Maatiyee 22:16 - New Testament

¹⁶ Peeɖe petiyi pɔ-tɔmkpɛlɩkɩyaa taa lɛlaa nɛ Eroodi hɔɔlʋʋ taa ñɩma nabɛyɛ se powolo peheyi-i se: «Wɩlɩyʋ! Đɩnawa se ŋyɔɔdʋʋ toovenim nɛ ŋkpɛlɩkɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Sɔɔndʋ ɛɛkpaɣ-ŋ nɛ nɔɔyʋ, mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋyaa pʋyʋ.

Maatiyee 22:16 ပူးပေါင်းရင်းမြစ်များ

Maatiyee 22:24

«Wɩlɩyʋ! Đɔ-cɔzɔ Mooyiizi ɖʋ ɛ-paɣtʋ taa se: ‹Yee ɛyʋ ɛkpaɣ halʋ nɛ ɛsɩ, ɛfɛyɩnɩ pɩɣa yɔ, pʋwɛɛ se e-neu ɛhɔ lelu ɛnʋ nɛ ehiɣni-i pɩɣa ɛ-ɖalʋ ɛnʋ e-lone taa.›

Maatiyee 22:26

Pɩtalabɩdɩ pʋyʋ lɛ, ɛ́lɛ́ caŋ ɛsɩ ɖɔɖɔ. Ɛ́lɛ́ wayɩ lɛ, tozo tʋ ñɔhɔm-ɩ nɛ ɛ́lɛ́ sɩ ɖɔɖɔ. Pɩla ḿbʋ́ nɛ pɔkɔɔ pasɩ pa-lʋbɛ.

Maatiyee 26:18

Ɛlɛ́, ecosi-wɛ se: «Iwolo tɛtʋ taa nɔɔyʋ cɔlɔ nɛ iheyi-i se Wɩlɩyʋ se ɛ-sɩm alɩwaatʋ talaa, ñɛ-tɛ ɛ nɛ ɛ-tɔmkpɛlɩkɩyaa pɔkɔŋ pɔtɔɔ Yuda ñɩma Paska Kazandʋ.»

Maatiyee 26:49

Ɛtalaa lɛ, ɛtɩwobu Yesu cɔlɔ nɛ eheyi-i se: «Wɩlɩyʋ, sɛɛ ɖeu!» Ɛlɛ́, ɛmʋzɩ ɛ-laɣzaɣ yɔɔ.

Maarkɩ 10:17

Yesu tɛm piya yɔɔ wazʋʋ nɛ ɛkpaɣ nʋmɔʋ lɛ, abalʋ nɔɔyʋ kpaɣ seya nɛ ewolo eluŋ ɛ-tɛɛ nɛ ɛpɔzɩ-ɩ se: «Wɩlɩyʋ kɩbanʋ! Ɛbɛ pʋwɛɛ kpem se mala nɛ mehiɣ wezuu maatɛŋ?»

Maarkɩ 12:13

Pʋwayɩ lɛ, petiyi Farɩsɩ ñɩma nɛ Eroodi hɔɔlʋʋ taa ñɩma nabɛyɛ se powolo pañɩ Yesu nɔɔ cɔlɔ tɔm nɛ pʋtɔma yɔ, ɛyɔɔdɩ natʋyʋ nɛ pakpa-ɩ.

Maarkɩ 12:14

Patalaa lɛ, peheyi-i se: «Wɩlɩyʋ! Đɩnawa se ŋyɔɔdʋʋ toovenim, sɔɔndʋ ɛɛkpaɣ-ŋ nɛ nɔɔyʋ. Mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋlabɩnɩ tʋmɩyɛ. Ŋwɩlɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Đa-paɣtʋ haɣ waɖɛ se pɛhɛyɩ Room wiyaʋ sɔsɔ lambuu yaa pataahɛyɩ-ɩ? Đa yɔ, pʋwɛɛ se ɖɩhɛyɩ-ɩ yaa ɖɩtaahɛyɩ-ɩ? Cosi-ɖʋ nɛ ɖɩnɩɩ.»

Maarkɩ 3:6

Peeɖe Farɩsɩ ñɩma lɩwa payaa Eroodi ŋgbɛyɛ taa ñɩma nɛ patɩlabʋ lɩmaɣza se pana ɛzɩma mbʋ́ paala nɛ pakʋ Yesu yɔ.

