Maatiyee 22:13 - New Testament

¹³ Peeɖe eheyi ɛ-tʋmlaɖaa se: ‹Ɩhɔkɩ e-nesi nɛ ɛ-naŋgbanzɩ nɛ ɩlɔ-ɩ nɛ awayɩ cɩkpɛndʋʋ taa. Peeɖe ewiliɣ nɛ ɛsalɩ e-kela.› »

Maatiyee 22:13 ပူးပေါင်းရင်းမြစ်များ

Maatiyee 12:29

«Nɔɔyʋ ɛɛpɩzɩɣ ewolo ɖoŋ tʋ nɔɔyʋ tɛ nɛ ɛmɩlɩ ɛ-ñɩm alɩwaatʋ ndʋ́ ɛtakpa-ɩ nɛ ɛhɔkɩ-ɩ yɔ. Ɛlɛ́, yee ɛkpa-ɩ nɛ ɛhɔkɩ-ɩ yɔ, ɛpɩzɩɣ ɛmɩlɩ ɛ-ɖɩɣa taa ñɩm tɩŋa payɩ.

Maatiyee 13:30

Iyele ḿbʋ́ nɛ tɔɔnaɣ ɛkɔm kapɩɩ lɛ, meheyi kʋnɖaa nɛ pacalɩ ñɩyʋʋ ɛzaɣ́ʋ ŋ́gʋ́ kpɛzʋʋ nɛ pekpeɣli nɛ pɔsɔbɩ-kʋ miŋ nɛ piyele pakʋ tɔɔnaɣ nɛ powoni-kɛ mɛn-tɛ nɛ posuu kpou taa.› »

Maatiyee 13:42

Palɩzɩɣ-wɛ lɛ, pɔlɔ-wɛ kʋñɔŋ sɔsɔʋ taa. Peeɖe pewiliɣ nɛ pasalɩ pe-kela.

Maatiyee 13:50

nɛ pɔlɔ-wɛ kʋñɔŋ sɔsɔʋ taa. Peeɖe pewiliɣ nɛ pasalɩ pe-kela.»

Maatiyee 24:51

nɛ ɛɖʋ-ɩ kʋñɔŋ siŋŋ ɛzɩ palakʋʋ tɛɛ nɛ pʋ-yɔɔ ñɩma yɔ. Peeɖe ewiliɣ nɛ ɛsalɩ e-kela.»

Maatiyee 25:30

Piyele tʋmlaɖʋ wazaɣ fɛyɩ tʋ ɛnɛ lɛ, ɩkpaɣ-ɩ nɛ ɩlɔ-ɩ awayɩ cɩkpɛndʋʋ taa. Peeɖe ewiliɣ nɛ ɛsalɩ e-kela.› »

Maatiyee 8:12

Ɛlɛ́, mbá pɩɩwɛɛ se pɛkɛ Ɛsɔ Kewiyaɣ taa ñɩma yɔ, pɔlɔʋ-wɛ nɛ awayɩ cɩkpɛndʋʋ taa. Peeɖe pewiliɣ nɛ pasalɩ pe-kela.»

Luka 13:28

Peeɖe pɔlɔʋ-mɩ nɛ awayɩ nɛ ɩma kubusi nɛ ɩsalɩ mi-kela. Alɩwaatʋ ńdʋ́ʋ́ ɩnaɣ Abraham nɛ Izaakɩ nɛ Yakɔɔbʋ nɛ náyaa tɩŋa payɩ pɛwɛ Ɛsɔ Kewiyaɣ taa fɛɛɛ.

Yohanɛɛsɩ 21:18

Toovenim lɛ, meheyiɣ-ŋ se: «Ŋŋkɛ evebu lɛ, ŋñɔɔzaɣ ña-tɩ nɛ ŋwoki ɖenɖe ñe-liu wɛɛ yɔ. Ɛlɛ́, ŋkɔŋ ŋkpadɩyɩ lɛ, ŋposuu ñe-nesi nɛ nɔɔyʋ tɔɔlɩ-ŋ tambaɖɛ nɛ ewoni-ŋ ɖenɖe ñe-liu fɛyɩ yɔ.»

