Maatiyee 20:8 - New Testament

⁸ «Wɩsɩ tɛma lɛ, ñɩm tʋ ɛnʋ eheyi weyi ɛcɔŋnɩ tʋmlaɖaa yɔɔ yɔ se: ‹Yaa-wɛ nɛ ŋhɛyɩ-wɛ pe-liidiye. Ɛlɛ́, pazɩnɩ wayɩ wayɩ ñɩma nɛ pɩɖɩɣnɩ kajalaɣ ñɩma.›

Maatiyee 20:8 ပူးပေါင်းရင်းမြစ်များ

Maatiyee 20:7

Peeɖe paba cosi-i se: ‹Nɔɔyʋ takpaɣ-ɖʋ se ɖɩlabɩ-ɩ tʋmɩyɛ.› Ɛlɛ́, eheyi-wɛ se: ‹Yee ḿbʋ́ ɩtɩŋ lɛlaa wayɩ ma-hayɩm taa.›

Maatiyee 20:9

Mbá powobi hayɩm taa ɖanaɣ ñɩɣtʋ kagbaanzɩ yɔɔ yɔ, ɛhɛyɩ paa pa-taa weyi liidiye pɔɔyaɣ.

Maatiyee 25:19

«Pileɖaa lɛ, abalʋ ɛnʋ ɛpɩsɩ ɛkɔɔ nɛ ɛ́yáa ɛ-tʋmlaɖaa ḿbá se powolo peheyi-i mbʋ́ palabɩnɩ sika pɔɔyɩsɩ kapʋsɩ nzɩ́ ɛɛcɛlɩ-wɛ yɔ.

Maatiyee 25:31

Yesu tasɩ-wɛ heyuu se: «Puwiye nɖɩ́ Ɛyʋ Pɩyalʋ nɛ Ɛsɔ tiyiyaa tɩŋa pɛkpɛndɩɣnɩ e-koboyaɣ nɛ pɔkɔɔ yɔ, ɛcakɩ e-kewiyaɣ kpelaɣ yɔɔ.

Luka 10:7

Ɩsʋ ka-taa lɛ, ɩcaɣ peeɖe nɛ paha-mɩ mbʋ́ lɛ, ɩtɔɔ nɛ ɩñɔɔ. Mbʋ́ pʋyɔɔ yɔ, ḿbʋ́ pʋmʋnaa se pɛhɛyɩ tʋmlaɖʋ ɛ-tʋmɩyɛ yɔɔ. Ɩtaacɔɔ ɖɩsɩ tɩŋa taa yem yem.

Luka 12:42

Ɛlɛ́, ɛpɩsɩnɩ-ɩ se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

Luka 8:3

nɛ Cuuza weyi ɛkɛ Eroodi ɖɩɣa yɔɔ cɔnɩyʋ yɔ ɛ-halʋ Yoana nɛ Sʋzaana nɛ halaa lɛlaa sakɩyɛ mbá pakpakaɣ pa-ñɩm nɛ pasɩŋnɩ Yesu nɛ ɛ-tɔmkpɛlɩkɩyaa yɔ.

2 Kɔrɛntɩ 5:10

Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.

Tiiti 1:7

Mbʋ́ pʋyɔɔ yɔ, weyi ɛcɔŋnɩ Yesu ŋgbɛyɛ taa ñɩma yɔɔ yɔ, Ɛsɔ ɖʋnɩ-ɩ se ɛlabɩ-ɩ tʋmɩyɛ. Pʋ-yɔɔ lɛ, pɩtamʋnɩ se pana kawanaɣ nakɛyɛ ɛ-yɔɔ. Pɩfɛyɩ se ɛkpazɩ ɛ-tɩ yaa ɛkɛ pana tʋ yaa sʋlʋm kpaŋɩyʋ yaa weyi ɛwɛ helu helu yɔ yaa weyi emuluu ɛyáa se ehiɣ kɛzɛɣa yɔ.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

1 Pɩyɛ 4:10

Ɛsɔ labɩ paa mɩ-taa weyi kʋjɔʋ nɛ kɩ-ndɩ se ɛla tʋma ndɩ ndɩ. Pʋ-yɔɔ lɛ, pʋwɛɛ se paa weyi ɛkpaɣ-kʋ nɛ ɛlabɩnɩ tʋmɩyɛ camɩyɛ nɛ ɛsɩnɩ lɛlaa.