Maarkɩ 8:15

Peeɖe Yesu paɣ́-wɛ se: «Ɩɖɔkɩ mɩ-tɩ ɖeu nɛ Eroodi nɛ Farɩsɩ ñɩma pɔ-sɔsɔɔna.»

Luka 20:21

Pʋ-yɔɔ peheyi-i se: «Wɩlɩyʋ! Đɩsɩm ɖeu se tɔm ndʋ́ ŋyɔɔdʋʋ nɛ ndʋ́ ŋwɩlɩɣ yɔ, tɩkɛ toovenim. Ŋtakpaɣ ɛyáa tɔm nɛ ŋlabɩnɩ tʋmɩyɛ. Ɛlɛ́, mbʋ́ Ɛsɔ liu wɛɛ se ɛyáa ɛla yɔ, pu-toovenim ŋwɩlɩɣ.

Luka 7:40

Ɛlɛ́, Yesu heyi Farɩsɩ tʋ ɛnʋ se: «Siimɔɔ! Mɛwɛnɩ tɔm natʋyʋ se meheyiɣ-ŋ.» Siimɔɔ cosi-i se: «Wɩlɩyʋ! Yɔɔdɩ.»

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Yohanɛɛsɩ 18:37

Pilaatɩ tasɩ-ɩ pɔzʋʋ se: «Yee ḿbʋ́ ŋkɛ wiyaʋ sɔsɔ na?» Ecosi-i se: «Ñɔyɔɔdʋʋnɩ ḿbʋ́. Ma lɛ, mɔnkɔm kedeŋa yɔɔ nɛ palʋlɩ-m se malɩzɩ aseɣɖe toovenim yɔɔ. Weyi ɛsɔɔlɩ toovenim yɔ, ewelesiɣni-m.»

Yohanɛɛsɩ 7:18

Weyi ɛyɔɔdʋʋ ɛ-maɣmaɣ ɛ-tɔm yɔ, ɛcaɣ se pasam-ɩ. Weyi ɛ́lɛ́ caɣ se pasa weyi etiyi-i yɔ, ɛkɛ toovenim tʋ, ɛzaɣ́tʋ natʋyʋ fɛyɩ ɛ-yɔɔ.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

2 Kɔrɛntɩ 5:16

Pʋ-yɔɔ lɛ, pɩkpaɣʋnɩ lɛɛlɛɛyɔ yɔ, ɖɩɩtasɩɣ nɔɔyʋ sɩm ɛsɛ yɔɔ. Paa ɛsɛ yɔɔ ɖɩɩsɩm Krɩstʋ yɔ, lɛɛlɛɛyɔ, ɖɩsɩm mbʋ́ ɛkɛnaa kpem yɔ.

Galaatɩ 1:10

Ɩmaɣzɩɣ se mɔyɔɔdʋʋ ḿbʋ́ yɔ, mancaɣ se ɛyáa ɩyɩɣyɩ-m yaa Ɛsɔ ɛyɩɣyɩnɩ-m? Ɩmaɣzɩɣ se malakɩ se pɩwɛɛ pɩkɛdɩɣnɩ ɛyáa naa we? Yee me-liu ɛɛwɛ ḿbʋ́ yɔ, mantaakɛnɩ Krɩstʋ tʋmlaɖʋ.

Galaatɩ 2:6

Ɛyáa mbá pɔcɔŋaɣnɩ-wɛ se pɛkɛ ñʋndɩnaa yɔ, patakpa-m nɛ ɖoŋ se mala pʋyʋ. Halɩ mantakpaɣ pɔ-sɔsɔtʋ nɛ mayaa pʋyʋ. Mbʋ́ pʋyɔɔ yɔ, ɛyáa tɩŋa payɩ wɛ kɩmaŋ Ɛsɔ ɛsɩndaa.

1 Tesalooniki 2:4

Ɛlɛ́, ɖɩyɔɔdʋʋ tam ɛzɩ Ɛsɔ liu wɛʋ yɔ: ɛmaɣzɩ-ɖʋ nɛ pʋcɔ ɛ́ɖʋzɩ ɖe-nesi taa ɛ-Laŋhɛzɩyɛ Tɔm. Pɩtɛkɛ se ɖɩñɩnɩɣ se ɖɔ-tɔm ɛkɛdɩnɩ ɛyáa, ɛlɛ́, Ɛsɔ ɖɩñɩnɩɣ se tɩkɛdɩna, ɛnʋ naɣnɩ mbʋ́ pʋwɛ ɖa-laŋa taa yɔ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.