Tʋma Labʋ 21:11

Ɛtalaa lɛ, ɛkpaɣ Pɔɔlɩ tambaɖɛ nɛ ɛhɔkɩ ɛ-naŋgbanzɩ nɛ e-nesi pa-taa nɛ ɛtɔ se: «Iwelesi nɛ ɩnɩɩ ndʋ́ Fezuu Kiɖeɖeu tiyi-m se mɔnkɔɔ meheyi-mɩ yɔ. Ńdʋ́ lɛ se: weyi ɛtɩnɩ tambaɖɛ ɖɩnɛ yɔ, ɛzʋnɔ Yuda ñɩma kɔŋ-ɩ hɔkʋʋ Yeruusalɛm nɛ paɖʋzɩ-ɩ mbá pɛtɛkɛ Yuda ñɩma yɔ pe-nesi taa.»

Tʋma Labʋ 7:54

Mbá patɩŋa paawɛ tɔm ɖɩhʋyɛ peeɖe yɔ, panɩ Etiyɛɛnɩ tɔm ńdʋ́ ḿbʋ́ lɛ, pa-pana kpa pɩŋŋ nɛ pɔtɔkɩ po-ndoma yem.

2 Tesalooniki 1:9

Kɩmɩyɛ nɖɩ́ ɛkpaɣ-wɛ yɔ lɛ se ewokini-wɛ asayʋʋ maatɛŋ taa, puposuuni Kɩpaɣlʋ nɛ e-ɖoŋ koboyaɣ.

2 Pɩyɛ 2:17

Cɛtɩm tɔm wɩlɩyaa ḿbá, pɛwɛ ɛzɩ hila wena a-taa lɩm sɔwa yɔ. Pɛwɛ ɖɔɖɔ ɛzɩ ɛsɔmɩndʋ ndʋ́ heɣlim sɔsɔm kpakɩɣ pɩɖɛɣna yɔ. Cɩkpɛndʋʋ sɔsɔʋ kpemm taa Ɛsɔ ñɔɔzʋʋ-wɛ ɖɩjaɣyɛ.

2 Pɩyɛ 2:4

Mbʋ́ pʋyɔɔ yɔ, Ɛsɔ tohuuzi ɛ-maɣmaɣ e-tiyiyaa mbá paalabɩ kɩwɛɛkɩm yɔ pɔ-yɔɔ. Ɛlɛ́, ɛɖʋ-wɛ kʋñɔŋ maatɛŋ taa se pɛwɛɛ cɩkpɛndʋʋ taa peeɖe nɛ pʋkɔɔ pɩsɩɩnɩ tɔm hʋʋ kɩyakʋ wiye.

Yuudi 1:13

Panɩɣzɩnɩ teŋgu lɩm hola wena awɛ ɖoŋ yɔ nɛ pa-lakasɩ nzɩ́ sɩkpaɣ ɛyáa fɛyɛ yɔ sɩsɩ ñanɩɣzɩnɩ azuluma wena hola ana akɔŋna yɔ. Pɛwɛ ɛzɩ tɩɩnzɩ nzɩ́ sɩɩcakɩ lone kʋɖʋmɖɩyɛ taa yɔ. Pʋ-yɔɔ Ɛsɔ ñɔɔzɩ-wɛ ɖɩjaɣyɛ cɩkpɛndʋʋ sɔsɔʋ taa se pacaɣ peeɖe tam.

Yuudi 1:6

Ɩtɔzɩ ɖɔɖɔ se Ɛsɔ tiyiyaa mbá pa-taa fɛyɩ leleŋ nɛ lone nɖɩ́ ɖɩ-taa Ɛsɔ sɩ-wɛ yɔ, pɛlɛɣzɩ ɖɩjaɣyɛ pa-maɣmaɣ nɛ ɛkpa-wɛ ɛhɔkɩ-wɛ yoŋgbasɩ nɛ ɛɖʋ-wɛ ɖooo cɩkpɛndʋʋ taa. Ɛɖʋ-wɛ se pɛwɛɛ sɩ-taa peeɖe ḿbʋ́ nɛ pʋkɔɔ pɩsɩɩnɩ kɩyakʋ sɔsɔʋ ŋgʋ́ ɛkɔŋ ɛhʋʋnɩ-wɛ yɔ.

Wɩlʋʋ 21:27

Azuluma pʋyʋ yaa weyi ɛlakɩ kʋsɔɔtʋ yɔ yaa weyi ɛcɛtɩɣ yɔ, ɛɛkaɣ sʋʋ tɛtʋ ńdʋ́ tɩ-taa. Ɛlɛ́, mbá pama pa-hɩla wezuu takayaɣ ŋgá kɛkɛ Heɣa ñɩŋga yɔ ka-taa yɔ, pe-ɖeke koŋ pasʋʋna.