿbʋ́ lɛ, pala ɛsɩsɛmɩyɛ nɛ paɖʋ se pakpaɣ Yesu tiyiyaa.

2 Timootee 2:18

mbá peyebi toovenim nʋmɔʋ nɛ peheyiɣ ɛyáa se Ɛsɔ tɛm-ɖʋ fezuu nɛ sɩɖaa taa yɔ. Ḿbʋ́ labɩna nɛ nabɛyɛ lesi pe-lidaʋ.