Maatiyee 21:31 - New Testament

³¹ Peeɖe Yesu pɔzɩ-wɛ se: «Sɩ-naalɛ sɩ-taa lɛ, ŋgá kalabɩ mbʋ́ ka-caa liu wɛɛ yɔ?» Pocosi-i se: «Kajalaɣ ñɩŋga.» Ɛlɛ́, eheyi-wɛ se: «Toovenim lɛ, mankaɖɩɣ-mɩ se tikee mʋyaa nɛ halaa mbá pɛpɛdɩɣ pa-tɩ yɔ, pɛlɛyɩɣ-mɩ sʋʋ Ɛsɔ Kewiyaɣ taa.

Maatiyee 21:31 ပူးပေါင်းရင်းမြစ်များ

Maatiyee 12:50

Mbʋ́ pʋyɔɔ yɔ, weyi ɛlakɩ mbʋ́ man-Caa weyi ɛwɛ ɛsɔdaa yɔ e-liu wɛɛ yɔ, ɛnʋ lɛ me-neu yaa mon-ɖoo.»

Maatiyee 18:3

nɛ ɛtɔ se: «Toovenim lɛ, meheyiɣ-mɩ se: yee ɩtɛlɛɣzɩ nɛ ɩwɛɛ ɛzɩ piya cikpesi yɔ yɔ, ɩɩsʋʋ Ɛsɔ Kewiyaɣ taa kaʋ.

Maatiyee 20:16

Peeɖe Yesu tasɩ yɔɔdʋʋ se: «Ḿbʋ́ wayɩ ñɩma kɔŋ pɩsʋʋ kajalaɣ ñɩma nɛ kajalaɣ ñɩma ñapɩsɩ wayɩ ñɩma.»

Maatiyee 21:30

Abalʋ ɛnʋ, eheyi lɛɛka ɖɔɖɔ ḿbʋ́. Kaka cosi-i se: ‹Caa, mowoki.› Ɛlɛ́, kotowolo.»

Maatiyee 5:18

Toovenim lɛ, meheyiɣ-mɩ se alɩwaatʋ ndʋ́ ɛsɔdaa nɛ tɛtʋ pɛwɛɣ yɔ, mayaɣ nakɛyɛ yaa cacayaɣ nakɛyɛ fɛyɩ se kalɩɣ paɣtʋ ńdʋ́ tɩ-taa nɛ pʋkɔɔ pɩsɩɩnɩ alɩwaatʋ ndʋ́ pɩtɩŋa payɩ pɩlaba yɔ.

Maatiyee 5:46

Yee mbá pɔsɔɔlɩ-mɩ yɔ pe-ɖeke ɩsɔɔlʋʋ lɛ, kɩhɛyʋʋ ŋgʋ́ ɩɖaŋɩɣ Ɛsɔ cɔlɔ yɔ? Halɩ tikee mʋyaa maɣmaɣ ñɔsɔɔlʋʋ mbá pɔsɔɔlɩ-wɛ yɔ.

Maatiyee 6:5

Yesu tasɩ-wɛ heyuu se: «Yee ɩsɛɣ Ɛsɔ lɛ, ɩtaala ɛzɩ tɛɛ nɛ pʋ-yɔɔ ñɩma lakʋʋ yɔ. Pɔsɔɔlɩ sɩŋʋʋ Ɛsɔ ɖɩsɛyɛ taa nɛ habɛɛ nɔsɩ alɩwaatʋ ndʋ́ pɛsɛɣ Ɛsɔ yɔ se ɛyáa ɛna-wɛ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ!

Maatiyee 7:21

Yesu tasɩ-wɛ heyuu se: «Mbá payaɣ-m se: ‹Kɩpaɣlʋ! Kɩpaɣlʋ!› yɔ, pɩtɛkɛ patɩŋa pɔkɔŋnɩ sʋʋ Ɛsɔ Kewiyaɣ taa. Ɛlɛ́, mbá palakɩ mbʋ́ man-Caa weyi ɛwɛ ɛsɔdaa yɔ e-liu wɛɛ yɔ, pe-ɖeke pasʋʋnɩ ka-taa.

