Maatiyee 21:43 - New Testament

^43-44 [Yee pɩcɩbɩ nɔɔyʋ nɛ ɛtɔlɩ pɩyɛ ńɖɩ́ ɖɩ-yɔɔ yɔ, ɛmɩzɩɣ kpɛdɛɛɛ. Yee pɩcɩbɩ nɔɔyʋ nɛ ɖɩtɔlɩ ɛ-yɔɔ yɔ, ɖɩnaŋɩɣ-ɩ naŋa naŋa.]» Pʋ-yɔɔ meheyiɣ-mɩ se: mbá mɩ pɩɩwɛɛ se ɩkɛ Ɛsɔ Kewiyaɣ taa ñɩma yɔ, ɩɩtasɩɣ kɛʋ. Ɛlɛ́, mbá palakɩ mbʋ́ Ɛsɔ liu wɛɛ yɔ, ḿbá kɛɣnɩnɩ ka-taa ñɩma.

Maatiyee 21:43 ပူးပေါင်းရင်းမြစ်များ

Maatiyee 12:28

Toovenim lɛ, Fezuu Kiɖeɖeu ɖoŋ mɔnɖɔɔnʋʋnɩ aleewaa. Ḿbʋ́ wɩlɩɣna se Ɛsɔ Kewiyaɣ tɛm talʋʋ mɩ-hɛkʋ taa.

Maatiyee 21:41

Pocosi-i se: «Ɛkɔŋ ɛkʋ azaɣ́a ḿbá, pɩɩlakɩ-ɩ pʋtɔdɩyɛ kaʋ nɛ piyele ɛcaa ɛyáa kɩfama se pɔcɔnɩ-ɩ ɛ-tɩŋ yɔɔ camɩyɛ nɛ pokoyuu i-pee nɛ powokini-i alɩwaatʋ ndʋ́ pʋpɔzʋʋ yɔ.»

Maatiyee 21:42

Peeɖe ɛpɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ kaʋ yaa we? Ńdʋ́ lɛ se: ‹Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ atɩŋa payɩ lɛɛlɛɛyɔ. Kɩpaɣlʋ labɩna ḿbʋ́. Asaaa! Pʋwɛ ɖeu kpem!›

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.