Maatiyee 21:21 - New Testament

²¹ Peeɖe ecosi-wɛ se: «Toovenim lɛ, mankaɖɩɣ-mɩ se yee ɩwɛnɩ lidaʋ Ɛsɔ yɔɔ nɛ ɩɩpʋtʋʋ yɔ, ɩpɩzɩɣ ɩla mbʋ́ malabɩ hiyuú ŋ́gʋ́ yɔ. Ɛlɛ́, pɩɩsɩɣnɩ pi-ɖeke, halɩ ɩpɩzaɣ se iheyi pʋʋ kʋnɛ se: ‹Kpɛzɩ peeɖe nɛ ŋwolo ŋtɔlɩ teŋgu taa› nɛ pɩla ḿbʋ́ ɖɔɖɔ.

Maatiyee 21:21 ပူးပေါင်းရင်းမြစ်များ

Maatiyee 14:29

Ɛlɛ́, Yesu heyi-i se: «Kɔɔ!» Peeɖe Pɩyɛ lɩwa nɛ ɛɖɔŋ lɩm yɔɔ se ɛkatɩ-ɩ.

Maatiyee 17:20

Yesu cosi-wɛ se: «Mi-lidaʋ tatalɩ pʋyʋ yɔɔ ɩtapɩzɩ. Toovenim lɛ, mankaɖɩɣ-mɩ se: yee ɩɩwɛnɩ lidaʋ ɛzɩ piye nɖɩ́ ɖɩkɩlɩ kɔzʋʋ yɔ yɔ, ɩpɩzaɣ se iheyi pʋʋ kʋnɛ se: ‹Kpɛzɩ cɩnɛ nɛ ŋwolo ŋsɩŋ peeɖe yɔ!› Nɛ kɩla ḿbʋ́ ɖɔɖɔ. Halɩ nabʋyʋ fɛyɩ se ɩɩpɩzɩɣ ɩlabɩ-pʋ. [

Maatiyee 21:20

Ɛ-tɔmkpɛlɩkɩyaa na ḿbʋ́ lɛ, pɩɖɩɣzɩ-wɛ nɛ pɔpɔzɩ-ɩ se: «Ɛzɩma hiyuú ŋ́gʋ́ kɩwɩlɩ kpaagbaa ḿbʋ́?»

Maatiyee 8:12

Ɛlɛ́, mbá pɩɩwɛɛ se pɛkɛ Ɛsɔ Kewiyaɣ taa ñɩma yɔ, pɔlɔʋ-wɛ nɛ awayɩ cɩkpɛndʋʋ taa. Peeɖe pewiliɣ nɛ pasalɩ pe-kela.»

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

Yakubu 1:6

Ɛlɛ́, pʋwɛɛ se ɛ-sʋlʋmʋʋ taa lɛ, ɛwɛnɩ lidaʋ se Ɛsɔ haɣ-ɩ, pʋtʋʋ ɛtaawɛɛ. Weyi ɛpʋtʋʋ yɔ, ɛwɛ ɛzɩ teŋgu taa lɩm mbʋ́ heɣlim kpakɩɣ nɛ pɩtaŋgatɩɣ-pʋ yɔ.