Maatiyee 9:9

Pʋwayɩ lɛ, Yesu tasɩ wobu nɛ ɛsɩndaa nɛ ɛna abalʋ weyi payaɣ se Maatiyee yɔ, ɛcaɣ tikee ɖɩmʋyɛ. Peeɖe Yesu heyi-i se: «Kʋyɩ ŋtɩŋ-m!» Ɛ́lɛ́ kʋyɩ ɖɔɖɔ nɛ ɛtɩŋ-ɩ.

Luka 15:10

Meheyiɣ-mɩ se ḿbʋ́ ɖɔɖɔ pʋwɛɛ: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ tiyiyaa laŋa hʋlʋmʋʋ ɖeu.»

Luka 19:22

Peeɖe wiyaʋ sɔsɔ ɛnʋ eheyi-i se: ‹Tʋmlaɖʋ ɛzaɣ́ʋ ña! Ñɔ-nɔɔ taa tɔm mahʋʋnɩ-ŋ. Ŋsɩm ḿbʋ́ se mɔn-tɔm wɛ kaɖɛ nɛ mbʋ́ mantasɩɩ yɔ, ḿbʋ́ mankpakɩɣ nɛ mbʋ́ montoɖúú yɔ, ḿbʋ́ mankʋŋ lɛ,

Luka 7:29

Izrɛɛlɩ ɛjaɖɛ taa ɛyáa tɩŋa welesaɣ Yohanɛɛsɩ tɔm, halɩ pɩkpɛndɩnɩ tikee mʋyaa maɣmaɣ. Pʋ-yɔɔ petisaa nɛ palabɩ-wɛ lɩm sɔʋ sɔnzɩ. Palabɩ ḿbʋ́ nɛ pɩwɩlɩ se Ɛsɔ tʋʋzaa.

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Tʋma Labʋ 17:30

Ɛsɔ ɛɛtasɩɣ kpaɣʋ mbʋ́ ɛyáa kalabɩ ɖooo lɔŋ nɛ patatɩlɩ yɔ nɛ ɛlabɩnɩ tʋmɩyɛ. Ɛlɛ́, lɛɛlɛɛyɔ eheyiɣ patɩŋa payɩ paa le se pɛlɛɣzɩ wɛtʋ.

Room 3:19

Đɩnawa se mbʋ́ pɩtɩŋa payɩ paɖʋ Mooyiizi paɣtʋ taa yɔ, mbá pasɩm-tʋ yɔ, ḿbá paɖʋ-tʋ. Pʋwɛ ḿbʋ́ se nɔɔyʋ ɛtaapɩzɩ ehiɣ ndʋ́ ɛwana yɔ nɛ ɛyáa tɩŋa tɩlɩ se payʋsɩ Ɛsɔ ɛsɩndaa.

Room 5:20

Paɖʋ paɣtʋ lɛ, kɩwɛɛkɩm tɛzɩ ɖɔʋ. Ɛlɛ́, ɖenɖe kɩwɛɛkɩm tɛzɩ ɖɔʋ yɔ, lootiye ñɔɖɔwa nɛ pɩkɩlɩ.

2 Pɩyɛ 3:9

Nabɛyɛ maɣzɩɣ se Kɩpaɣlʋ tala lɔŋ mbʋ́ eheyi ɛyáa se ɛlakɩ yɔ. Ŋgʋ́ pɩtɛkɛ ḿbʋ́. Ɛlɛ́, mɩ-yɔɔ ɛ́ɖɔ́kɩ ɛ-hɔyɛ. Mbʋ́ pʋyɔɔ yɔ, ɛtɔsɔɔlɩ se nɔɔyʋ ɛtɛŋɛlɩ. Ɛlɛ́, ɛsɔɔlaa se ɛyáa tɩŋa payɩ ɛlɛɣzɩ wɛtʋ.