Maatiyee 20:24 - New Testament

²⁴ Tɔmkpɛlɩkɩyaa hiu mbá pɩkazaa yɔ, panɩ ḿbʋ́ lɛ, pa-taa wɩɩnɩ pa-naalɛ.

Maatiyee 20:24 ပူးပေါင်းရင်းမြစ်များ

Maatiyee 20:23

Yesu pɩsɩnɩ-wɛ se: «Toovenim ɩkɔŋ tɔɔʋ kʋñɔŋ ŋgʋ́ mɔntɔkɩ yɔ. Ɛlɛ́, ma-nɩwaŋ yɔɔ nɛ ma-nɩmɩyɛ yɔɔ caɣʋ ñɩndʋ lɛ, pɩtɛkɛ mahaɣnɩ nʋmɔʋ. Mbá man-Caa liu wɛɛ se pacaɣ lona ana a-taa yɔ, ḿbá cakɩna.»

Maatiyee 20:25

Peeɖe Yesu ya patɩŋa nɛ eheyi-wɛ se: «Ɩtɛm sɩm se mbá pɛkɛ awiya sɔsɔna yɔ, ponuutuu pa-ajɛya taa ñɩma nɛ sɔsaa ñawɩlɩɣ-wɛ ɖɔɖɔ po-ɖoŋ.

Maarkɩ 10:14

Yesu na ḿbʋ́ lɛ, pɩtɛkɛdɩnɩ-ɩ, ɛlɛ́ ɛkalɩ ɛ-tɔmkpɛlɩkɩyaa se: «Iyele piya nɛ sɩkɔɔ mɔn-cɔlɔ, ɩtaaɖaŋ-sɩ. Mbʋ́ pʋyɔɔ yɔ, mbá pɛwɛ ɛzɩ piya ńzɩ́ yɔ lɛ Ɛsɔ Kewiyaɣ taa ñɩma.

Maarkɩ 10:41

Yesu tɔmkpɛlɩkɩyaa hiu mbá pɩkazaa yɔ, paba nɩ ḿbʋ́ lɛ, pa-taa wɩɩnɩ Yakubu nɛ Yohanɛɛsɩ.

Luka 13:14

Ɛzɩ Yesu tɩɩlabʋ nɛ halʋ ɛnʋ ɛ-yɔɔ cɛ kɩyakʋ kɩhɛzʋʋ wiye ḿbʋ́ yɔ lɛ, Ɛsɔ ɖɩsɛyɛ taa wiyaʋ hɔyɛ pɩsɩ nɛ eheyi ɛyáa samaɣ se: «Kɩyakɩŋ loɖo palakɩ tʋmɩyɛ kɩyakʋ kɩsɩŋʋʋ taa. Yee weyi ɛcaɣ se ɛ-kʋdɔndʋ yɔɔ ɛcɛ yɔ, ɛtʋʋzɩnɩ kɩyakɩŋ ɩnʋ ɩ-taa nakʋyʋ nɛ ɛkɔɔ. Ɛtaakɔɔ kɩyakʋ kɩhɛzʋʋ wiye.»

1 Kɔrɛntɩ 13:4

Weyi ɛsɔɔlʋʋ ɛyáa yɔ, ɛɖɔkʋʋ ɛ-tɩ, ɛsɩŋnɩ-wɛ, ɛɛwɛɣ ɛsɩsɛmɩyɛ. Ɛɛkpazɩɣ ɛ-tɩ, ɛɛwɛɣ ajana.

Filiipu 2:3

Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

Yakubu 3:14

Ɛlɛ́, yee ɩlakɩ ɛsɩsɛmɩyɛ kadadaɣyaɣ nɛ ɩkɛɣyɩɣ ɖama yɔ, ɩtaakʋndɩ, ɩtaakpɛzɩ mbʋ́ pɩkɛ toovenim yɔ.

1 Pɩyɛ 5:5

Mɩ evebiya lɛ, ɩña Krɩstʋ ŋgbɛyɛ taa sɔsaa. Mɩtɩŋa payɩ itisi mɩ-tɩ ɖama tɛɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Ɛsɔ ɛɛnaɣ mbá pakpazɩɣ pa-tɩ yɔ nɛ ɛsɩyɛ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»